Filipi 2:22 - Biblia Tetun Dili

²² Maibee imi rasik hatene, Timóteo serbisu makaas hodi foo sai Nai Jesus nia Novidade Diak. Nia serbisu hamutuk ho hau, hanesan oan ida serbisu ho nia aman.

Filipi 2:22 Iomraidhean Croise

Apostolu sira nia Istoria 16:2

Sarani sira iha sidade Listra ho sidade Ikóniu hotu dehan Timóteo ema laran diak.

Roma 5:4

Se ita aguenta iha terus laran, nee halo ita nia laran metin liu tan. Ita nia laran metin nee halo ita fiar nafatin ba Maromak nia promesa.

1 Korintu 16:10

Bainhira Timóteo baa iha imi, simu nia ho diak atu nia la bele senti tauk iha imi nia klaran, tanba nia serbisu ba ita nia Nai Jesus, hanesan mos hau.

1 Korintu 4:17

Tanba nee hau haruka Timóteo baa ajuda imi. Hau hadomi nia hanesan hau nia oan rasik, nia mos ema ida nebee foo laran ba ita nia Nai. Timóteo sei foo hanoin ba imi kona ba hau nia lalaok moris nudar ema nebee tuir Kristu Jesus. Iha hau nia moris nee, hau sempre halo tuir buat nebee mak hau hanorin ba sarani sira iha fatin ba fatin.

2 Korintu 2:9

Ho objetivu ida nee mak hau hakerek hau nia surat ida uluk nee hodi koko imi, se imi sei halo tuir buat hotu-hotu nebee hau haruka ka lae.

2 Korintu 8:22

Ami mos haruka maluk sarani ida tan hamutuk ho Tito no nia kolega nee. Dala barak ona ami haree nia nee badinas halao Maromak nia serbisu. Agora nia hakarak liu tan atu ajuda imi, tanba nia fiar loos ba imi.

2 Korintu 8:24

Nee duni imi tenki hatudu domin ba ema sira nee, atu sarani sira iha fatin-fatin mos bele haree imi nia domin. Nunee sira hatene katak ami laos gaba imi saugati deit.

2 Korintu 8:8

Hau laos manda imi atu halo ida nee. Maibee hau hakarak kompara imi ho sarani sira seluk nebee badinas ajuda, atu nunee hau bele hatene imi nia domin ba ema seluk too iha nebee.

Filipi 1:12

Maun-alin sira, hau hakarak atu imi hatene katak, maski ema halo terus hau, maibee hau nia terus nee halo ema barak liu tan fiar ba Nai Jesus nia Novidade Diak.

Filipi 1:16

Sira nebee ho hanoin diak, foo sai kona ba Kristu tanba sira iha domin. Sira hatene katak, Maromak tau hau iha fatin nee para defende Novidade Diak.

Filipi 1:5

tanba hosi loron primeiru imi simu Maromak nia Novidade Diak too agora, imi ajuda hau hodi foo sai Novidade Diak nee.

Filipi 1:7

Hau senti nunee, tanba imi iha hau nia fuan-laran. Maromak foo fiar ba imi atu serbisu hamutuk ho hau. Bainhira Hau defende Nia Novidade Diak hodi hatudu ba ema katak Liafuan nee loos, imi sempre halo parte iha serbisu nee. Bainhira hau iha komarka laran mos, imi halo parte nafatin.

Filipi 2:20

Iha nee la iha ema seluk hanesan Timóteo. So nia deit mak iha interese teb-tebes ho imi.

1 Timóteo 1:18

Hau nia oan Timóteo. Buat nebee hau haruka o halo nee, tuir loloos lia tatoli nebee uluk Nai Maromak hatoo ba Nia ema kona ba o nia serbisu. Se o tuir Nia lia tatoli nee, entaun o sei luta nafatin hanesan funu nain diak ida.

1 Timóteo 1:2

Timóteo, o hanesan hau nia oan rasik, tanba hau hatudu dalan para o fiar ba Kristu Jesus. Hau harohan atu ita nia Aman Maromak ho Kristu Jesus ita nia Nai, hatudu Sira nia grasa ba o, hadomi o, i foo paz ba o.

1 Timóteo 4:6

Timóteo, hanorin buat sira nee hotu ba sarani sira. Se o halo nunee mak o serbii Kristu Jesus nudar Nia atan ida nebee diak. Durante nee o halo tuir hanorin nebee loos, i simu Nai Maromak nia Liafuan nebee halo ita fiar ba Nia, hanesan ema haan hahaan nebee diak hodi halo isin sai forti.

2 Timóteo 1:2

Timóteo, o hanesan hau nia oan rasik, nebee hau hadomi. Grasa no domin hosi Aman Maromak no Kristu Jesus ita nia Nai, foo paz ba o.

2 Timóteo 3:10

Timóteo, o akompanha ona hau nia moris tomak. O hatene hau nia hanorin, hau nia moris oinsaa, i hau nia objetivu saida. O haree ona hau nia fiar ba Jesus Kristu, hau nia pasensia, hau nia hadomi ba ema seluk, i oinsaa hau aguenta ho pasiensia iha terus laran.

Tito 1:4

Tito, o hanesan hau nia oan rasik, tanba ita nain rua fiar ba Jesus Kristu. Hau hatoo hau nia kumprimentos ba o hodi grasa no paz hosi Aman Maromak no Jesus Kristu ita nia salvador hamutuk ho o.