Filipi 1:27 - Biblia Tetun Dili

²⁷ Bele halo nusaa mos, imi tenki moris tuir loloos Kristu nia Novidade Diak. Nunee, se hau rasik baa vizita fali imi ka rona deit hosi ema mos, hau bele hatene katak, imi hamriik metin ho neon ida laran ida. I hau bele hatene katak, imi hotu serbisu makaas para ema seluk mos fiar Kristu nia Novidade Diak nee.

Filipi 1:27 Iomraidhean Croise

Mateus 12:25

Maibee Jesus hatene sira hotu nia hanoin. Nunee Nia hatete ba sira, “Se iha nasaun ida, nia povu haan malu hela deit, nasaun nee sei rahun. Se iha sidade ida ka uma kain ida, nia ema sira istori malu hela deit, sira sei rahun.

Apostolu sira nia Istoria 2:46

Loro-loron sira baa adora Nai Maromak hamutuk iha Uma Kreda Boot Judeu sira nian. Sira sempre haan hamutuk iha uma ba uma ho laran haksolok. Sira gosta ajuda malu ho fuan-laran.

Apostolu sira nia Istoria 24:24

Liu tiha loron ida-rua, governador Félix mai ho nia kaben, ema Judeu, naran Drusila. Nia haruka ema lori Paulo baa hasoru sira nain rua. Paulo foo hatene ba sira kona ba fiar ba Kristu Jesus.

Apostolu sira nia Istoria 4:32

Ema hotu nebee fiar ba Jesus, sira moris neon ida laran ida. La iha ema ida karak-teen, sira sempre foo sasaan ba malu. La iha ema ida mak dehan sasaan nebee nia iha, ninian mesak. Sasaan saida mak nia iha, hotu-hotu bele uza.

Roma 1:16

Hau la moe foo sai Novidade Diak nee. Tanba Novidade Diak nee iha kbiit hosi Maromak hodi salva see-see deit mak fiar, primeiru ema Judeu sira, depois ema hosi nasaun sira seluk.

Roma 1:5

Maromak hatudu Nia grasa mai hau liu hosi Jesus too Nia hili hau sai apostolu. Nia hili hau para lori ema hosi nasaun hotu-hotu bele fiar ba Jesus i halo tuir Nia liafuan, atu nunee ema hotu-hotu bele foti aas Nia naran.

Roma 1:9

Maromak rasik hatene katak hau harohan bebeik ba imi. Maromak nee mak hau serbii ho laran tomak hodi foo sai Novidade Diak kona ba Nia Oan.

Roma 10:8

Lalika buka Nia iha fatin dook, tanba iha Livru Sagradu mos hakerek dehan, “Maromak nia liafuan besik loos imi, iha imi nia ibun, ho mos iha imi nia laran.” Liafuan nee mak ami baibain foo sai kona ba fiar.

Roma 15:16

Nia foti hau sai Kristu Jesus nia atan para serbii ema nebee laos Judeu. Hau kaer knaar hanesan nai-lulik ida hodi foo sai Maromak nia Novidade Diak. Nunee ema nebee laos Judeu bele sai hanesan oferta ida nebee halo haksolok Maromak nia laran, tanba Espiritu Santu halo sira sai moos tiha ona.

Roma 15:29

Hau laran metin katak bainhira hau baa vizita imi, Kristu sei foo bensaun boot iha ita nia tempu hamutuk nee.

1 Korintu 1:10

Maun-alin sira, hau husu hodi ita nia Nai Jesus Kristu nia naran atu imi haree malu didiak. La bele fahe malu, maibee moris neon ida laran ida.

1 Korintu 15:58

Nunee, maun-alin doben sira, hamriik metin nafatin. La bele nakdoko. Halao nafatin Nai Jesus nia serbisu ho laran tomak. Tanba imi hatene katak, imi nia serbisu makaas ba ita nia Nai la saugati.

2 Korintu 13:11

Maun-alin sira, hau nia liafuan ikus mak nee: Haksolok baa! Hakaas aan hodi moris loos. Rona didiak hau nia konselhu, moris neon ida laran ida, i buka atu moris dame ho ema hotu-hotu. Nunee Maromak Domin Nain ho Dame Nain sei hamutuk ho imi nafatin.

2 Korintu 4:4

Sira nia maromak mak diabu. I nia mak taka hela ema nebee la fiar nia hanoin, halo sira la bele haree naroman hosi Novidade Diak kona ba Kristu i Nia naroman nabilan makaas teb-tebes. Kristu nee hanesan loloos Maromak.

2 Korintu 9:13

Imi foo sai tiha ona katak imi fiar ba Novidade Diak kona ba Kristu. Liu hosi ajuda nebee imi foo nee, imi hatudu katak imi moris tuir duni Novidade Diak. Ema barak sei haree imi nia laran luak nee, i sira sei hahii Maromak tanba ajuda nebee imi foo ba sira ho mos ba ema seluk.

Galasia 1:7

nebee la loos. Tuir loloos, Nai Jesus nia Novidade Diak ida deit, la iha tan seluk. Maibee agora iha ema balu mai bobar tuun-sae Novidade Diak kona ba Kristu.

