Filipi 1:7 - Biblia Tetun Dili

⁷ Hau senti nunee, tanba imi iha hau nia fuan-laran. Maromak foo fiar ba imi atu serbisu hamutuk ho hau. Bainhira Hau defende Nia Novidade Diak hodi hatudu ba ema katak Liafuan nee loos, imi sempre halo parte iha serbisu nee. Bainhira hau iha komarka laran mos, imi halo parte nafatin.

Filipi 1:7 Iomraidhean Croise

Apostolu sira nia Istoria 20:23

Maibee iha sidade ba sidade, Espiritu Santu foo hatene antes tiha ona mai hau dehan, hau sei tama kadeia i hetan terus barak.

Apostolu sira nia Istoria 21:33

Komandante kaer tiha Paulo, i haruka sira futu nia ho korenti rua. Nia husu ba ema barak nee, “Ema nee see? Nia halo sala saida?”

1 Korintu 13:7

Domin prontu terus nafatin, fiar nafatin, hein ho laran metin nafatin, i aguenta nafatin.

1 Korintu 9:23

Hau halo buat sira nee hotu atu ema barak bele moris tuir Novidade Diak. Liu hosi nee hau bele halo parte hamutuk ho sira.

2 Korintu 3:2

Tanba imi sira nee mak ami nia surat rekomendasaun nebee rai iha ami nia laran. Ema hotu nebee lee imi nia moris sei hatene katak ami halao duni ami nia serbisu ho diak.

2 Korintu 7:3

Hau hatete nunee laos atu foo sala ba imi. Ohin hau dehan tiha ona katak ami hadomi imi. Atu ami mate ka moris, imi nafatin iha ami nia laran.

Galasia 5:6

Nunee, se ita laran ida ho Kristu Jesus, ita sunat ka la sunat, nee la importante ida. Importante mak nee: ita fiar ba Kristu, i hatudu fiar nee liu hosi hadomi ema seluk.

Efezu 3:1

Hau, Paulo, agora dadauk dadur hela iha komarka tanba hau halao serbisu nebee Kristu Jesus foo mai hau. Serbisu nee mak foo sai Nia Novidade Diak ba imi nebee laos ema Judeu.

Efezu 4:1

Hau dadur hela tanba serbii ita nia Nai. Nunee hau husu boot atu imi bele moris tuir Maromak nia hakarak, tanba Nia bolu ona imi sai Nia ema.

Efezu 6:20

Nai Jesus foti hau sai Nia embaixador para foo sai Novidade Diak nee. Tanba nee mak agora hau dadur hela iha komarka. Nee duni harohan mai hau, atu hau bele foo sai Nia Liafuan ho brani, tanba ida nee mak hau nia obrigasaun duni.

Filipi 1:12

Maun-alin sira, hau hakarak atu imi hatene katak, maski ema halo terus hau, maibee hau nia terus nee halo ema barak liu tan fiar ba Nai Jesus nia Novidade Diak.

Filipi 1:13

Seguransa sira iha palasiu sira nian ho ema sira seluk iha nee mos hatene dehan, hau dadur hela tanba serbii Jesus Kristu.

Filipi 1:14

Tanba hau iha komarka laran sarani sira barak liu mak laran metin ba Nai Jesus. Agora sira brani liu, i la tauk tan atu foo sai Maromak nia Liafuan.

Filipi 1:5

tanba hosi loron primeiru imi simu Maromak nia Novidade Diak too agora, imi ajuda hau hodi foo sai Novidade Diak nee.

Filipi 2:22

Maibee imi rasik hatene, Timóteo serbisu makaas hodi foo sai Nai Jesus nia Novidade Diak. Nia serbisu hamutuk ho hau, hanesan oan ida serbisu ho nia aman.

Filipi 4:14

Maski nunee, foin dadauk imi ajuda hau iha susar laran, nee buat diak ida.

