Filipi 1:26 - Biblia Tetun Dili

²⁶ Nunee imi sei foti aas Jesus Kristu nia naran, tanba Nia mak loke dalan atu hau bele baa haree fali imi.

Filipi 1:26 Iomraidhean Croise

João 16:22

Nunee mos ho imi. Agora imi laran susar no tristi. Maibee la kleur Hau sei mai haree fali imi, nunee imi nia laran kontenti fali. I bainhira buat nee akontese ona, la iha ema ida mak bele impede imi nia laran haksolok nee.

João 16:24

Too agora, imi seidauk husu buat ida, lori Hau nia naran. Husu deit baa, maka imi sei simu. Nunee, imi nia laran sei haksolok teb-tebes.”

2 Korintu 1:14

Agora imi komprende balu deit kona ba ami nia hanorin, maibee hau hein katak too loron ida imi bele komprende hotu. Nunee, bainhira Nai Jesus fila fali mai hosi lalehan hodi tesi ema hotu-hotu nia lia, imi sei konta ami nia diak hanesan mos ami konta imi nia diak.

2 Korintu 5:12

Ami laos atu gaba aan iha imi nia oin. Maibee ami hakarak foo oportunidade ba imi, para imi bele orgulhu ho ami. Nunee bainhira ema seluk orgulhu ba buat nebee sira haree hosi liur, laos haree ba laran, imi bele koalia hataan sira.

2 Korintu 7:14

Molok Tito baa vizita imi, hau konta tiha ona ba nia kona ba imi nia diak. Nia too iha nebaa, nia rasik haree katak buat nebee hau konta ba nia nee loos duni, hanesan mos hau nia liafuan ba imi durante nee sempre loos. Nunee imi la halo moe hau.

2 Korintu 7:4

Hau fiar imi, i imi halo hau orgulhu teb-tebes. Imi hametin hau nia laran. Maski ami hetan susar oi-oin, maibee hau nia laran haksolok liu tanba imi.

2 Korintu 7:6

Maibee Maromak sempre foo ksolok ba ema nebee laran susar. Nia mos foo ksolok mai ami bainhira Nia haruka Tito mai iha ami.

Galasia 6:4

Diak liu ema ida-idak haree ba nia hahalok rasik. Se nia halo diak, haksolok baa. Maibee la bele haree ema seluk nia atitude.

Filipi 3:1

Maun-alin sira, haksolok baa, tanba imi laran ida ona ho Nai Jesus. Maski hau hakerek fali buat nebee uluk hau hakerek tiha ona, maibee hau la baruk foo hanoin dala ida tan ba imi, atu imi fiar metin nafatin.

Filipi 3:3

Afinal ita nebee adora Maromak hodi Nia Espiritu nia tulun, mak sunat loloos. Ita foti aas Kristu Jesus nia naran, i ita la depende ba saida deit mak ita ema halo.

Filipi 4:10

Hau haksolok teb-tebes hodi hahii Nai Jesus, tanba dala ida tan imi ajuda hau. Hau hatene katak, uluk kedas imi hadomi hau, maibee kleur ona imi la iha oportunidade hodi tulun.

Filipi 4:4

Loron-kalan haksolok deit baa, tanba imi Nai Jesus nia ema. Dala ida tan hau hatete: haksolok nafatin baa!