Filipi 1:21 - Biblia Tetun Dili

^21-23 Tanba mai hau, hau moris hodi halo serbisu ba Kristu, i se hau mate iha folin boot. 22-23 Maibee se hau tenki moris iha mundu nee, nee dehan katak hau moris hodi serbisu foo fuan. Nunee ida nebee mak hau hili, hau la hatene. Maibee tuir loloos, hau hakarak ba hela hamutuk ho Kristu, ida nee mak diak liu.

Filipi 1:21 Iomraidhean Croise

1 Korintu 1:30

Maromak mak halo imi sai laran ida ho Kristu Jesus, i Kristu hatudu Maromak nia matenek mai ita. Nee dehan katak, Kristu halo ita diak malu ho Maromak, Nia halo ita sai ema nebee moris loos no santu, i Nia selu kotu ita nia tusan.

1 Korintu 3:22

Atu hau Paulo, ka Apolo, ka Pedro, atu mundu nee, ka atu moris, ka mate, atu buat nebee agora iha ka buat nebee sei mai, buat sira nee imi nian hotu.

2 Korintu 5:1

Ita hatene katak, ita nia isin lolon agora nee hanesan tenda ida nebee loron ida sei naksobu. Maibee Maromak prepara tiha ona fatin diak ida iha lalehan ba ita, i fatin nee rohan laek. Fatin nee laos ema mak halo, maibee Maromak mak halo.

2 Korintu 5:6

Tanba nee ita brani nafatin. Ita hatene katak, durante ita sei iha ita nia isin lolon mundu nian, ita seidauk hela hamutuk ho ita nia Nai iha lalehan.

2 Korintu 5:8

Nunee ita fiar nafatin. Tuir loos ita hakarak atu husik tiha ita nia isin lolon mundu nian hodi baa hela hamutuk ho ita nia Nai iha lalehan.

Galasia 2:20

Bele dehan, hanesan hau mate tiha ona iha krus hamutuk ho Kristu. Agora laos hau mak moris tan, maibee Kristu mak moris iha hau. I hau moris iha mundu nee, hau fiar deit ba Nai Maromak nia Oan. Nia hadomi teb-tebes hau, too foo nia Aan ba mate iha hau nia fatin.

Galasia 6:14

Maibee ba hau, hau lakohi gaba buat ida, hau so gaba deit kona ba Nai Jesus Kristu nia mate iha krus. Tanba Nia mate ona iha krus, maka buat mundu nian la iha tan folin mai hau. I tuir ema mundu nia hanoin, hau mos hanesan mate tiha ona.

Filipi 1:20

Hau hakarak ho laran metin atu hau brani nafatin foo sai kona ba Kristu, hanesan uluk, atu nunee hau la bele moe. Atu hau moris ka hau mate, la importante. Naran katak Maromak uza hau hodi foti aas Kristu nia naran.

Filipi 2:21

Sira seluk so hanoin deit sira nia aan. Buat nebee Jesus Kristu hakarak, sira la interese.

Kolose 3:4

Kristu foo ona moris foun ba imi. I aban-bainrua Nia fila fali mai, imi mos mosu hamutuk ho Nia, ho naroman nabilan nian.

Apokalipse 14:13

Hotu tiha hau rona lian ida hosi lalehan dehan, “Hakerek nunee: Ema nebee mate iha fiar ba Nai Jesus hetan bensaun.” Maromak nia Espiritu hataan, “Loos duni, sira deskansa ona, tanba sira nia serbisu ho sira nia terus hotu ona. I Nai Maromak sei selu fali sira nia kolen.”