Filipi 1:15 - Biblia Tetun Dili

¹⁵ Iha duni ema balu foo sai kona ba Kristu ho hanoin nebee diak, maibee iha mos balu halo nunee tanba sira laran moras hau i hakarak ema tuir deit sira.

Filipi 1:15 Iomraidhean Croise

Mateus 23:5

Serbisu saida deit mak sira halo, so hodi hatudu ba ema seluk haree i gaba. Ezemplu, sira hakerek Maromak nia Liafuan taka ba sira nia reen toos i suku fita iha sira nia batina tutun tuir lei Moisés nian.

Apostolu sira nia Istoria 10:36

Imi hatene novidade nebee mak Nai Maromak foo sai ona ba ami ema Israel. Novidade Diak nee katak Nia haruka ona Jesus Kristu mai, hodi halo dame ema ho Nai Maromak. I Nia mak ema hotu-hotu nia Nai.

Apostolu sira nia Istoria 11:20

Maski nunee, iha mos ema sarani balu hosi ilha Xipre ho hosi sidade Sirene, nebee baa iha sidade Antiokia. Sira mos foo sai Nai Jesus nia Novidade Diak ba ema nebee laos Judeu.

Apostolu sira nia Istoria 5:42

I loro-loron sira baa hanorin ema dehan, “Ema ida nebee Nai Maromak hili ona nee, mak Jesus.” Sira baa foo sai iha Uma Kreda Boot laran ho mos iha uma ba uma.

Apostolu sira nia Istoria 8:35

Entaun Filipe esplika ba nia Nai Jesus nia Novidade Diak, hahuu hosi Isaias nia hakerek ohin nee.

Apostolu sira nia Istoria 8:5

Iha tempu nee, Filipe baa iha sidade ida iha provinsia Samaria hodi foo hatene ba ema sira iha nebaa kona ba Ema ida nebee Nai Maromak hili ona.

Apostolu sira nia Istoria 9:20

Nia baa kedas tama-sai ema Judeu sira nia uma kreda, hodi foo sai ba sira dehan, “Jesus nee Nai Maromak nia Oan duni.”

Roma 2:8

Maibee iha mos ema balu mak hanoin sira nia aan deit, i lakohi halo tuir buat nebee loos, sira halo aat hela deit. Ba sira nee Maromak sei hirus teb-tebes too foo kastigu todan.

1 Korintu 1:23

Maibee ami nee foo sai deit kona ba Kristu nia mate iha krus. Kristu nee Ema ida nebee Maromak promete ona hori uluk kedas atu haruka mai salva ita ema. Kristu nia mate nee hanesan fatuk ida nebee halo ema Judeu monu. I ba ema Gregu, buat nee la tama sira nia ulun.

1 Korintu 13:3

Se karik hau fahe hau nia rikusoin tomak ba ema kiak, ka entrega hau nia aan ba ema sunu motuk, maibee hau la iha domin, hau la iha folin ida.

2 Korintu 1:19

Tanba bainhira Maromak nia Oan Jesus Kristu dehan “Loos”, Nia sempre halo tuir, laos ibun dehan “Loos”, laran dehan “La loos.” Kristu nee mak durante nee hau, Silas ho Timóteo foo sai tiha ona ba imi.

2 Korintu 11:13

Tanba ema sira nee apostolu falsu, sira bosok dehan Maromak mak haruka, sira finji halao Maromak nia serbisu, i sira halo aan hanesan fali Kristu nia apostolu.

2 Korintu 12:20

Hau tauk, bainhira hau baa iha nebaa, imi nia hahalok la monu ba hau nia laran, i hau nia hahalok mos la monu ba imi nia laran. Hau tauk imi istori malu hela, laran moras malu, hirusdor, hanoin imi nia aan deit, hatete aat ema, konta aat ema nia vida, foti aan i halo rungu-ranga.

2 Korintu 4:5

Ami haklaken katak Jesus Kristu mak Nai. Ami laos haklaken kona ba ami nia aan rasik, ami so dehan deit katak ami nee imi nia atan tanba ami serbii Jesus.

Galasia 2:4

Maibee iha tempu nee, iha sarani balu la konkorda tanba sira nia hanorin oin seluk. Ema sira nee finju fiar ba Jesus hodi tama iha sarani sira nia leet. Sira nee obriga kristaun sira nebee laos Judeu hodi halo tuir ema Judeu nia lei relijiaun hotu. Afinal, Jesus Kristu foo ona liberdade mai ita. Nee mak ita la moris tan tuir regra sira nee, hanesan atan ba lei relijiaun Judeu.

Filipi 2:3

La bele halo saida deit hodi buka diak ba imi nia aan. La bele foti aan, maibee tenki haraik aan hodi konsidera ema seluk diak liu fali imi.

1 Timóteo 3:16

Segredu nebee Maromak foo sai ona mai ita kona ba Jesus Kristu, diak teb-tebes. Segredu nee mak nee: Jesus Kristu fila aan sai ema. Maromak nia Espiritu hatudu katak, Jesus nee loos duni. Maromak nia anju sira mos haree Nia. Ema foo sai kona ba Nia too iha nasaun-nasaun. Iha mundu tomak, ema fiar ona ba Nia. Nai Maromak hasae ona Nia ba lalehan hodi foti aas Nia naran.