Filipi 2:12 - Biblia Tetun Dili

¹² Maluk doben sira, uluk hau sei hamutuk ho imi, imi sempre halo tuir Maromak nia hakarak. Agora hau dook hosi imi mos, imi tenki kontinua nafatin moris nunee. Maromak salva tiha ona imi. Nee duni, esforsa aan ho tauk no respeitu ba Maromak hodi hatudu rezultadu salvasaun nian.

Filipi 2:12 Iomraidhean Croise

Mateus 11:12

Hosi tempu João Sarani Nain mai too agora, ema ataka Reinu lalehan nian hodi domina nia.

Mateus 11:29

Mai aprende hosi Hau i moris tuir Hau nia hanorin, tanba Hau nee laran maus ho haraik Aan. Nunee imi nia fuan-laran bele hakmatek.

Apostolu sira nia Istoria 16:29

Komandante tauk teb-tebes. Nia husu ahi oan hodi halai tama ba kadeia laran, ho tauk i nakdedar, baa hakneak iha Paulo ho Silas nia ain.

Apostolu sira nia Istoria 9:6

Agora, hadeer hodi baa sidade ona. Depois mak Hau foo hatene ba o saida mak o tenki halo.”

Roma 2:7

Maromak sei foo moris rohan-laek ba ema nebee badinas halo buat diak bebeik, atu nunee, Maromak respeita i foti aas sira nia naran.

1 Korintu 15:58

Nunee, maun-alin doben sira, hamriik metin nafatin. La bele nakdoko. Halao nafatin Nai Jesus nia serbisu ho laran tomak. Tanba imi hatene katak, imi nia serbisu makaas ba ita nia Nai la saugati.

1 Korintu 2:3

Iha tempu nebaa, bainhira hau hamutuk ho imi, hau senti hau la iha kbiit, hau tauk loos too nakdedar.

1 Korintu 4:14

Hau hakerek buat sira nee laos atu halo moe imi. Maibee hau hakarak foo hanoin ba imi hotu nudar hau nia oan doben.

2 Korintu 7:15

Agora Tito nia domin ba imi boot liu, tanba nia hanoin nafatin oinsaa imi rona nia i simu nia ho respeitu ho tauk.

Efezu 6:5

Atan sira, imi tenki halo tuir orden nebee imi nia patraun iha mundu nee foo ba imi. Imi tenki respeita sira, halo tuir sira, i serbisu ba sira ho laran tomak, hanesan imi serbii ba Kristu rasik.

Filipi 1:27

Bele halo nusaa mos, imi tenki moris tuir loloos Kristu nia Novidade Diak. Nunee, se hau rasik baa vizita fali imi ka rona deit hosi ema mos, hau bele hatene katak, imi hamriik metin ho neon ida laran ida. I hau bele hatene katak, imi hotu serbisu makaas para ema seluk mos fiar Kristu nia Novidade Diak nee.

Filipi 1:29

Maromak nee diak teb-tebes. Nia loke ona dalan ba imi para fiar ba Kristu. Laos nee deit, maibee Nia mos bolu imi atu terus tanba tuir Nia.

Filipi 1:5

tanba hosi loron primeiru imi simu Maromak nia Novidade Diak too agora, imi ajuda hau hodi foo sai Novidade Diak nee.

Filipi 1:6

Nai Maromak hahuu ona halo serbisu diak iha imi. I hau laran metin katak, Nia sei kontinua nafatin too Nia serbisu nee hotu iha loron nebee Kristu Jesus fila fali mai hosi lalehan.

Filipi 2:19

Hau hein katak, la kleur tan Nai Jesus foo dalan atu hau haruka Timóteo baa iha imi. Bainhira nia fila fali mai, nia bele konta mai hau kona ba imi, hodi halo hau nia laran haksolok.

Filipi 4:1

Tanba nee, maun-alin doben sira, imi tenki hamriik metin ho Nai Jesus. Hau hakarak teb-tebes atu haree imi, tanba imi hanesan premiu ida hosi hau nia serbisu, i imi halo hau nia laran haksolok.

Filipi 4:15

Uluk mos, bainhira imi foin simu Nai Jesus nia Novidade Diak, i hau sai hosi provinsia Masedónia, so imi iha sidade Filipi deit mak foo ajuda mai hau. Sarani sira seluk lae. Maibee imi hatene ona istoria nee.

1 Tesalonika 1:3

Ami sempre hatoo ba ita nia Aman Maromak katak, imi serbisu makaas tanba imi fiar ba Nai Jesus, i badinas ajuda ema seluk tanba hadomi sira. I bainhira ema halo terus imi, imi aguenta nafatin ho pasiensia tanba imi laran metin ba Nai Jesus.

2 Timóteo 2:10

Tanba nee hau prontu simu terus hotu-hotu, para ema sira nebee Maromak hili ona bele fiar ba Kristu Jesus i hetan salvasaun. I Nai Maromak sei foti aas sira too tinan ba tinan.

Ebreu 12:1

Entaun, oinsaa ho ita agora? Ita hanesan ema nebee halai taru. Ita nia bei-ala sira sai ona sasin kona ba fiar, i agora sira haleu hela ita hodi asisti. Tanba nee mai ita soe tiha naha todan nebee halo ita halai la bele, liu-liu ita nia sala nebee kesi metin ita. Mai ita hakaas aan halai nafatin too rohan tuir dalan nebee Maromak hatudu ona ba ita.

Ebreu 4:1

Maromak promete ona atu Nia povu bele tama ba iha Nia fatin deskansa, i Nia promesa nee sei vale nafatin. Maibee kuidadu! Keta halo be imi balu la tama iha nebaa.

Ebreu 4:11

Tanba nee, mai ita hakaas aan nafatin hodi tama ba iha deskansa nee. Keta halo be iha balu monu tanba halo tuir fali ita nia bei-ala sira nebee lakohi rona Nai Maromak.

Ebreu 5:9

Nee mak Nia serve atu sai salvador hodi salva ema nebee halo tuir Nia hakarak para sira bele hetan moris rohan-laek.

1 Pedro 2:11

Maluk doben sira, imi nee ema lao rai deit, imi hela iha mundu nee la kleur ida. Tanba nee hau husu atu imi hadook aan hosi imi nia hakarak nebee aat, tanba imi nia hakarak aat sempre halo funu hasoru imi nia aan.

2 Pedro 3:18

Hakaas aan para loron ba loron konhese diak liu Nai Jesus Kristu ita nia Salvador, i hatene liu tan Nia laran diak. Mai ita foti aas Nia naran agora i too tinan ba tinan. Amen.