Filipi 2:15 - Biblia Tetun Dili

¹⁵ Nunee, nudar Maromak nia oan, imi bele moris ho laran moos, imi la iha sala, i la iha ema ida bele hatudu liman ba imi. Imi moris iha ema aat sira nia leet. Entaun imi tenki sai hanesan naroman hodi leno dalan ba sira, hanesan fitun iha loro leten.

Filipi 2:15 Iomraidhean Croise

Mateus 10:16

“Rona didiak, Hau haruka imi baa hanesan bibi malae baa tama iha asu fuik nia leet. Imi tenki matenek hanesan samea. I imi nia laran tenki moos hanesan manu pombu.

Mateus 17:17

Jesus siak sira hotu dehan, “Imi nee jerasaun nebee la fiar ba Maromak i sempre halo aat. Hau tenki hela ho imi too bainhira tan? Hau tenki pasiensia ho imi too iha nebee? Lori labarik nee mai.”

Mateus 5:45

Se imi halo nunee, imi hatudu katak imi sai ona Aman Maromak iha lalehan nia oan duni. Tanba Nia halo loro matan sae hodi foo naroman ba ema diak ho mos ema aat. I Nia foo udan ba ema nebee moris loos ho mos ba ema nebee moris iha sala laran.

Mateus 5:48

Aman Maromak iha lalehan hadomi ema hotu-hotu, nunee imi tenki hadomi mos hanesan Nia.”

Lucas 1:6

Sira nain rua nee ema nebee moris loos iha Maromak nai futar oin, i halo tuir Maromak nia lei no Nia ukun fuan sira.

Lucas 6:35

Maibee tuir loloos hanesan nee: hadomi o nia inimigu sira, i halo diak ba sira. Foo empresta ba sira, i lalika hein atu sira selu fila fali. Ho nunee, o sei hetan premiu boot, i o sei sai Maromak Aas Liu nia oan. Tanba Maromak mos halo diak ba ema aat ho ema nebee la hatene foo obrigadu.

João 5:35

João nia koalia nee, hanesan ahi oan ida nebee lakan hodi foo naroman. Bainhira nia sei lakan hela, imi nia laran haksolok.

Apostolu sira nia Istoria 2:40

Pedro koalia liafuan barak tan hodi buka atu dada sira ba dalan loos. Nia dehan, “Agora dadauk ema barak lao sees ona hosi dalan loos. Keta tuir sira! Tuir deit Nai Maromak nia dalan loos, para bele moris nafatin ho Nia.”

Apostolu sira nia Istoria 20:30

Iha mos balu hosi imi sei hanorin la loos, atu ema husik Jesus hodi tuir deit sira.

Roma 16:19

Ema hotu-hotu rona ona dehan imi moris tuir Maromak nia hakarak. Nee halo hau nia laran haksolok. Maibee Hau hakarak atu imi mos matenek halo buat nebee mak diak, i lalika halo buat aat.

1 Korintu 1:8

Maromak sei hametin imi nia fiar too rohan. Nunee, bainhira ita nia Nai Jesus Kristu fila fali mai hodi tesi ema hotu-hotu nia lia, la iha ema ida sei foo sala ba imi.

2 Korintu 6:17

Nai Maromak dehan tan, “Nee duni imi tenki sai hosi ema aat sira nia klaran, i haketak aan hosi sira. Hadook aan hosi buat nebee Hau hakribit, nunee mak Hau sei simu imi.”

Efezu 5:27

Kristu halo nunee para Nia igreja sai hanesan feto-raan ida ke kapaas teb-tebes iha Nia oin, nebee la iha foer ka noda, maibee laran moos i la iha sala.

Filipi 1:10

Nunee imi bele hili saida mak diak hodi moris loos, atu bainhira Kristu fila fali mai, Nia bele dehan, imi la iha sala ida.

Filipi 3:6

i la iha ema ida foo sala mai hau. Laos nee deit, iha tempu nebaa hau mos halo terus sarani sira.

1 Tesalonika 5:23

Hau husu Nai Maromak nebee foo paz, atu halo imi moris ho laran moos iha imi nia vida tomak. Hau husu para Nia halo imi nia isin no klamar tomak la iha noda ida, too Nai Jesus fila fali mai.

