Filipi 1:12 - Biblia Tetun Dili

¹² Maun-alin sira, hau hakarak atu imi hatene katak, maski ema halo terus hau, maibee hau nia terus nee halo ema barak liu tan fiar ba Nai Jesus nia Novidade Diak.

Filipi 1:12 Iomraidhean Croise

Ester 9:1

Tuir mai, iha loron 7 fulan Marsu iha orden rua mak iha liurai nia naran, nebee legal iha loron nee. Nunee iha loron nee ema Judeu nia inimigu sira laran metin katak sira bele halo rahun ema Judeu sira. Afinal iha loron nee, sai oin seluk fali, tan loron nee nakfilak sai fali loron nebee ema Judeu sira halakon sira nia funu maluk sira.

Lucas 21:13

Nunee imi hetan oportunidade diak para foo sai ba sira kona ba Hau.

Apostolu sira nia Istoria 8:4

Maski sarani sira halai namkari tanba ema halo terus sira, maibee sira foo sai nafatin Nai Jesus nia Novidade Diak ba ema iha fatin-fatin.

Roma 8:28

Ita hatene katak, ba ita nebee hadomi Maromak, saida mak akontese iha ita nia moris, Maromak uza buat sira nee hotu ba ita nia diak. Maromak bolu ona ita sai Nia ema, tuir Nia planu rasik.

Roma 8:37

Maski ita hetan susar nunee, ita manaan liu dook ona, tanba Kristu hadomi teb-tebes ita.

Filipi 1:5

tanba hosi loron primeiru imi simu Maromak nia Novidade Diak too agora, imi ajuda hau hodi foo sai Novidade Diak nee.

Filipi 1:7

Hau senti nunee, tanba imi iha hau nia fuan-laran. Maromak foo fiar ba imi atu serbisu hamutuk ho hau. Bainhira Hau defende Nia Novidade Diak hodi hatudu ba ema katak Liafuan nee loos, imi sempre halo parte iha serbisu nee. Bainhira hau iha komarka laran mos, imi halo parte nafatin.

Filipi 2:22

Maibee imi rasik hatene, Timóteo serbisu makaas hodi foo sai Nai Jesus nia Novidade Diak. Nia serbisu hamutuk ho hau, hanesan oan ida serbisu ho nia aman.

Filipi 4:15

Uluk mos, bainhira imi foin simu Nai Jesus nia Novidade Diak, i hau sai hosi provinsia Masedónia, so imi iha sidade Filipi deit mak foo ajuda mai hau. Sarani sira seluk lae. Maibee imi hatene ona istoria nee.

Filipi 4:3

Hau nia kolega serbisu nebee hau konfia, hau husu o ajuda hela senhora nain rua nee para diak malu. Tanba uluk sira nain rua serbisu makaas ajuda hau hodi foo sai Maromak nia Novidade Diak, hamutuk ho Clemente ho kolega sira seluk. Sira hotu nia naran, Maromak hakerek tiha ona iha livru ema moris rohan-laek nian.

1 Timóteo 2:8

Bainhira sarani sira halibur malu hodi halo orasaun iha nebee-nebee deit, hau foo atensaun ba mane sira tenki diak malu. La bele hirus malu, la bele istori malu. Bainhira imi halo orasaun, imi nia laran tenki moos.

2 Timóteo 2:9

Tanba hau foo sai Novidade Diak nee mak hau hetan terus, too ema kesi tan hau ho korenti hanesan fali ema nebee halo krimi. Maibee Nai Maromak nia liafuan, ema ida la bele kesi.

2 Timóteo 4:17

Bele nunee mos, Nai Jesus hamriik iha hau nia sorin hodi foo forsa mai hau, para hau bele foo sai Novidade Diak hotu. Nunee sira nebee laos ema Judeu mos bele rona. I Maromak mos hasai hau hosi liaun nia ibun.