Filipi 2:2 - Biblia Tetun Dili

² Imi moris nunee, halo hau nia laran haksolok. Agora hau husu atu imi hanoin ida deit, hadomi malu ho espiritu ida no objetivu ida, atu nunee hau bele haksolok liu tan.

Filipi 2:2 Iomraidhean Croise

João 3:29

Hanesan ezemplu ida, noivu iha nia noiva. Maibee sasin nebee hamriik iha nia sorin, nia haksolok bainhira rona nia noivu koalia. Jesus hanesan noivu ida, i hau hanesan Nia sasin. Nee mak agora hau nia laran haksolok teb-tebes.

Apostolu sira nia Istoria 1:14

Sira halibur hamutuk bebeik hodi halo orasaun ho neon ida laran ida. Sira halo orasaun nee hamutuk ho Jesus nia inan Maria, ho feto balu tan, ho mos Jesus nia alin sira.

Apostolu sira nia Istoria 2:1

Too iha ema Judeu sira nia loron boot nebee sira bolu ‘Loron Pentekosta’, ema sira nebee tuir Nai Jesus nee halibur hamutuk iha uma ida. Derpenti sira rona lian ida mai hosi lalehan hanesan anin boot. Lian nee makaas teb-tebes, too sira hotu iha fatin nee la rona tan ema seluk nia lian.

Apostolu sira nia Istoria 2:46

Loro-loron sira baa adora Nai Maromak hamutuk iha Uma Kreda Boot Judeu sira nian. Sira sempre haan hamutuk iha uma ba uma ho laran haksolok. Sira gosta ajuda malu ho fuan-laran.

Apostolu sira nia Istoria 5:12

Iha tempu nee, apostolu sira halo milagre ho sinal barak iha povu nia leet, nebee halo sira admira teb-tebes. I sarani sira sempre baa iha Nai Maromak nia Uma Kreda Boot. Sira halibur hamutuk ho neon ida laran ida iha Varanda Salomão.

Roma 12:16

Imi tenki moris neon ida, laran ida. La bele foti aan, maibee hamaluk ho ema kiik. La bele konsidera o nia aan dehan, o mesak mak hatene deit.

1 Korintu 1:10

Maun-alin sira, hau husu hodi ita nia Nai Jesus Kristu nia naran atu imi haree malu didiak. La bele fahe malu, maibee moris neon ida laran ida.

2 Korintu 13:11

Maun-alin sira, hau nia liafuan ikus mak nee: Haksolok baa! Hakaas aan hodi moris loos. Rona didiak hau nia konselhu, moris neon ida laran ida, i buka atu moris dame ho ema hotu-hotu. Nunee Maromak Domin Nain ho Dame Nain sei hamutuk ho imi nafatin.

2 Korintu 2:3

Ho razaun ida nee mak hau haruka uluk surat ida hodi foo hanoin ba imi, atu hau baa karik imi la halo hau nia laran susar. Tuir loloos imi halo hau nia laran haksolok. I hau fiar katak, bainhira hau haksolok, imi mos haksolok hamutuk ho hau.

2 Korintu 7:7

Ami nia laran haksolok nee laos deit tanba Tito mai ona, maibee tanba nia konta katak imi hametin nia laran bainhira nia hamutuk ho imi. Nia mos dehan, imi hakarak teb-tebes atu hasoru malu fali ho hau, imi tristi loos ho problema nebee mak akontese iha imi nia leet, i imi hakarak loos atu suporta hau. Rona nunee, hau nia laran haksolok liu tan.

Filipi 1:4

Hau sempre halo orasaun ba imi ho laran haksolok,

Filipi 2:16

Hatoo ba sira, Maromak nia Liafuan nebee foo moris. Se imi halo nunee, entaun aban-bainrua bainhira Jesus Kristu fila fali mai, hau nia laran sei haksolok, tanba hau nia serbisu ho hau nia kolen la saugati.

Filipi 2:20

Iha nee la iha ema seluk hanesan Timóteo. So nia deit mak iha interese teb-tebes ho imi.

Filipi 4:2

Hau husu boot ba imi, Evódia ho Síntike, atu la bele istori malu tan, maibee tenki neon ida laran ida, tanba imi nain rua Nai Jesus nia ema.

Kolose 2:5

Maski hau dook hosi imi, maibee imi sempre iha hau nia laran. I hau kontenti, tanba hau hatene, imi moris laran ida i fiar metin ba Kristu.

2 Tesalonika 2:13

Maun-alin sira nebee Nai Jesus hadomi. Ami sempre agradese ba Nai Maromak, tanba hori uluk kedas Nia hili nanis ona imi atu simu salvasaun. Nia salva imi liu hosi Nia Espiritu nebee halo imi moris ho laran moos, i liu hosi imi nia fiar ba lia loos.

2 Timóteo 1:4

Hau hanoin fali uluk, bainhira ita fahe malu, o nia matan been turu. Agora hau hakarak loos hasoru o, tanba bainhira hau haree fali o, hau sei haksolok teb-tebes.

Filemon 1:20

Entaun irmaun, halo ida nee para ajuda hau, tanba ita nain rua laran ida ona ho ita nia Nai Jesus Kristu. Nunee ita sei halo hau nia laran haksolok.

2 João 1:4

Hau haksolok teb-tebes, tanba hau rona katak senhora nia oan balu moris tuir lia loos, tuir duni ukun fuan nebee Aman Maromak foo mai ita.

3 João 1:4

Mai hau, la iha haksolok ida boot liu bainhira hau rona dehan hau nia oan sira moris tuir lia loos.