Filipi 1:9 - Biblia Tetun Dili

⁹ Hau halo orasaun ba Nai Maromak para imi nia domin ba malu bele buras ba bebeik. Hau mos husu atu Nia aumenta bebeik matenek ba imi hodi halo imi hatene saida mak loos, saida mak sala.

Filipi 1:9 Iomraidhean Croise

1 Korintu 14:20

Maun-alin sira, imi la bele hanoin hanesan labarik kiik-oan. Kona ba buat aat, imi tenki hanoin hanesan labarik duni. Maibee kona ba buat sira nee imi nia hanoin tenki hanesan ema nebee iha maturidade.

2 Korintu 8:7

Durante nee imi halo buat hotu-hotu ho diak teb-tebes. Imi fiar metin, imi matenek koalia, imi hatene klean, imi badinas tuir Maromak, i imi hadomi teb-tebes ami. Nunee agora hau husu ba imi atu foo mos kontribuisaun nee ho laran luak.

Efezu 5:17

Keta beik-teen, maibee hakaas aan atu komprende saida mak Nai Jesus hakarak.

Kolose 1:9

Tanba nee, hahuu hosi loron primeiru nebee ami rona kona ba imi, ami halo orasaun bebeik ba imi. Ami husu ba Nai Maromak atu foo ba imi matenek espiritual no konhesimentu kompletu nebee loos tuir Maromak nia hakarak.

1 Tesalonika 3:12

Ami mos husu ba Nai Jesus para halo imi hadomi malu liu tan i hadomi liu tan ema hotu-hotu, hanesan mos ami hadomi imi.

1 Tesalonika 4:1

Maun-alin sira, ami husu ba imi atu moris halo haksolok Nai Maromak, tuir ami hanorin ona ba imi. Loos, imi moris tuir ona nunee, maibee tanba ita Nai Jesus nia ema, ami husu atu imi hakaas aan liu tan.

2 Tesalonika 1:3

Maun-alin sira, ami sempre agradese ba Nai Maromak tanba imi kristaun sira iha Tesalónika. Ami tenki halo nunee duni, tanba imi nia fiar ba Kristu aumenta ba bebeik, i imi mos hadomi malu liu tan.

Filemon 1:6

Senhor nia fiar nee halo ita moris neon ida laran ida ho sarani sira seluk. Hau harohan atu liu hosi imi nia domin nee, imi bele komprende klean liu tan bensaun hotu-hotu nebee Maromak foo mai ita tanba ita laran ida ho Kristu.

Ebreu 5:14

Maibee hahaan toos ita foo deit ba ema nebee boot ona, nee dehan katak ema nebee hatoman aan tetu buat hotu-hotu too hatene loloos ona saida mak diak, saida mak aat.

1 Pedro 1:22

Imi hamoos ona imi nia aan hodi hatudu imi nia domin loloos ba maluk sarani sira, tanba imi moris tuir buat nebee mak loos. Agora hau husu atu imi hadomi malu nafatin ho fuan ho laran,

2 Pedro 3:18

Hakaas aan para loron ba loron konhese diak liu Nai Jesus Kristu ita nia Salvador, i hatene liu tan Nia laran diak. Mai ita foti aas Nia naran agora i too tinan ba tinan. Amen.