Efezu 1:13

Imi nebee laos ema Judeu mos rona ona Kristu nia Novidade Diak, hodi fiar ba Nia. Novidade nee loos, i lori salvasaun ba imi. Bainhira imi fiar ba Kristu, Maromak foo Nia Espiritu Santu ba imi, tuir Nia promesa uluk. Espiritu Santu nee hanesan sinal ida katak, imi Kristu nia ema.

Efezu 1:15

Maun-alin sira, hau rona dehan, imi fiar metin ba Nai Jesus i hadomi Maromak nia povu santu hotu. Bainhira hau rona nunee,

Efezu 4:1

Hau dadur hela tanba serbii ita nia Nai. Nunee hau husu boot atu imi bele moris tuir Maromak nia hakarak, tanba Nia bolu ona imi sai Nia ema.

Filipi 1:5

tanba hosi loron primeiru imi simu Maromak nia Novidade Diak too agora, imi ajuda hau hodi foo sai Novidade Diak nee.

Filipi 2:12

Maluk doben sira, uluk hau sei hamutuk ho imi, imi sempre halo tuir Maromak nia hakarak. Agora hau dook hosi imi mos, imi tenki kontinua nafatin moris nunee. Maromak salva tiha ona imi. Nee duni, esforsa aan ho tauk no respeitu ba Maromak hodi hatudu rezultadu salvasaun nian.

Filipi 2:24

I Nai Jesus halo hau laran metin katak, la kleur tan, hau bele baa vizita imi.

Filipi 3:18

Hau dehan dala barak ona ba imi katak, iha ema barak moris hanesan inimigu ba Kristu, i la foo folin ba Nia mate iha krus. I agora ho matan been hau foo hanoin ba imi.

Filipi 3:20

Maibee ita la bele nunee, tanba ita sai ona sidadaun lalehan nian. Agora ita hein hela ita nia Nai Jesus Kristu nudar ita nia Salvador tuun fila fali mai hosi lalehan.

Filipi 4:1

Tanba nee, maun-alin doben sira, imi tenki hamriik metin ho Nai Jesus. Hau hakarak teb-tebes atu haree imi, tanba imi hanesan premiu ida hosi hau nia serbisu, i imi halo hau nia laran haksolok.

Kolose 1:10

Ho nunee, imi nia moris foti aas Nai Jesus nia naran, i sempre halo haksolok Nia laran. Imi mos sei foo fuan iha imi nia serbisu nebee diak, i sei buras hodi konhese Maromak diak liu tan.

Kolose 1:4

Ami agradese ba Nia tanba ami rona dehan, imi fiar ba Kristu Jesus i hadomi Maromak nia povu santu hotu.

1 Tesalonika 3:6

Agora Timóteo fila fali ona hosi Tesalónika. Nia konta mai ami dehan, imi fiar nafatin ba Kristu i hadomi malu nafatin, halo ami mos haksolok. Nia mos dehan, bainhira imi konta tuir kona ba ami, imi sempre kontenti, i imi hakarak atu hasoru ami, hanesan mos ami hakarak hasoru imi.

1 Tesalonika 4:1

Maun-alin sira, ami husu ba imi atu moris halo haksolok Nai Maromak, tuir ami hanorin ona ba imi. Loos, imi moris tuir ona nunee, maibee tanba ita Nai Jesus nia ema, ami husu atu imi hakaas aan liu tan.

1 Timóteo 1:11

Hanorin loos nee mai hosi Nai Maromak nia Novidade Diak, nebee Nia entrega mai hau. Nai Maromak nee diak no boot teb-tebes.

1 Timóteo 1:19

Fiar metin ba Kristu, i kuidadu o nia aan para sempre halo buat nebee loos. Tanba iha ema balu hatene saida mak loos, maibee lakohi halo tuir. Too ikus, sira fila kotuk ba Maromak.

2 Timóteo 4:7

Hau remata jogu hotu ho diak. Hau halai taru too iha rohan. Hau kaer metin hau nia fiar ba Jesus Kristu too hau nia iis kotu.

Tito 2:10

i la bele naok nia sasaan. Maibee sira tenki onestu no foo laran ba sira nia patraun. Ho nunee ema seluk nebee haree atan sira nia moris nee, sei foo valor ba ita nia hanorin kona ba Nai Maromak, ita nia Salvador.

Filemon 1:5

Tanba hau rona katak ita hadomi Maromak nia povu santu hotu i ita mos fiar loloos ba Nai Jesus.

Tiago 3:18

Toos nain nebee kuda fini, iha ikus nia hetan rezultadu diak, nunee mos ema nebee hatudu dalan ba dame, kleur-kleur sei haburas justisa.

2 Pedro 3:11

Se buat hotu-hotu sei rahun tiha nunee, entaun imi tenki moris oinsaa? Imi tenki moris ho laran moos hodi tuir Maromak nia hakarak,

2 Pedro 3:14

Nunee, maluk doben sira, durante imi hein hela buat sira nee, imi tenki hakaas aan para sai ema nebee moris loos, i la iha noda ida no moris diak malu ho Nai Maromak .

Judas 1:3

Maluk doben sira, tuir loloos hau hakarak teb-tebes hakerek ba imi kona ba salvasaun nebee ita hotu simu ona. Maibee agora hau senti katak, hau tenki hakerek fali buat seluk hodi foo hanoin ba imi para imi bele defende fiar hotu nebee Nai Maromak foo dala ida ona ba Nia povu.