Filipi 1:19 - Biblia Tetun Dili

¹⁹ tanba hau hatene katak, ho imi nia orasaun mai hau, i Jesus Kristu nia Espiritu nia tulun, iha ikus Maromak sei liberta hau.

Filipi 1:19 Iomraidhean Croise

Apostolu sira nia Istoria 16:7

Bainhira sira too iha fatin ida nebee baliza ho provinsia Mízia, sira buka atu tama ba iha provinsia Bitínia, maibee Nai Jesus nia Espiritu la foo lisensa.

Roma 8:28

Ita hatene katak, ba ita nebee hadomi Maromak, saida mak akontese iha ita nia moris, Maromak uza buat sira nee hotu ba ita nia diak. Maromak bolu ona ita sai Nia ema, tuir Nia planu rasik.

Roma 8:9

Maibee imi laos nunee. Imi la moris tuir imi nia hakarak, maibee moris tuir Espiritu, tanba Maromak nia Espiritu hela iha imi nia laran. See mak la iha Kristu nia Espiritu, ema nee laos Kristu ninian.

1 Korintu 4:17

Tanba nee hau haruka Timóteo baa ajuda imi. Hau hadomi nia hanesan hau nia oan rasik, nia mos ema ida nebee foo laran ba ita nia Nai. Timóteo sei foo hanoin ba imi kona ba hau nia lalaok moris nudar ema nebee tuir Kristu Jesus. Iha hau nia moris nee, hau sempre halo tuir buat nebee mak hau hanorin ba sarani sira iha fatin ba fatin.

2 Korintu 1:11

Imi mos tenki ajuda ami liu hosi imi nia orasaun. I Maromak sei hataan ema barak nia orasaun hodi foo bensaun mai ami. Too ikus ema barak mos sei foo agradese ba Nia.

Galasia 3:5

Nai Maromak foo Nia Espiritu Santu ba imi, i halo milagre iha imi nia leet. Imi hanoin Nia halo nunee tanba imi halo tuir lei relijiaun ka? Lae! Nia halo nunee, tanba imi fiar ba Novidade Diak nebee imi rona tiha ona.

Galasia 4:6

Imi sai ona Nai Maromak nia oan, tanba nee mak Maromak mos haruka Nia Oan nia Espiritu mai tama iha imi nia laran. I Espiritu nee halo imi bolu Nai Maromak, "Abba", nee dehan “Apaa doben”.

Filipi 1:18

Maibee husik deit baa. Ema atu hanorin ho laran moos ka laran makerek, la buat ida, naran katak sira hanorin kona ba Kristu. Ida nee mak halo hau nia laran haksolok. I hau sei haksolok nafatin,

1 Pedro 1:11

Iha momentu nebaa, Kristu nia Espiritu hela iha sira nia laran i foo hatene katak, aban-bainrua Kristu sei hetan terus mak foin Nai Maromak foti aas Nia. Entaun profeta sira buka hatene bainhira loos mak buat sira nee atu akontese i sei akontese oinsaa.