Filipi 4:15

Uluk mos, bainhira imi foin simu Nai Jesus nia Novidade Diak, i hau sai hosi provinsia Masedónia, so imi iha sidade Filipi deit mak foo ajuda mai hau. Sarani sira seluk lae. Maibee imi hatene ona istoria nee.

Filipi 4:3

Hau nia kolega serbisu nebee hau konfia, hau husu o ajuda hela senhora nain rua nee para diak malu. Tanba uluk sira nain rua serbisu makaas ajuda hau hodi foo sai Maromak nia Novidade Diak, hamutuk ho Clemente ho kolega sira seluk. Sira hotu nia naran, Maromak hakerek tiha ona iha livru ema moris rohan-laek nian.

Kolose 4:18

Hau rasik mak hakerek liafuan tuir mai nee: Kumprimentus hosi hau, Paulo. La bele haluha katak, hau dadur hela. Hau harohan para Nai Maromak hatudu Nia grasa ba imi.

Kolose 4:3

Keta haluha harohan mos mai ami. Husu atu Nai Maromak loke dalan para ami bele foo sai ba ema, buat nebee uluk segredu hela kona ba Kristu. Tanba hau foo hatene segredu nee mak hau agora dadur hela iha komarka.

1 Tesalonika 5:5

Ita nebee fiar ba Jesus hanesan ema loron nian nebee moris iha naroman. Ita laos hanesan ema kalan nian, nebee moris iha nakukun laran.

2 Timóteo 1:8

Tanba nee, la bele moe konta kona ba ita nia Nai Jesus. I la bele moe kona ba hau, maski hau dadur hela iha kadeia tanba hau serbii Nai Jesus. Maibee o tenki prontu simu terus hanesan hau, para bele foo sai Novidade Diak. I Maromak sei foo forsa ba o hodi aguenta iha terus nee nia laran.

2 Timóteo 2:9

Tanba hau foo sai Novidade Diak nee mak hau hetan terus, too ema kesi tan hau ho korenti hanesan fali ema nebee halo krimi. Maibee Nai Maromak nia liafuan, ema ida la bele kesi.

Filemon 1:13

Hau iha komarka laran nee tanba hau foo sai Maromak nia Novidade Diak. Tuir loloos hau hakarak atu Onésimu hela nafatin ho hau para bele ajuda hau hodi ita nia fatin.

Ebreu 3:1

Maun-alin sira, Maromak hili ona imi atu moris ho laran moos, i hili mos imi atu tama iha lalehan. Imi tenki hanoin klean kona ba Jesus. Ita rekonhese ona katak Nia mak Ida nebee Nai Maromak haruka, i Nia mak ita nia nai-lulik boot.

1 Pedro 4:13

Maibee haksolok baa, tanba imi bele hetan terus hanesan Kristu uluk mos terus. Se imi haksolok nunee, aban-bainrua bainhira ema hotu-hotu haree Jesus Kristu fila fali mai ho naroman nabilan, imi sei haksolok liu tan.

1 Pedro 5:1

Agora hau hakerek ba presbiteru sira. Hau mos presbiteru hanesan imi. Hau rasik akompanha Kristu nia terus. Aban-bainrua bainhira ema hotu-hotu haree Kristu fila fali mai ho naroman nabilan, hau mos sei simu naroman nabilan nee. Hau husu ba imi presbiteru sira,

2 Pedro 1:13

Hau hanoin hau iha obrigasaun para foo hanoin buat sira nee ba imi durante hau sei moris iha mundu.

1 João 3:14

Ita hatene katak, uluk ita hanesan mate tiha ona tanba ita haketak aan hosi Maromak, maibee agora ita simu ona moris rohan-laek. Oinsaa ita bele hatene katak ita hetan ona moris rohan-laek? Tanba ita hadomi ita nia maluk nebee iha Kristu. Maibee see mak la hadomi ema seluk, nia hanesan ema mate nafatin.