Filipi 2:14 - Biblia Tetun Dili

¹⁴ Imi halo saida deit, la bele murmura, i la bele istori malu.

Filipi 2:14 Iomraidhean Croise

Mateus 20:11

Bainhira sira simu hotu sira nia osan, ema nebee mak tama serbisu hosi dadeer nee mai murmura ba toos nain

Marcos 14:5

Diak liu nia faan deit mina morin nee. I nia osan hodi baa foo ba ema kiak sira. Tanba mina morin nee folin karu, hanesan badaen ida manaan osan iha tinan ida nia laran.” I sira siak makaas nia.

Marcos 9:14

Bainhira Jesus ho Nia eskolanti nain tolu nee, hasoru malu fali ho Nia eskolanti sira seluk, sira haree ema barak mak halibur malu hela. I Jesus nia eskolanti balu diskuti hela ho mestri relijiaun sira.

Lucas 5:30

Maibee iha mestri relijiaun sira ho ema boot balu tan hosi grupu Farizeu baa iha Jesus nia eskolanti sira hodi kritika dehan, “Nusaa mak imi haan-hemu hamutuk ho kobrador impostu ho ema sala nain sira nee?”

Apostolu sira nia Istoria 15:2

Maibee Paulo ho Barnabé kontra makaas sira nia hanorin nee, i haksesuk malu makaas ho sira. Tanba sira kontra malu nunee, sarani sira desidi para haruka Paulo ho Barnabé ho sarani balu hosi Antiokia, lori asuntu nee ba Nai Jesus nia apostolu sira ho presbiteru sira iha Jerusalém.

Apostolu sira nia Istoria 15:39

Paulo ho Barnabé diskuti malu makaas, too sira nain rua fahe malu. Entaun Barnabé lori tiha Marcos baa sae roo hodi baa ilha Xipre.

Apostolu sira nia Istoria 15:7

Sira diskuti baa-mai, iha ikus, Pedro hamriik hodi koalia dehan, “Maun-alin sira, imi rasik hatene katak, uluk Nai Maromak hili ona hau, hosi imi, atu lori Jesus nia Liafuan ba ema sira nebee laos Judeu. Tan Nia hakarak atu sira mos fiar ba Jesus.

Apostolu sira nia Istoria 6:1

Iha tempu nee, ema nebee tuir Jesus amenta barak ba bebeik. Sira ema Judeu maibee hosi grupu rua, lian keta-ketak. La kleur, grupu ida nebee koalia lian Gregu, haksesuk malu ho grupu ida nebee koalia lian Aram. Sira hosi lian Gregu dehan, “Bainhira fahe hahaan loro-loron nian, ami nia feto faluk sira la simu sira nia parte.”

Roma 12:18

Buka dame ho ema hotu.

Roma 14:1

Simu didiak sarani sira nebee fiar seidauk metin, i la bele diskuti malu ho sira kona ba sira nia fiar nunee.

Roma 16:17

Maun-alin sira, hau husu atu imi kuidadu teb-tebes ho ema sira nebee kontra fali hanorin nebee imi simu tiha ona. Sira nee hakarak halo imi sarani sira fahe malu i halo imi nia fiar nakdoko. Nunee hadook aan hosi ema sira hanesan nee.

1 Korintu 10:10

Ita mos la bele murmura hela deit hanesan sira balu halo. Tanba sira nia hahalok nee mak Maromak haruka Nia anju ida nebee lori kastigu mai oho sira.

2 Korintu 12:20

Hau tauk, bainhira hau baa iha nebaa, imi nia hahalok la monu ba hau nia laran, i hau nia hahalok mos la monu ba imi nia laran. Hau tauk imi istori malu hela, laran moras malu, hirusdor, hanoin imi nia aan deit, hatete aat ema, konta aat ema nia vida, foti aan i halo rungu-ranga.

Galasia 5:15

Maibee se imi hatuun malu i haan malu hela deit, mak imi sei haree. La kleur, imi sei rahun hotu.

Galasia 5:26

Ita la bele foti aan, la bele sadik malu, i la bele laran moras malu.

Filipi 2:3

La bele halo saida deit hodi buka diak ba imi nia aan. La bele foti aan, maibee tenki haraik aan hodi konsidera ema seluk diak liu fali imi.

1 Tesalonika 5:13

Respeita ho hadomi teb-tebes sira, tan sira serbisu makaas ba imi. Moris iha dame nia laran.

1 Tesalonika 5:15

La bele selu aat ho aat. Maibee sempre hakaas aan atu halo diak ba ema kristaun sira ho mos ba ema hotu.

Ebreu 12:14

Hakaas aan para moris dame ho ema hotu-hotu. I buka atu moris ho laran moos, tanba so ema nebee moris ho laran moos mak aban-bainrua bele haree Nai Maromak.

Tiago 1:20

Tanba ema nebee hirus ona, la halao Nai Maromak nia lia loos.

Tiago 3:14

Maibee se o laran moras ema seluk i buka diak deit ba o nia aan rasik, entaun la bele gaba aan dehan, “Hau ema matenek.” Foti aan hanesan nee, sala.

Tiago 5:9

Maun-alin sira, keta murmura malu, se lae Maromak sei kastigu imi. Haree baa, Juis Boot hamriik ona iha odamatan oin!

1 Pedro 3:11

Nia tenki fila kotuk ba buat aat hodi halo buat nebee diak. Nia tenki hakaas aan hodi buka dame ho ema hotu-hotu,

1 Pedro 4:9

Simu ema seluk iha imi nia uma ho laran haksolok.

Judas 1:16

Ema sira nee so hatene murmura deit i foo sala ba ema seluk. Sira moris tuir deit sira nia hakarak aat rasik. Sira gaba aan, i kos-kose ema seluk para halo tuir sira nia hakarak.