Filipi 2:17 - Biblia Tetun Dili

¹⁷ Tanba imi fiar ba Kristu, imi mos serbii Maromak hodi entrega imi nia aan tomak sai hanesan sakrifisiu ba Nia. Se ema oho hau tanba hau nia fiar, mak hau nia mate sai hanesan sakrifisiu ida hodi foo ba Nai Maromak. Bele nunee mos, hau nia laran haksolok hamutuk ho imi.

Filipi 2:17 Iomraidhean Croise

Apostolu sira nia Istoria 20:24

Nai Jesus mak tau serbisu nee iha hau nia kabaas, atu hau baa foo sai Nai Maromak nia Novidade Diak kona ba Nia grasa ho Nia domin mai ita. Se karik hau la tuir Nia hakarak, i la halo remata Nia serbisu nee, hau senti hau nia moris nee la iha folin ida.

Apostolu sira nia Istoria 21:13

Maibee nia hataan, “Nusaa mak imi tanis? Imi halo hau nia laran dodok deit. Maski ema futu hau ka oho hau tanba hau tuir Nai Jesus, hau prontu atu simu.”

Roma 12:1

Maun-alin sira, tanba Maromak hatudu ona Nia laran diak mai ita, nunee hau husu ba imi para entrega imi nia aan tomak ba Nia, hanesan sakrífisiu ida nebee sei moris, sakrífisiu ida nebee moos i halo haksolok Maromak nia laran. Ida nee mak dehan imi adora Maromak loloos.

Roma 15:16

Nia foti hau sai Kristu Jesus nia atan para serbii ema nebee laos Judeu. Hau kaer knaar hanesan nai-lulik ida hodi foo sai Maromak nia Novidade Diak. Nunee ema nebee laos Judeu bele sai hanesan oferta ida nebee halo haksolok Maromak nia laran, tanba Espiritu Santu halo sira sai moos tiha ona.

2 Korintu 12:15

Nunee hau kontenti loos foo buat hotu-hotu nebee hau iha ba imi, too hau foo tan hau nia aan tomak. Hau nia domin ba imi boot ba bebeik. Maibee nusaa mak imi nia domin mai hau menus ba bebeik?

2 Korintu 4:12

Nunee ami moris iha mate nia laran, atu nunee imi hela iha moris nia laran.

2 Korintu 6:10

Ami laran tristi, maibee haksolok nafatin. Ami kiak, maibee halo ema barak sai riku. Ami buat ida la iha, maibee ami iha buat hotu-hotu.

2 Korintu 7:4

Hau fiar imi, i imi halo hau orgulhu teb-tebes. Imi hametin hau nia laran. Maski ami hetan susar oi-oin, maibee hau nia laran haksolok liu tanba imi.

Filipi 1:20

Hau hakarak ho laran metin atu hau brani nafatin foo sai kona ba Kristu, hanesan uluk, atu nunee hau la bele moe. Atu hau moris ka hau mate, la importante. Naran katak Maromak uza hau hodi foti aas Kristu nia naran.

Filipi 2:18

Imi mos tenki haksolok hamutuk ho hau.

Filipi 2:30

Tanba nia halao Kristu nia serbisu too nia besik atu mate. Nia foo aan ba mate, para bele ajuda hau hodi imi nia fatin.

Filipi 4:18

Hau simu ona ajuda hotu-hotu nebee imi haruka mai hau liu hosi Epafroditu. Agora hau la falta buat ida, i sei iha resin tan. Imi nia tulun nee hanesan sakrifisiu morin ida nebee imi foo ba Maromak, i Nia simu ho laran haksolok.

Kolose 1:24

Agora dadauk hau terus hela ba imi. Maibee terus nee halo hau nia laran haksolok. Hanesan Kristu terus, nunee mos hau simu terus nebee hau tenki hasoru, atu bele ajuda Kristu nia povu, tanba Nia povu hanesan Nia isin lolon.

1 Tesalonika 2:8

Tanba ami hadomi teb-tebes imi, ami prontu hatoo Nai Maromak nia Novidade Diak ba imi. Laos nee deit, maibee ami nia moris mos entrega tomak ba imi.

2 Timóteo 4:6

Kona ba hau nia aan, hau nia loron mate besik ona. Hau hanesan tua kopu ida nebee fakar ba altar leten hanesan oferta ida ba Maromak.

1 Pedro 2:5

Nunee imi ida-idak mos hanesan fatuk isin nebee moris, i Maromak hada dadauk imi hotu too imi hamutuk sai uma ida para Nia Espiritu hela. Maromak mos halo imi sai hanesan nai-lulik nebee moris ho laran moos hodi foo sakrifisiu espiritual ba Nia. I sakrifisiu nee Nia simu ho haksolok, liu hosi Jesus Kristu.

1 João 3:16

Domin loloos mak saida? Liu hosi Jesus Kristu mak ita bele hatene. Nia hadomi ita too foo Aan ba mate. Nunee ita mos tenki entrega ita nia aan ba mate ba ita nia maun-alin sira nebee iha Kristu.