Filipi 1:28 - Biblia Tetun Dili

²⁸ Bainhira ema kontra imi, la bele tauk sira. Imi nia brani nee hatudu ba sira katak, Nai Maromak rasik sei salva imi i sei halo lakon tiha sira.

Filipi 1:28 Iomraidhean Croise

Jenesis 49:18

Oh, NAI Maromak! Hau harohan atu Ita Boot salva ami hotu.

Mateus 10:28

La bele tauk ema nebee mak hakarak oho imi, tanba sira so bele oho deit imi nia isin lolon, imi nia klamar sira la bele oho. Diak liu imi tauk ba Maromak, tanba Nia mak iha kbiit hodi oho imi nia isin lolon i soe imi nia klamar ba infernu.

Marcos 3:3

Nunee Jesus bolu ema nebee liman sorin mate nee, dehan, “O mai hamriik iha nee.”

Lucas 3:6

para ema hotu-hotu bele haree, Ema nebee Maromak haruka mai hodi salva sira.’ ”

João 16:8

Bainhira Tulun-Nain nee mai, Nia sei hatudu ba ema iha mundu nee dehan, sira nia laran ho sira nia hahalok nee, sala. Nia foo hanoin ba sira hodi tuir dalan nebee loos. Nia mos foo hanoin ba sira dehan, Maromak sei tesi sira nia lia dehan, sira nee sala, ka loos.

Apostolu sira nia Istoria 28:28

Ikus liu Paulo mos dehan, “Maun-alin sira, imi tenki hatene katak, agora Nai Maromak haruka ona Nia Liafuan kona ba salvasaun ba ema sira nebee laos Judeu, i sira mos sei simu Nia.”

Roma 8:17

Se ita sai ona Maromak nia oan, nee dehan katak aban-bainrua ita sei simu eransa rikusoin nebee mak Maromak rai hela ba Nia oan sira, hanesan mos Kristu simu. Naran katak ita mos hola parte iha Kristu nia terus, para aban-bainrua Maromak bele foti aas ita hanesan mos Nia foti aas Kristu.

1 Tesalonika 2:2

Imi mos hatene, bainhira ami seidauk baa iha nebaa, ema iha sidade Filipi halo terus ho hatete aat ami. Maibee Maromak foo brani mai ami para bele foo sai Nia Novidade Diak ba imi, maski ema barak kontra makaas.

Ebreu 13:6

Tanba nee ita laran metin hodi dehan, “Nai Maromak sempre tulun hau. Nunee hau sei la tauk. See mak bele halo aat mai hau?”

Apokalipse 2:10

Maski nunee imi lalikan tauk kona ba terus nebee mak imi sei hetan. Hau hatete ba imi, diabu sei halo imi balu sai dadur iha kadeia hodi koko imi nia fiar. Imi sei hetan terus too loron sanulu. Maibee imi tenki tuir nafatin Hau too mate, maski ema oho imi. Se imi halo nunee, Hau sei foo prémiu moris rohan-laek nian ba imi.