Filipi 2:19 - Biblia Tetun Dili

¹⁹ Hau hein katak, la kleur tan Nai Jesus foo dalan atu hau haruka Timóteo baa iha imi. Bainhira nia fila fali mai, nia bele konta mai hau kona ba imi, hodi halo hau nia laran haksolok.

Filipi 2:19 Iomraidhean Croise

Mateus 12:21

Ema hosi nasaun hotu-hotu sei laran metin ba Nia.”

Apostolu sira nia Istoria 16:1

Liu tiha nee, Paulo ho Silas baa iha sidade Derbe. Depois sira kontinua lao ba iha sidade Listra. Iha nebaa, sira hasoru mane klosan ida naran Timóteo, nebee fiar ona Nai Jesus. Nia aman ema Gregu, i nia inan ema Judeu nebee fiar ona ba Jesus.

Roma 15:12

Profeta Isaias mos koalia kona ba Kristu, “Jessé nia Jerasaun ida sei mai, Nia sei ukun nasaun hotu-hotu. Ema nebee laos Judeu laran metin ba Nia.”

Roma 16:21

Timóteo, hau nia kolega serbisu, foo kumprimentus ba imi, nunee mos Lúcio, Jasom ho Sosípatru, sira nee hau nia maluk Judeu.

1 Korintu 4:17

Tanba nee hau haruka Timóteo baa ajuda imi. Hau hadomi nia hanesan hau nia oan rasik, nia mos ema ida nebee foo laran ba ita nia Nai. Timóteo sei foo hanoin ba imi kona ba hau nia lalaok moris nudar ema nebee tuir Kristu Jesus. Iha hau nia moris nee, hau sempre halo tuir buat nebee mak hau hanorin ba sarani sira iha fatin ba fatin.

Efezu 1:13

Imi nebee laos ema Judeu mos rona ona Kristu nia Novidade Diak, hodi fiar ba Nia. Novidade nee loos, i lori salvasaun ba imi. Bainhira imi fiar ba Kristu, Maromak foo Nia Espiritu Santu ba imi, tuir Nia promesa uluk. Espiritu Santu nee hanesan sinal ida katak, imi Kristu nia ema.

Filipi 1:1

Surat nee hosi Paulo ho Timóteo, Kristu Jesus nia atan. Ami haruka surat nee ba Maromak nia povu santu iha sidade Filipi nebee laran ida ho Jesus Kristu, ba presbiteru sira, ho mos ba diakonu sira.

Filipi 2:18

Imi mos tenki haksolok hamutuk ho hau.

Filipi 2:28

Tanba nee mak hau hakarak liu tan haruka Epafroditu fila fali ba imi, para imi haree nia, imi sei haksolok, i hau mos laran hakmatek.

1 Tesalonika 3:5

Iha tempu nebaa, hau hakarak duni atu hatene, imi sei fiar nafatin ba Jesus ka lae. Nunee bainhira hau la aguenta tan ona, hau haruka Timóteo ba imi hodi buka hatene loloos. Tan hau preokupa, keta halo be Satanás intenta ona imi atu fila kotuk ba Nai Jesus. Se nunee, serbisu boot nebee uluk ami halo nee saugati deit.

2 Tesalonika 1:3

Maun-alin sira, ami sempre agradese ba Nai Maromak tanba imi kristaun sira iha Tesalónika. Ami tenki halo nunee duni, tanba imi nia fiar ba Kristu aumenta ba bebeik, i imi mos hadomi malu liu tan.

2 Timóteo 1:12

Tanba nee mak hau terus iha kadeia. Maibee hau la moe, tanba hau konhese Kristu i fiar ba Nia. I hau hatene loloos katak Nia sei kuidadu Nia Novidade Diak nebee Nia tau ona iha hau nia kabaas, too Nia fila fali mai hosi lalehan.

Tiago 4:15

Tuir loos imi tenki dehan, “Se Nai Maromak hakarak, ami sei moris, maka ami sei halo ida nee ka halo ida nebaa.”

1 Pedro 1:21

Liu hosi Kristu mak imi fiar ba Nai Maromak. Tanba Maromak halo moris fali ona Kristu hosi mate hodi foti aas Nia, atu ita fiar ba Nia, i laran metin ba Nia promesa.