1 Timóteo 3:10

Bainhira atu foti ema ida hodi sai diakonu, haree didiak lai nia moris oinsaa. Se ema la hatudu liman ba nia, foin bele foti nia.

1 Timóteo 3:2

Lideransa sarani nian tenki ema diak, povu respeita. Nia tenki moris loos no iha feen ida deit. Nia tenki hatene aan, domina aan, naran diak, simu bainaka iha uma ho laran tomak, i hatene hanorin.

1 Timóteo 5:14

Tanba nee, hau hanoin diak liu feto faluk foin-sae sira kaben fali, iha oan, i tau matan ba sira nia uma kain. Nunee ema nebee la gosta ita, la iha razaun atu hatete aat ita.

1 Timóteo 5:20

Se nia halo sala duni, entaun koriji nia iha sarani sira nia oin, atu ema seluk la brani halo sala hanesan nia.

1 Timóteo 5:7

Haruka sarani sira halo tuir regra sira nee, para ema la bele foo sala ba sira.

Tito 1:6

Ema nebee atu sai presbiteru tenki tuir kriteria hanesan tuir mai nee: La iha ema ida hatudu lima ba nia moris. Nia tenki feen ida deit no foo laran ba nia. Nia oan sira mos tenki fiar ba Jesus Kristu. Sira tenki rona ba inan-aman no la bele moris arbiru hanesan ema nakar-teen.

Tito 2:10

i la bele naok nia sasaan. Maibee sira tenki onestu no foo laran ba sira nia patraun. Ho nunee ema seluk nebee haree atan sira nia moris nee, sei foo valor ba ita nia hanorin kona ba Nai Maromak, ita nia Salvador.

Tito 2:15

Nee duni hanorin buat sira nee hotu ba sarani sira, i foo sai bebeik ba sira para halo tuir. See mak halo sala, o tenki hatete dehan, “Nee sala”. Keta husik ema la konsidera o, tanba o iha direitu atu koriji sira.

Ebreu 7:26

Jesus nee Nai-Lulik Boot nebee mak diak liu. Ita presiza teb-tebes nai-lulik ida hanesan nee, tanba Nia ema ida nebee santu, la iha sala, buat aat ida mos la iha. Maromak haketak ona Nia hosi ema sala nain sira hodi foti Nia ba iha fatin aas liu iha lalehan.

1 Pedro 2:12

Imi tenki hakaas aan para moris loos iha ema nebee laos judeu sira nia leet. Nunee, se sira duun matak imi, sira bele haree deit imi nia hahalok diak, i bainhira Jesus fila fali mai hosi lalehan, ema sira nebee laos judeu sira sei foti aas Nai Maromak nia naran.

1 Pedro 2:9

Maibee imi laos nunee. Imi Nai Maromak hili tiha ona hodi sai Nia povu. Imi hanesan nai-lulik nebee mak serbii liurai. Imi hanesan nasaun ida nebee moris loos. Imi Maromak nia povu. Maromak hili imi nunee para imi bele konta sai buat diak nebee mak Maromak halo tiha ona ba imi. Tanba Nia mak bolu imi sai hosi nakukun hodi tama ba iha Nia naroman ida nebee furak teb-tebes.

2 Pedro 3:14

Nunee, maluk doben sira, durante imi hein hela buat sira nee, imi tenki hakaas aan para sai ema nebee moris loos, i la iha noda ida no moris diak malu ho Nai Maromak .

Apokalipse 2:5

Imi monu aat liu ona! Agora, hanoin fila fali imi nia domin uluk. Husik tiha imi nia sala nee hodi moris fali tuir imi nia hahalok ida uluk nia. Se lae, Hau sei mai hasai imi nia ahi-oan riin.

Apokalipse 3:9

Iha ema balu dehan sira Maromak nia ema, maibee sira bosok, sira la hakruuk ba Maromak maibee hakruuk fali ba diabu. Hau sei halo sira monu ain ba imi, i sira sei rekonhese katak Hau hadomi imi.