Filipi 2:13 - Biblia Tetun Dili

¹³ Tanba Nai Maromak rasik serbisu iha imi nia laran. Nia halo imi prontu hodi tuir Nia hakarak, i foo mos kbiit ba imi atu bele halo tuir.

Filipi 2:13 Iomraidhean Croise

Lucas 12:32

Jesus hatutan tan ba nia eskolanti sira dehan, “Lalika tauk! Imi hanesan bibi malae grupu kiik oan deit, maibee imi nia Aman iha lalehan mak Liurai Boot, i Nia haksolok hili imi hodi moris iha Nia ukun laran.

Lucas 2:14

“Foti aas Nai Maromak nia naran. Nia tuur iha fatin aas liu. Nai Maromak foo dame ba ema iha mundu nebee halo haksolok Nia laran.”

João 3:27

João hataan, “Ema la bele halo buat ida, se Nai Maromak iha lalehan la loke dalan ba nia.

João 6:45

Maromak nia profeta sira uluk hakerek ona dehan, ‘Nai Maromak hakarak hanorin ema hotu.’ I ema hotu nebee rona ba Aman iha lalehan, no aprende hosi Nia, sira mai iha Hau no sai Hau nia ema.

João 6:65

Jesus koalia tan, “Nee mak Hau foo hatene ona ba imi dehan, la iha ema ida nebee bele mai iha Hau, se Hau nia Aman iha lalehan la loke dalan ba nia.”

Apostolu sira nia Istoria 11:21

Nai Maromak foo Nia kbiit ba sira, too ema barak teb-tebes fiar i tuir Nai Jesus.

Roma 12:3

Tanba Maromak hatudu Nia grasa mai hau too Nia hili hau sai apostolu, hau hatete ba imi ida-idak: la bele hanoin buat nebee aas liu dukee loloos nian. Diak liu imi hatene kbiit nebee Maromak foo tiha ona ba imi ida-idak tanba imi nia fiar, atu nunee imi bele hatene imi nia aan.

Roma 9:11

Molok labarik sira nee moris, sira seidauk halo buat diak ka buat aat, maibee Maromak hatete ona ba Rebeca, “Maun sei serbii ba nia alin.” Nee hatudu katak, bainhira Maromak hili ema ida, Nia la haree ba ema nee nia hahalok, maibee Nia hili tuir Nia planu rasik.

Roma 9:16

Nunee, Maromak nia domin la depende ba ita ema nia hakarak ka ita nia esforsu rasik, maibee Maromak hadomi tanba deit Nia laran diak.

1 Korintu 12:6

Ita simu knaar oi-oin, maibee Maromak ida deit mak tulun ita atu halo knaar nee.

1 Korintu 15:10

Maibee Maromak hatudu Nia grasa mai hau, nee mak hau nia moris sai hanesan agora. I Nia grasa mai hau la saugati, tanba durante nee hau serbisu makaas liu fali hau nia maluk apostolu sira seluk. Maibee laos hau mak serbisu, Maromak nia grasa iha hau mak halo serbisu nee.

2 Korintu 3:5

Maibee laos dehan ami bele halo buat ida ho ami nia kbiit rasik. Ami nia kbiit mai hosi Maromak.

Efezu 1:11

Maromak halao buat hotu-hotu tuir Nia hakarak. Hori uluk kedas Nia hili ona ita sai Nia ema hodi sai neon ida laran ida ho Kristu.

Efezu 1:5

Nee mak Nia desidi ona hori uluk kedas atu foti ita sai Nia oan. I Jesus Kristu mak halo Nia desizaun nee sai realidade. Nee hotu tuir Maromak nia hakarak rasik, i halo Nia laran haksolok.

Efezu 1:9

Uluk Nai Maromak seidauk foo hatene Nia hakarak hotu ba ema. Maibee agora, Nia hatudu ona Nia planu mai ita. Nia desidi ona hori uluk atu Jesus Kristu halao planu nee.

Efezu 2:8

Nai Maromak salva imi liu hosi Nia grasa deit, bainhira imi fiar ba Kristu. Nia halo nunee, laos tanba imi merese. Salvasaun nee, Maromak mak foo deit,

2 Tesalonika 1:11

Nee mak ami halo orasaun ba imi loron-kalan, atu Nai Maromak, nebee bolu imi sai Nia ema, bele konsidera imi serve duni atu tuir Nia. Imi nia fiar ba Jesus halo imi hakarak halo buat nebee diak. Ami husu ba Nai Maromak foo kbiit ba imi atu bele halo duni buat diak sira nee hotu.

2 Timóteo 1:9

Nai Maromak mak salva ona ita, i bolu ona ita sai Nia ema para ita moris ho laran moos. Nia halo hanesan nee, laos tanba ita hatudu hahalok diak ruma. Maibee, Nia salva i bolu ita tuir Nia planu rasik, tanba Nia hakarak hatudu Nia grasa mai ita. Molok Nai Maromak halo mundu nee, Nia desidi ona atu haruka Kristu Jesus mai, para hatudu Nia grasa mai ita.

Ebreu 13:21

Maromak foo saida deit mak imi presiza atu imi bele halo tuir Nia hakarak. Hau mos harohan atu Nia serbisu nafatin iha ita hotu nia laran liu hosi Jesus Kristu nia tulun, para ita sai ema nebee mak halo haksolok Nia laran. Mai ita foti aas Nia naran too tinan ba tinan nafatin. Amen.

1 Pedro 1:3

Mai ita hahii Nai Maromak! Nia mak ita nia Nai Jesus Kristu nia Aman. Nai Maromak hadomi teb-tebes ita, too Nia foo moris foun mai ita. Ita bele simu moris foun nee tanba Nia halo moris fali ona Jesus Kristu hosi mate. Nunee agora ita moris nakonu ho esperansa