Filipi 1:8 - Biblia Tetun Dili

⁸ Nai Maromak rasik hatene katak, hau hakarak teb-tebes atu haree imi, i hau hadomi imi hanesan Kristu Jesus hadomi imi.

Filipi 1:8 Iomraidhean Croise

Lucas 1:78

tanba ita nia Maromak nee laran diak teb-tebes. Nee mak loro matan sae dadauk, lori naroman hosi lalehan tuun mai ita,

Roma 1:9

Maromak rasik hatene katak hau harohan bebeik ba imi. Maromak nee mak hau serbii ho laran tomak hodi foo sai Novidade Diak kona ba Nia Oan.

Roma 9:1

Agora, nudar Kristu nia ema, hau hatete lia loos ba imi, hau la bosok. Espiritu Santu mos hametin hau nia laran katak, buat nebee mak hau atu koalia nee loos.

2 Korintu 13:9

Ami haksolok bainhira ami fraku no imi forte. Ami harohan para imi sai ema nebee moris loos.

2 Korintu 6:12

Ami hatudu ona ami nia domin ba imi, maibee imi la hatudu domin mai ami.

2 Korintu 7:15

Agora Tito nia domin ba imi boot liu, tanba nia hanoin nafatin oinsaa imi rona nia i simu nia ho respeitu ho tauk.

Galasia 1:20

Buat nebee hau hakerek nee, loos duni. Hau koalia loloos iha Maromak nia oin.

Galasia 3:26

Agora imi hotu-hotu sai ona Nai Maromak nia oan, tanba imi fiar ba Kristu Jesus.

Galasia 4:19

Hau nia oan doben sira, agora hau hakaas aan ho terus dala ida tan ba imi, hanesan feto nebee kanotak moras atu tuur ahi. I hau sei hakaas aan nafatin, too imi nia laran sai hanesan Kristu.

Filipi 2:1

Imi laran metin tanba imi sai ona ida ho Kristu. Imi nia laran hakmatek tanba Kristu hadomi imi. Maromak nia Espiritu hamutuk ho imi. Imi laran diak ba malu, i hadomi malu.

Filipi 2:26

Tanba nia hanoin teb-tebes imi hotu, i nia mos preokupa hela ho imi tanba imi rona dehan nia moras.

Filipi 4:1

Tanba nee, maun-alin doben sira, imi tenki hamriik metin ho Nai Jesus. Hau hakarak teb-tebes atu haree imi, tanba imi hanesan premiu ida hosi hau nia serbisu, i imi halo hau nia laran haksolok.

Kolose 2:1

Imi iha sidade Kolose, hau hakarak atu imi hatene katak, hau serbisu makaas ba imi, hanesan mos ba sarani sira iha sidade Laodiseia ho mos ba sira seluk nebee seidauk konhese hau.

Kolose 3:12

Nai Maromak hadomi teb-tebes imi i hili ona imi sai Nia povu hodi entrega imi nia moris tomak ba Nia. Nee duni imi tenki sai ema nebee laran diak, ajuda ema iha susar nia laran, haraik aan, laran maus, no pasiensia.

1 Tesalonika 2:5

Imi mos hatene katak, ami nunka kos-kose imi, saa tan hakfodak ba osan hanesan ema balu nebee hakarak manaan deit osan. Nai Maromak mak ami nia sasin katak ami nunka halo hanesan nee.

1 Tesalonika 2:8

Tanba ami hadomi teb-tebes imi, ami prontu hatoo Nai Maromak nia Novidade Diak ba imi. Laos nee deit, maibee ami nia moris mos entrega tomak ba imi.

2 Timóteo 1:4

Hau hanoin fali uluk, bainhira ita fahe malu, o nia matan been turu. Agora hau hakarak loos hasoru o, tanba bainhira hau haree fali o, hau sei haksolok teb-tebes.

Filemon 1:12

Hau hadomi teb-tebes nia, maibee la iha buat ida, agora hau haruka nia fila fali ba ita.

Filemon 1:20

Entaun irmaun, halo ida nee para ajuda hau, tanba ita nain rua laran ida ona ho ita nia Nai Jesus Kristu. Nunee ita sei halo hau nia laran haksolok.

1 João 3:17

Se ema ida iha hahaan ka hena, maibee la foo ba nia maluk nebee moris iha susar nia laran, oinsaa nia bele dehan nia hadomi Nai Maromak?!