Filipi 2:21 - Biblia Tetun Dili

²¹ Sira seluk so hanoin deit sira nia aan. Buat nebee Jesus Kristu hakarak, sira la interese.

Filipi 2:21 Iomraidhean Croise

Mateus 16:24

Depois Jesus dehan ba Nia eskolanti sira, “See mak hakarak tuir Hau, nia tenki nega nia aan, lori nia krus i tuir Hau. Nee hanesan husik tiha nia hakarak rasik, tenki prontu simu terus, hanesan ema nebee loro-loron lori nia krus too mate. I nia tenki tuir Hau nafatin.

Lucas 14:26

“Ema nebee hakarak tuir Hau, nia tenki hadomi Hau liu buat hotu-hotu. Nia tenki hadomi Hau liu fali nia inan-aman, liu nia kaben, liu nia oan, liu nia maun-alin sira, liu nia feton ho naan sira ho mos liu nia aan rasik. Se lae, nia la serve sai Hau nia eskolanti.

Apostolu sira nia Istoria 13:13

Hosi sidade Pafos, Paulo ho nia kolega sira sae roo hodi baa iha Perge, iha provinsia Panfília. Too iha nebaa, sira tuun hosi roo, i João Marcos lao husik hela sira, hodi fila ba Jerusalém.

Apostolu sira nia Istoria 15:38

Maibee Paulo lakohi. Tanba uluk, iha provinsia Panfília, Marcos lao husik hela tiha sira.

1 Korintu 10:24

La bele buka diak ba o nia aan rasik, maibee buka diak ba ema seluk.

1 Korintu 10:33

Maibee halo hanesan hau. Hau koko atu halo haksolok ema hotu nia laran iha buat hotu. Hau laos buka diak ba hau nia aan, maibee buka diak ba ema barak, atu sira mos hetan salvasaun.

1 Korintu 13:5

Domin la trata aat ema, domin la buka manaan mesak, domin la hirus lalais, domin la hatene rai odi.

2 Korintu 1:5

Ita hetan terus oi-oin, hanesan mos Kristu uluk hetan terus. Maibee ita hetan terus too iha nebee mos, Maromak hametin nafatin ita nia laran liu hosi Kristu.

Filipi 2:4

La bele serbisu deit ba imi nia interese privadu, maibee imi ida-idak mos tenki haree ba ema seluk nia interese.

2 Timóteo 1:15

O hatene katak Fígelu ho Hermójenes ho sira seluk nebee hela iha provinsia Ázia fila kotuk husik hela hau.

2 Timóteo 3:2

Ema sei hadomi deit sira nia aan rasik, i hadomi deit osan. Sira gaba aan, foti aan, hatete aat ema, kontra inan-aman, la hatene foo obrigadu, i la respeita Nai Maromak.

2 Timóteo 4:10

Tan Demas husik tiha ona hau hodi baa iha sidade Tesalónika, tanba hadomi liu buat mundu nian. Kresente baa tiha ona provinsia Galasia, i Tito mos baa tiha ona rai Dalmásia.

2 Timóteo 4:16

Bainhira hau primeira vés hamriik iha juis nia oin hodi defende hau nia aan, la iha ema ida mak ajuda defende hau. Sira hotu husik hela hau. Husu boot, Maromak la foo sala ba sira.