Filipi 2:16 - Biblia Tetun Dili

¹⁶ Hatoo ba sira, Maromak nia Liafuan nebee foo moris. Se imi halo nunee, entaun aban-bainrua bainhira Jesus Kristu fila fali mai, hau nia laran sei haksolok, tanba hau nia serbisu ho hau nia kolen la saugati.

Filipi 2:16 Iomraidhean Croise

Mateus 10:27

Buat nebee mak Hau foo hatene ba imi iha kotu-kotuk, imi tenki hatete sai. I saida mak Hau hanorin bis-bisu deit ba imi, imi tenki foo sai ho lian makaas iha ema barak nia oin.

Lucas 12:8

Jesus koalia nafatin ba Nia eskolanti sira dehan, “Rona didiak mai! See mak foo sai iha ema nia oin katak nia fiar mai Hau, aban-bainrua Hau, Ema Oan mos sei foo sai iha Maromak nia anju sira nia oin katak nia Hau nia ema.

João 6:63

Maromak nia Espiritu mak lori moris loloos. Laos ema nia isin mak lori moris loloos. Maibee Hau nia Liafuan mai hosi Maromak nia Espiritu. Nunee Liafuan sira nee mos lori moris loloos ba ema.

João 6:68

Maibee Simão Pedro hataan, “Senhor! Ami atu baa tan iha see? La iha ema seluk mak bele foo hatene mai ami oinsaa ami bele hetan moris rohan laek nee. So Ita Boot mesak deit!

Apostolu sira nia Istoria 13:26

Maun-alin sira. Imi nebee Abraão nia jerasaun, ho mos imi hosi nasaun seluk nebee hamtauk ba Nai Maromak. Nai Maromak foo ona Novidade Diak ba ita, atu ita bele hetan salvasaun.

1 Korintu 1:8

Maromak sei hametin imi nia fiar too rohan. Nunee, bainhira ita nia Nai Jesus Kristu fila fali mai hodi tesi ema hotu-hotu nia lia, la iha ema ida sei foo sala ba imi.

1 Korintu 9:26

Nunee hau la halai arbiru. Se kompara ho kompetisaun tuku malu, hau la tuku arbiru deit.

2 Korintu 1:14

Agora imi komprende balu deit kona ba ami nia hanorin, maibee hau hein katak too loron ida imi bele komprende hotu. Nunee, bainhira Nai Jesus fila fali mai hosi lalehan hodi tesi ema hotu-hotu nia lia, imi sei konta ami nia diak hanesan mos ami konta imi nia diak.

Galasia 2:2

Hau baa tanba Nai Maromak mak haruka. Iha nebaa hau hasoru malu ho lideransa sarani sira hodi konta ba sira Novidade Diak nebee durante nee hau foo sai ba ema nebee laos Judeu. Hau koalia ho lideransa sira deit, atu sira bele tetu didiak hau nia hanorin nee loos ka lae. Tanba se sira la simu karik, entaun hau nia serbisu saugati deit.

Galasia 4:11

Nee halo hau hanoin barak! Keta halo be hau hanorin imi durante nee, saugati deit.

Filipi 1:10

Nunee imi bele hili saida mak diak hodi moris loos, atu bainhira Kristu fila fali mai, Nia bele dehan, imi la iha sala ida.

Filipi 1:6

Nai Maromak hahuu ona halo serbisu diak iha imi. I hau laran metin katak, Nia sei kontinua nafatin too Nia serbisu nee hotu iha loron nebee Kristu Jesus fila fali mai hosi lalehan.

1 Tesalonika 2:19

Ami hakarak baa haree fali imi, tanba bainhira Nai Jesus fila fali mai hosi lalehan, imi mak sei halo ami haksolok ho laran metin iha Nia oin. Tanba imi sai hanesan prémiu nebee hatudu katak ami manaan tiha ona.

1 Tesalonika 3:5

Iha tempu nebaa, hau hakarak duni atu hatene, imi sei fiar nafatin ba Jesus ka lae. Nunee bainhira hau la aguenta tan ona, hau haruka Timóteo ba imi hodi buka hatene loloos. Tan hau preokupa, keta halo be Satanás intenta ona imi atu fila kotuk ba Nai Jesus. Se nunee, serbisu boot nebee uluk ami halo nee saugati deit.

Ebreu 4:12

Tanba Nai Maromak nia liafuan nee moris i makaas teb-tebes. Nia liafuan nee kroat liu fali surik ida nebee oin-kotuk kroat hotu. Nia bele sona borus too ita nia laran, bele sona borus too haketak ita nia ruin ho uat hotu. Nia liafuan nee iha kbiit tama liu ba ita nia fuan ho laran hodi tetu ita nia hanoin ho ita nia hakarak hotu.

1 Pedro 1:23

tanba imi hetan ona moris foun. I moris foun nee, laos mai hosi fini nebee la kleur tan sei mate, maibee hosi fini nebee moris tinan ba tinan. Nee mak Maromak nia liafuan nebee foo moris.

1 João 1:1

Surat nee koalia kona ba Liafuan nebee foo Moris. Liafuan nebee foo Moris nee, Nia iha hori uluk kedas, molok Nai Maromak halo mundu nee. Ami rona ona Nia lian, ami haree Nia ho ami nia matan rasik, ami akompanha Nia, ami mos kaer rasik ho liman.

Apokalipse 22:17

Maromak nia Espirítu ho noiva nee dehan, “Mai ona!” Ema nebee rona mos tenki koalia tuir, “Mai ona!” See mak hamrook, mai ona ba. See mak hakarak hemu bee nebee foo moris tinan ba tinan, kuru deit tuir imi nia hakarak ba, lalikan selu.