Filipi 2:1 - Biblia Tetun Dili

¹ Imi laran metin tanba imi sai ona ida ho Kristu. Imi nia laran hakmatek tanba Kristu hadomi imi. Maromak nia Espiritu hamutuk ho imi. Imi laran diak ba malu, i hadomi malu.

Filipi 2:1 Iomraidhean Croise

Lucas 2:25

Tempu nee, iha katuas ida naran Simeão hela iha sidade Jerusalém. Nia ema ida ke moris loos i badinas halo tuir Nai Maromak nia hakarak. Nia hein hela Nai Maromak atu salva ema Israel. Nia nakonu ho Maromak nia Espiritu Santu,

João 14:18

Ho nunee, Hau la husik imi mesak, hanesan oan nebee la iha inan-aman. Maibee, keta haluha, Hau sei fila fali mai ba imi.

João 14:27

Bainhira Hau baa ona, Hau halo imi bele moris iha dame no laran hakmatek. So Hau deit mak bele foo laran hakmatek hanesan nee. Buat hotu iha mundu nee la halo imi laran hakmatek. Nunee, la bele laran taridu no tauk.

João 17:13

Agora Hau atu fila fali ba Hau nia Aman. Hau foo hatene buat sira nee bainhira Hau sei iha mundu nee. Nunee, Hau nia ema sira nia laran haksolok nafatin, hanesan Hau nia laran mos haksolok.

Apostolu sira nia Istoria 2:46

Loro-loron sira baa adora Nai Maromak hamutuk iha Uma Kreda Boot Judeu sira nian. Sira sempre haan hamutuk iha uma ba uma ho laran haksolok. Sira gosta ajuda malu ho fuan-laran.

Apostolu sira nia Istoria 4:32

Ema hotu nebee fiar ba Jesus, sira moris neon ida laran ida. La iha ema ida karak-teen, sira sempre foo sasaan ba malu. La iha ema ida mak dehan sasaan nebee nia iha, ninian mesak. Sasaan saida mak nia iha, hotu-hotu bele uza.

Roma 5:5

Ita nia laran metin nee la halo ita lakon esperansa, tanba Maromak foo ona Nia Espiritu Santu mai ita, nunee ita hatene Maromak nia domin boot teb-tebes mai ita.

Roma 8:26

Nunee mos, Maromak nia Espiritu tulun ita, tanba ita ema fraku. Ita la hatene saida mak ita atu husu ba Maromak liu hosi ita nia orasaun. Maibee Maromak nia Espiritu rasik harohan ba Maromak iha ita nia fatin. Maski ita halerik deit no la hatene saida mak ita atu koalia.

1 Korintu 12:13

Ita hotu Maromak kesi metin ho Espiritu ida. Nee mak bainhira ita sarani, ita sai povu ida deit. Atu ita ema Judeu ka gregu, ema atan ka ema livre, Maromak foo Espiritu ida deit mai ita hotu. Nee hanesan ita hotu hemu bee nebee lori moris hosi bee matan nebee hanesan.

1 Korintu 15:31

Maun-alin sira, loro-loron hau hasoru perigu ba mate. Iha buat seluk tan: Hau orgulhu tanba imi fiar ba ita nia Nai Kristu Jesus.

1 Korintu 3:16

Imi la hatene katak, imi Maromak nia uma kreda, i Maromak nia Espiritu hela iha imi?

2 Korintu 2:14

Maibee agradese ba Maromak! Ami nebee uluk Nia inimigu, agora Nia halo ami sai laran ida ho Kristu hodi lori ami tutuir Nia. Ho nunee ema hotu-hotu haree katak Kristu mak manaan. Agora Nia uza fali ami hodi foo sai kona ba Kristu iha nebee-nebee deit, nunee ita sai hanesan mina morin nebee foo morin duni.

Galasia 4:6

Imi sai ona Nai Maromak nia oan, tanba nee mak Maromak mos haruka Nia Oan nia Espiritu mai tama iha imi nia laran. I Espiritu nee halo imi bolu Nai Maromak, "Abba", nee dehan “Apaa doben”.

Galasia 5:22

Maibee se ita moris tuir Espiritu Santu nia hakarak mak ita nia hahalok hanesan tuir mai nee: iha domin, laran haksolok, paz ho dame, pasiensia, laran diak, halo diak, foo laran,

Efezu 4:4

Ita hamutuk sai isin lolon ida deit, no Espiritu ida deit. Nunee mos, Maromak bolu ona ita hotu sai Nia ema no laran metin deit ba Nia.

Filipi 1:8

Nai Maromak rasik hatene katak, hau hakarak teb-tebes atu haree imi, i hau hadomi imi hanesan Kristu Jesus hadomi imi.

Filipi 3:3

Afinal ita nebee adora Maromak hodi Nia Espiritu nia tulun, mak sunat loloos. Ita foti aas Kristu Jesus nia naran, i ita la depende ba saida deit mak ita ema halo.

Kolose 2:2

Hau hakaas aan nunee atu hametin imi hotu nia laran para imi hadomi malu ho neon ida laran ida. Ho nunee imi bele komprende loloos Maromak nia planu nebee uluk segredu hela, i bele laran metin katak planu nee loos duni. Maromak nia segredu mak nee: Kristu rasik.

Kolose 3:12

Nai Maromak hadomi teb-tebes imi i hili ona imi sai Nia povu hodi entrega imi nia moris tomak ba Nia. Nee duni imi tenki sai ema nebee laran diak, ajuda ema iha susar nia laran, haraik aan, laran maus, no pasiensia.

Ebreu 6:18

Nia promesa ho Nia juramentu nee sei la muda, tanba Maromak nunka bosok. Nunee Nia halo juramentu nee para ita nebee buka mahon ona iha Nia bele laran metin ba Nia promesa nee.

1 João 3:24

Ema hotu-hotu nebee tuir Nai Maromak nia ukun fuan, sira laran ida ho Maromak i Nia mos hela ho sira. Oinsaa mak ita hatene katak Maromak hela ho ita? Tanba Nia foo ona Nia Espiritu hela iha ita nia laran.

1 João 4:12

La iha ema ida mak haree ona Nai Maromak, maibee se ita hadomi malu, Maromak hela iha ita i Nia domin mos buras iha ita.

1 João 4:16

Ita hatene Nai Maromak nia domin, i ita laran metin ba Nia domin nee. Maromak nee domin, nunee ema nebee hadomi Nai Maromak i hadomi ema seluk, ema nee laran ida ho Nai Maromak i Nai Maromak mos hela iha nia.