Filipi 2:20 - Biblia Tetun Dili

²⁰ Iha nee la iha ema seluk hanesan Timóteo. So nia deit mak iha interese teb-tebes ho imi.

Filipi 2:20 Iomraidhean Croise

João 10:13

Ema nebee laos bibi atan halai, tanba nia serbisu hodi buka osan deit. Nia la foo aan hodi hein didiak bibi sira.

João 12:6

Judas dehan ida nee laos tanba nia hadomi ema kiak sira, maibee nia nee, ema naok-teen ida. Nia mak Jesus sira nia tezoreiru, i sempre foti osan hosi kofre.

Roma 15:5

Maromak mak tulun ita hodi aguenta iha terus laran no foo korajen mai ita. Hau harohan atu Maromak halo imi moris neon ida laran ida hodi tuir Kristu Jesus.

1 Korintu 16:10

Bainhira Timóteo baa iha imi, simu nia ho diak atu nia la bele senti tauk iha imi nia klaran, tanba nia serbisu ba ita nia Nai Jesus, hanesan mos hau.

Filipi 2:2

Imi moris nunee, halo hau nia laran haksolok. Agora hau husu atu imi hanoin ida deit, hadomi malu ho espiritu ida no objetivu ida, atu nunee hau bele haksolok liu tan.

Filipi 2:22

Maibee imi rasik hatene, Timóteo serbisu makaas hodi foo sai Nai Jesus nia Novidade Diak. Nia serbisu hamutuk ho hau, hanesan oan ida serbisu ho nia aman.

Kolose 4:11

Irmaun Jesus, ida nebee ema mos bolu Justo, haruka mos kumprimentus ba imi. Hosi maluk sarani sira nebee hamutuk ho hau hodi hanorin kona ba Maromak nia ukun, sira nain tolu deit mak ema Judeu. I sira nee mak hametin hau nia laran.

1 Timóteo 1:2

Timóteo, o hanesan hau nia oan rasik, tanba hau hatudu dalan para o fiar ba Kristu Jesus. Hau harohan atu ita nia Aman Maromak ho Kristu Jesus ita nia Nai, hatudu Sira nia grasa ba o, hadomi o, i foo paz ba o.

1 Timóteo 4:6

Timóteo, hanorin buat sira nee hotu ba sarani sira. Se o halo nunee mak o serbii Kristu Jesus nudar Nia atan ida nebee diak. Durante nee o halo tuir hanorin nebee loos, i simu Nai Maromak nia Liafuan nebee halo ita fiar ba Nia, hanesan ema haan hahaan nebee diak hodi halo isin sai forti.

2 Timóteo 1:5

Hau hanoin fila fali o nia fiar ho laran tomak ba Nai Jesus. Fiar nee hosi kedas o nia avoo feto Lóide ho o nia inan Eunice. I hau laran metin katak agora o mos fiar hanesan sira.

2 Timóteo 3:10

Timóteo, o akompanha ona hau nia moris tomak. O hatene hau nia hanorin, hau nia moris oinsaa, i hau nia objetivu saida. O haree ona hau nia fiar ba Jesus Kristu, hau nia pasensia, hau nia hadomi ba ema seluk, i oinsaa hau aguenta ho pasiensia iha terus laran.