Filipi 1:6 - Biblia Tetun Dili

⁶ Nai Maromak hahuu ona halo serbisu diak iha imi. I hau laran metin katak, Nia sei kontinua nafatin too Nia serbisu nee hotu iha loron nebee Kristu Jesus fila fali mai hosi lalehan.

Filipi 1:6 Iomraidhean Croise

João 6:29

Jesus foo hatene dehan, “Maromak nia serbisu mak nee: imi tenki fiar ba Hau, tan Nai Maromak mak haruka Hau mai.”

Apostolu sira nia Istoria 11:18

Rona Pedro defende aan nunee, sira la foo tan sala ba nia. Sira komesa hahii Nai Maromak dehan, “Afinal Nai Maromak loke ona dalan ba ema nebee laos Judeu, atu sira bele husik sira nia sala, i tuir Nai Maromak nia hakarak, hodi moris nafatin ho Nia.”

Apostolu sira nia Istoria 16:14

Ida naran Lídia, hosi sidade Tiatira. Senhora nee faan hena koor uvas nebee folin karu teb-tebes. Nia hamtauk ona ba Nai Maromak. Bainhira nia rona Paulo nia liafuan, Maromak loke nia laran hodi simu kedas buat nebee Paulo koalia.

1 Korintu 1:8

Maromak sei hametin imi nia fiar too rohan. Nunee, bainhira ita nia Nai Jesus Kristu fila fali mai hodi tesi ema hotu-hotu nia lia, la iha ema ida sei foo sala ba imi.

2 Korintu 1:15

Hau laran metin nunee mak foin dadauk hau halo planu atu baa vizita imi dala rua, atu imi bele simu bensaun ba dala rua.

2 Korintu 2:3

Ho razaun ida nee mak hau haruka uluk surat ida hodi foo hanoin ba imi, atu hau baa karik imi la halo hau nia laran susar. Tuir loloos imi halo hau nia laran haksolok. I hau fiar katak, bainhira hau haksolok, imi mos haksolok hamutuk ho hau.

2 Korintu 7:16

Hau nia laran haksolok tanba hau bele foo fiar ba imi iha buat hotu.

2 Korintu 9:4

Keta halo be ema Masedónia lao hamutuk ho hau baa vizita imi, i sira haree imi nia osan seidauk tau hamutuk. Se nunee ami moe tanba ami fiar ba imi saugati deit. I imi sei moe liu tan!

Galasia 5:10

Bele nunee mos, hau laran metin katak, imi sei la tuir sira nia hanorin falsu nee, tanba ita hotu laran ida ona ho Nai Jesus Kristu. I Nai Maromak sei kastigu see-see deit mak halo imi konfuzaun.

Efezu 4:12

Nia foti sira nee para sira bele prepara Maromak nia povu atu ita hotu halao Nia serbisu. Ho nunee ita hotu, nudar Kristu nia isin lolon, sai forti ba bebeik,

Filipi 1:10

Nunee imi bele hili saida mak diak hodi moris loos, atu bainhira Kristu fila fali mai, Nia bele dehan, imi la iha sala ida.

Filipi 1:29

Maromak nee diak teb-tebes. Nia loke ona dalan ba imi para fiar ba Kristu. Laos nee deit, maibee Nia mos bolu imi atu terus tanba tuir Nia.

Filipi 2:12

Maluk doben sira, uluk hau sei hamutuk ho imi, imi sempre halo tuir Maromak nia hakarak. Agora hau dook hosi imi mos, imi tenki kontinua nafatin moris nunee. Maromak salva tiha ona imi. Nee duni, esforsa aan ho tauk no respeitu ba Maromak hodi hatudu rezultadu salvasaun nian.

Filipi 2:13

Tanba Nai Maromak rasik serbisu iha imi nia laran. Nia halo imi prontu hodi tuir Nia hakarak, i foo mos kbiit ba imi atu bele halo tuir.

Filipi 2:16

Hatoo ba sira, Maromak nia Liafuan nebee foo moris. Se imi halo nunee, entaun aban-bainrua bainhira Jesus Kristu fila fali mai, hau nia laran sei haksolok, tanba hau nia serbisu ho hau nia kolen la saugati.

Kolose 2:12

Momentu imi simu batizmu, nee hanesan imi mate tiha ona i hakoi hamutuk ho Kristu, depois imi mos moris fali hamutuk ho Nia. Imi simu moris foun nee, tanba imi fiar katak Maromak iha kbiit boot teb-tebes hodi halo Kristu moris fali hosi mate, i imi laran metin katak Nia mos uza Nia kbiit nee para foo moris foun ba imi.

1 Tesalonika 1:3

Ami sempre hatoo ba ita nia Aman Maromak katak, imi serbisu makaas tanba imi fiar ba Nai Jesus, i badinas ajuda ema seluk tanba hadomi sira. I bainhira ema halo terus imi, imi aguenta nafatin ho pasiensia tanba imi laran metin ba Nai Jesus.

2 Tesalonika 1:11

Nee mak ami halo orasaun ba imi loron-kalan, atu Nai Maromak, nebee bolu imi sai Nia ema, bele konsidera imi serve duni atu tuir Nia. Imi nia fiar ba Jesus halo imi hakarak halo buat nebee diak. Ami husu ba Nai Maromak foo kbiit ba imi atu bele halo duni buat diak sira nee hotu.

2 Tesalonika 3:4

Ami laran metin katak Nai Jesus ajuda hela imi para halo tuir buat nebee ami hatoo ona ba imi, i imi mos sei halo tuir nafatin.

Filemon 1:21

Hau hakerek surat nee ho fiar katak ita sei halo tuir, i sei halo liu fali buat nebee mak hau husu.

Ebreu 10:35

Entaun la bele husik imi nia fiar. Tanba se imi laran metin nafatin, Maromak sei foo prémiu boot ba imi.

Ebreu 12:2

Ita tenki hateke deit ba Jesus, tanba ita nia fiar mai hosi Nia, i Nia mak halo ita nia fiar sai metin too rohan. Bainhira Jesus terus iha krus, Nia aguenta ho pasiensia i la interese katak mate iha krus nee moe boot ida, tanba Nia hatene katak, Maromak sei halo Nia laran haksolok. I sai nunee duni. Agora Jesus tuur hela iha Nai Maromak nia sorin kuana.

1 Pedro 5:10

Bainhira imi nia terus hotu ona, Nai Maromak rasik sei halo imi diak fila fali. Nia sei foo forsa ba imi, i halo imi hamriik metin hodi aguenta nafatin. Tanba Nia sempre hatudu Nia laran diak ba ita ema i Nia rasik mak bolu imi atu simu Nia kbiit ho naroman nabilan too tinan ba tinan, hamutuk ho Kristu.

2 Pedro 3:10

Maibee ita nia Nai sei mai derepenti deit hanesan naok-teen. Lalehan sei tarutu makaas loos too lakon tiha. Loro-matan, fulan ho fitun sira iha lalehan, ahi haan hotu kedas. I mundu ho buat hotu-hotu iha mundu nee mos sei lakon hotu.