Filipi 1:16 - Biblia Tetun Dili

¹⁶ Sira nebee ho hanoin diak, foo sai kona ba Kristu tanba sira iha domin. Sira hatene katak, Maromak tau hau iha fatin nee para defende Novidade Diak.

Filipi 1:16 Iomraidhean Croise

1 Korintu 9:17

Se hau rasik mak hakarak foo sai Novidade Diak nee, entaun hau bele hein atu simu hau nia direitu. Maibee Maromak mak foo fiar mai hau atu halao serbisu nee. Nunee hau la hein atu simu buat ida, tanba hau halo tuir deit buat nebee mak Nia foo mai hau.

2 Korintu 2:17

Iha mestri barak mak hanorin Maromak nia liafuan ho objetivu atu manaan osan deit. Maibee ami la hanesan sira. Ami nee hanorin ho laran moos hodi Kristu nia naran, tanba Maromak mak haruka ami, i Nia haree hela ami.

Filipi 1:10

Nunee imi bele hili saida mak diak hodi moris loos, atu bainhira Kristu fila fali mai, Nia bele dehan, imi la iha sala ida.

Filipi 1:12

Maun-alin sira, hau hakarak atu imi hatene katak, maski ema halo terus hau, maibee hau nia terus nee halo ema barak liu tan fiar ba Nai Jesus nia Novidade Diak.

Filipi 1:5

tanba hosi loron primeiru imi simu Maromak nia Novidade Diak too agora, imi ajuda hau hodi foo sai Novidade Diak nee.

Filipi 1:7

Hau senti nunee, tanba imi iha hau nia fuan-laran. Maromak foo fiar ba imi atu serbisu hamutuk ho hau. Bainhira Hau defende Nia Novidade Diak hodi hatudu ba ema katak Liafuan nee loos, imi sempre halo parte iha serbisu nee. Bainhira hau iha komarka laran mos, imi halo parte nafatin.

Filipi 2:22

Maibee imi rasik hatene, Timóteo serbisu makaas hodi foo sai Nai Jesus nia Novidade Diak. Nia serbisu hamutuk ho hau, hanesan oan ida serbisu ho nia aman.

Filipi 4:15

Uluk mos, bainhira imi foin simu Nai Jesus nia Novidade Diak, i hau sai hosi provinsia Masedónia, so imi iha sidade Filipi deit mak foo ajuda mai hau. Sarani sira seluk lae. Maibee imi hatene ona istoria nee.

Filipi 4:3

Hau nia kolega serbisu nebee hau konfia, hau husu o ajuda hela senhora nain rua nee para diak malu. Tanba uluk sira nain rua serbisu makaas ajuda hau hodi foo sai Maromak nia Novidade Diak, hamutuk ho Clemente ho kolega sira seluk. Sira hotu nia naran, Maromak hakerek tiha ona iha livru ema moris rohan-laek nian.