Filipi 1:20 - Biblia Tetun Dili

²⁰ Hau hakarak ho laran metin atu hau brani nafatin foo sai kona ba Kristu, hanesan uluk, atu nunee hau la bele moe. Atu hau moris ka hau mate, la importante. Naran katak Maromak uza hau hodi foti aas Kristu nia naran.

Filipi 1:20 Iomraidhean Croise

João 21:19

(Jesus koalia nunee hodi foo hatene ba Pedro saida mak sei akontese ba nia aan. Tanba Pedro nia mate nee hatudu Nai Maromak nia naroman-nabilan.) Depois Jesus hatete ba Pedro, “Mai tuir Hau ona, i sai Hau Nia ema!”

Apostolu sira nia Istoria 20:24

Nai Jesus mak tau serbisu nee iha hau nia kabaas, atu hau baa foo sai Nai Maromak nia Novidade Diak kona ba Nia grasa ho Nia domin mai ita. Se karik hau la tuir Nia hakarak, i la halo remata Nia serbisu nee, hau senti hau nia moris nee la iha folin ida.

Apostolu sira nia Istoria 21:13

Maibee nia hataan, “Nusaa mak imi tanis? Imi halo hau nia laran dodok deit. Maski ema futu hau ka oho hau tanba hau tuir Nai Jesus, hau prontu atu simu.”

Apostolu sira nia Istoria 4:31

Sira sei halo hela orasaun, fatin nebee sira hodi halibur malu ba nee, nakdoko. I Espiritu Santu domina sira, i sira baa foo sai Nai Maromak nia Novidade Diak ho brani.

Roma 12:1

Maun-alin sira, tanba Maromak hatudu ona Nia laran diak mai ita, nunee hau husu ba imi para entrega imi nia aan tomak ba Nia, hanesan sakrífisiu ida nebee sei moris, sakrífisiu ida nebee moos i halo haksolok Maromak nia laran. Ida nee mak dehan imi adora Maromak loloos.

Roma 5:5

Ita nia laran metin nee la halo ita lakon esperansa, tanba Maromak foo ona Nia Espiritu Santu mai ita, nunee ita hatene Maromak nia domin boot teb-tebes mai ita.

Roma 6:13

La bele foo imi nia isin lolon para halo sala, hanesan fali buat nebee ema uza hodi halo sala. Maibee foo imi nia aan tomak ba Maromak, hanesan ema nebee uluk mate tiha ona, maibee agora moris. Nunee entrega imi nia isin lolon ba Nia para Nia uza hodi halo buat nebee mak loos.

Roma 6:19

Hau foo ezemplu loro-loron nian hosi patraun ho atan tanba se lae susar ba imi atu komprende. Uluk imi foo imi nia isin lolon sai atan ba sala, nebee halo imi sai ema moris iha sala, too imi nia hahalok aat aumenta ba bebeik. Agora nee imi tenki foo imi nia isin lolon sai atan ba moris loos nian, too imi sai ema nebee moris ho laran moos.

Roma 8:19

Maromak nia kriasaun hotu-hotu hein hela atu haree Maromak hatudu sai see-see loos mak Nia oan duni.

Roma 9:33

Fatuk nee mak Jesus Kristu. Iha Livru Sagradu, Maromak koalia kona ba Jesus Kristu nunee: “Haree baa! Hau tau hela fatuk ida iha Siaun, iha sidade Jerusalem. Fatuk nee halo ema sidi, i halo sira monu. Maibee see mak fiar ba Jesus, sira sei la moe.”

1 Korintu 15:31

Maun-alin sira, loro-loron hau hasoru perigu ba mate. Iha buat seluk tan: Hau orgulhu tanba imi fiar ba ita nia Nai Kristu Jesus.

1 Korintu 6:20

Maromak sosa kotu ona imi ho folin nebee karun. Nee duni imi tenki uza imi nia isin lolon hodi foti aas Maromak.

1 Korintu 7:34

Nee halo nia hanoin fahe ba rua. Nunee mos feto nebee la iha ona laen ka feto nebee sei feto raan, nia preokupa ba ita nia Nai, nia hakarak foo nia isin ho klamar tomak ba Nai. Maibee feto nebee iha laen, nia preokupa ba moris iha mundu nee, nia hakarak halo haksolok nia laen nia laran.

2 Korintu 10:8

Karik hau gaba aan kona ba kbiit nebee mak ita nia Nai foo mai ami, hau la moe ida. Tanba kbiit nee ami simu atu bele hametin imi nia fiar, laos atu halo rahun imi.

2 Korintu 3:12

Ami laran metin nunee mak ami brani koalia.

2 Korintu 4:10

Ami baa nebee-nebee, sempre lori Jesus nia mate iha ami nia isin lolon, atu nunee ema bele haree Jesus nia moris iha ami nia isin lolon.

2 Korintu 5:15

Kristu mate ba ita hotu, atu ita hotu nebee moris iha mundu nee la bele tuir ona ita nia hakarak rasik. Maibee ita tenki moris tuir Kristu nia hakarak, tanba Kristu mate i moris fila fali ba ita.

2 Korintu 7:14

Molok Tito baa vizita imi, hau konta tiha ona ba nia kona ba imi nia diak. Nia too iha nebaa, nia rasik haree katak buat nebee hau konta ba nia nee loos duni, hanesan mos hau nia liafuan ba imi durante nee sempre loos. Nunee imi la halo moe hau.

2 Korintu 7:4

Hau fiar imi, i imi halo hau orgulhu teb-tebes. Imi hametin hau nia laran. Maski ami hetan susar oi-oin, maibee hau nia laran haksolok liu tanba imi.

Filipi 1:14

Tanba hau iha komarka laran sarani sira barak liu mak laran metin ba Nai Jesus. Agora sira brani liu, i la tauk tan atu foo sai Maromak nia Liafuan.

Filipi 2:17

Tanba imi fiar ba Kristu, imi mos serbii Maromak hodi entrega imi nia aan tomak sai hanesan sakrifisiu ba Nia. Se ema oho hau tanba hau nia fiar, mak hau nia mate sai hanesan sakrifisiu ida hodi foo ba Nai Maromak. Bele nunee mos, hau nia laran haksolok hamutuk ho imi.

Kolose 1:24

Agora dadauk hau terus hela ba imi. Maibee terus nee halo hau nia laran haksolok. Hanesan Kristu terus, nunee mos hau simu terus nebee hau tenki hasoru, atu bele ajuda Kristu nia povu, tanba Nia povu hanesan Nia isin lolon.

1 Tesalonika 5:23

Hau husu Nai Maromak nebee foo paz, atu halo imi moris ho laran moos iha imi nia vida tomak. Hau husu para Nia halo imi nia isin no klamar tomak la iha noda ida, too Nai Jesus fila fali mai.

1 Pedro 4:16

Maibee se imi hetan terus tanba imi sai Kristaun, la bele moe. Diak liu imi hahii Nai Maromak hodi Kristu nia naran.

1 João 2:28

Nee duni, oan doben sira, imi tenki moris laran ida ho Jesus Kristu nafatin, para aban-bainrua Jesus fila fali mai hosi lalehan, ita la tauk i la moe hamriik iha Nia oin.