Filipi 2:11 - Biblia Tetun Dili

¹¹ Hotu-hotu sei hatete, “Jesus Kristu mak Nai!” Ho nunee sira foti aas Aman Maromak nia naran.

Filipi 2:11 Iomraidhean Croise

Mateus 10:32

“See mak foo sai iha ema nia oin katak nia fiar mai Hau, aban-bainrua Hau mos sei foo sai iha Hau nia Aman iha lalehan nia oin katak, nia Hau nia ema.

Lucas 2:11

Ohin imi nia Salvador moris ona iha liurai David nia moris fatin Belém. Nia mak Kristu, imi nia Nai, Ema nebee Maromak promete ona hori uluk atu haruka mai.

João 12:42

Maski nunee, ema barak fiar ba Jesus. Laos ema baibain deit, maibee iha mos ema Judeu nia boot sira balu fiar ba Nia. Sira la deklara sira nia fiar ba Jesus iha ema barak nia oin, tanba sira tauk katak ema Farizeu sira bele duni sai sira hosi uma kreda.

João 13:13

Imi gosta bolu Hau dehan, ‘Mestri’ i ‘Nai’ nebee iha direitu manda imi. Nee loos, tanba Hau mak hanesan nee duni.

João 13:14

Maibee se imi nia Mestri i Nai nee, fasi ona imi nia ain hanesan atan ida, oinsaa ho imi? Imi mos tenki serbii malu i tenki fasi ain ba malu.

João 14:13

Imi nebee hamutuk ho Hau iha direitu husu hodi Hau nia naran. Nunee, bainhira imi halo orasaun hodi husu saida deit, lori Hau nia naran, Hau sei foo ba imi. Ho nunee, Hau foti aas Hau nia Aman, para ema hotu bele konhese Nia.

João 14:23

Jesus hataan, “Ema nebee hadomi Hau, nia sei halo tuir Hau nia Liafuan. Hau nia Aman mos hadomi nia. I Hau ho Hau nia Aman sei mai moris hamutuk laran ida ho nia.

João 17:1

Jesus koalia tiha hotu nunee, Nia hateke ba loro leten, hodi halo orasaun dehan: “Aman Doben, Hau nia tempu too ona para Aman foti aas Hau. Hau Ita Boot nia Oan. Aman foo ona direitu no kbiit mai Hau hodi ukun ema hotu-hotu iha mundu nee. Aman foo kbiit nee para Hau bele foo moris rohan laek ba ema hotu nebee Aman foo ona mai Hau. Nunee, Hau husu Aman foti aas Hau, para Hau bele hatudu Aman nia naroman-nabilan.

João 20:28

Tome hataan, “Nai! Agora hau fiar tebes ona. Ita Boot mak hau nia Nai no hau nia Maromak!”

João 5:23

Hau nia Aman hakarak ema hotu-hotu respeita Hau, hanesan sira respeita ona ba Nia. Tanba ema nebee la respeita Hau, nudar Nia Oan, ema nee mos la respeita Aman nebee haruka Hau mai.

João 9:22

Sira koalia nunee, tanba sira tauk ema Judeu nia boot sira. Tanba sira hatene dehan, ema boot sira nee kombina ona dehan, “Se iha ema rekonhese dehan, Jesus mak Kristu, ita tenki duni sai tiha ema nee hosi ita nia uma kreda.”

Apostolu sira nia Istoria 10:36

Imi hatene novidade nebee mak Nai Maromak foo sai ona ba ami ema Israel. Novidade Diak nee katak Nia haruka ona Jesus Kristu mai, hodi halo dame ema ho Nai Maromak. I Nia mak ema hotu-hotu nia Nai.

Apostolu sira nia Istoria 2:36

Nunee imi ema Israel hotu-hotu tenki hatene katak, Jesus ida nebee imi prega mate tiha iha krus nee, mak Ema ida nebee Nai Maromak hili ona. Nai Maromak mos foti ona Nia sai ita nia Nai.”

Roma 14:11

hanesan hakerek iha Livru Sagradu dehan, “Nai Maromak dehan, ‘Hau, Maromak nebee Moris, jura katak, ema hotu-hotu sei hakneak mai Hau, ema hotu-hotu sei foti aas Hau nia naran.’ ”

Roma 14:9

Tanba nee duni mak Kristu mate i moris fila fali, atu Nia bele sai Nai ba ema sira nebee mate tiha ona no mos ba ema nebee sei moris.

Roma 15:9

Nunee ema nebee laos Judeu mos sei foti aas Maromak nia naran tanba Nia mos hatudu nia domin ba sira. Nee hanesan hakerek ona iha Livru Sagradu dehan, “Tanba nee hau sei hahii Ita Boot iha ema nebee laos Judeu nia leet. Hau sei hananu foti aas Ita Boot nia naran.”

1 Korintu 12:3

Tanba nee hau foo hanoin ba imi nunee: ema nebee Maromak nia Espiritu domina mak foin bele dehan, “Jesus hau nia Nai.” Ema nee nunka bele foo malisan ba Jesus, tanba Espiritu Santu domina hela nia.

1 Korintu 15:47

Adão ida primeiru hosi rai rahun, Adão ida segundu hosi lalehan.

1 Korintu 8:6

Maibee ba ita sarani sira, Maromak ida deit, Nia mak ita hotu nia Aman. Nia mak huun ba buat hotu-hotu, i ita moris atu serbii Nia. Ita nia Nai mos ida deit, Nia mak Jesus Kristu. Liu hosi Nia, buat hotu-hotu iha, ita hetan moris loos liu hosi Nia.

1 Pedro 1:21

Liu hosi Kristu mak imi fiar ba Nai Maromak. Tanba Maromak halo moris fali ona Kristu hosi mate hodi foti aas Nia, atu ita fiar ba Nia, i laran metin ba Nia promesa.

1 João 4:15

Ema nebee foo sai dehan Jesus mak Maromak nia Oan, Maromak hela iha nia i nia mos laran ida ho Nai Maromak.

1 João 4:2

Nunee imi tenki koko lai sira. Oinsaa mak imi bele hatene katak Maromak nia Espiritu hela iha sira? Se sira dehan katak Jesus Kristu mai iha mundu nee sai ema, entaun sira nia liafuan mai hosi Maromak nia Espiritu.

2 João 1:7

Ohin loron bosok-teen barak lao lemo-lemo lori lia falsu dehan, Jesus Kristu moris iha mundu nee la hanesan ema. See mak koalia nunee, nia bosok-teen, i nia kontra Kristu.

Apokalipse 3:5

See mak manaan, nia mos sei hatais hena mutin hotu. Hau sei la hamoos nia naran hosi lista ema moris rohan-laek nian. I aban-bainrua iha Hau nia Aman nia oin ho mos anju sira nia oin, Hau sei foo sai katak, nia nee Hau nia ema.