Filipi 1:10 - Biblia Tetun Dili

¹⁰ Nunee imi bele hili saida mak diak hodi moris loos, atu bainhira Kristu fila fali mai, Nia bele dehan, imi la iha sala ida.

Filipi 1:10 Iomraidhean Croise

Jenesis 20:5

Abraão rasik mak dehan, Sara nee nia alin, i feto nee mos hatete nunee. Tanba nee, hau haruka ema baa lori nia mai ho laran moos, i la halo sala buat ida. “

Mateus 16:23

Maibee Jesus fila ba Pedro hodi siak fali nia dehan, “Satanás, sai tiha hosi nee! O atu taka dalan fali mai Hau! O nia hanoin nee laos mai hosi Maromak, maibee mai hosi ema nia hanoin.”

Mateus 26:33

Pedro hataan, “Maski sira hotu fiar nakdoko i halai namkari tanba sira haree saida mak akontese ba Ita Boot, hau sei la halai duni.”

João 1:47

Bainhira Natanael lao mai, Jesus haree nia, i dehan kedas, “Nia nee ema laran moos! Iha nia laran, la iha bosok. Nia, ema Israel isin!”

João 3:20

Ema hotu nebee halo buat aat, odi naroman nee. Tan naroman nee hatudu momoos sira nia hahalok aat.

Apostolu sira nia Istoria 24:16

Nee mak hau sempre hakaas aan atu bele moris ho laran moos iha Nai Maromak nia oin ho mos iha ema nia oin.

Roma 12:2

La bele halo tuir ema iha mundu nee nia hahalok. Maibee husik Maromak halo foun imi nia hanoin hodi muda imi nia laran. Nunee imi bele hatene loloos Maromak nia hakarak ba imi. Maromak nia hakarak nee buat nebee diak, loos i halo Nia laran haksolok.

Roma 12:9

Hatudu imi nia domin loloos ba ema seluk, la bele finji. Odi buat nebee aat, kaer metin buat nebee diak.

Roma 16:17

Maun-alin sira, hau husu atu imi kuidadu teb-tebes ho ema sira nebee kontra fali hanorin nebee imi simu tiha ona. Sira nee hakarak halo imi sarani sira fahe malu i halo imi nia fiar nakdoko. Nunee hadook aan hosi ema sira hanesan nee.

Roma 2:18

Imi hatene Maromak nia hakarak, i hatene saida mak diak liu, tanba mestri sira hanorin ona ba imi hosi Maromak nia lei.

Roma 7:16

Maibee se hau hatene katak buat nebee hau halo nee sala, nee hatudu katak hau konkorda dehan Maromak nia lei nee diak.

Roma 7:22

Hau nia laran haksolok teb-tebes ho Maromak nia lei,

Roma 8:7

Ita ema nia hakarak sempre sai inimigu ho Maromak, tanba nia la hakruuk ba Maromak nia lei, i nee la bele duni.

1 Korintu 1:8

Maromak sei hametin imi nia fiar too rohan. Nunee, bainhira ita nia Nai Jesus Kristu fila fali mai hodi tesi ema hotu-hotu nia lia, la iha ema ida sei foo sala ba imi.

1 Korintu 10:32

La bele halo ema seluk monu ba sala. Atu ema Judeu, ka ema gregu, ka Maromak nia povu, la bele sai fatuk sidi ba sira.

1 Korintu 8:13

Entaun, se naan nebee hau haan nee halo hau sai fali fatuk sidi ba hau nia maluk, hau prontu atu la haan naan tan. Tanba hau lakohi halo hau nia maluk monu.

2 Korintu 1:12

Ami orgulhu, tanba ami hatene katak buat nebee ami halo iha mundu nee, liu-liu iha imi nia leet, ami halo ho loloos ho laran moos, tanba Maromak tulun ami halo nunee. Ami la uza ema nia matenek, maibee Maromak nia grasa mak serbisu iha ami.

2 Korintu 2:17

Iha mestri barak mak hanorin Maromak nia liafuan ho objetivu atu manaan osan deit. Maibee ami la hanesan sira. Ami nee hanorin ho laran moos hodi Kristu nia naran, tanba Maromak mak haruka ami, i Nia haree hela ami.

2 Korintu 6:3

Ami hakaas aan atu ami nia hahalok la bele halo ema seluk monu, atu nunee ema la bele hatete aat ami nia serbisu.

2 Korintu 8:8

Hau laos manda imi atu halo ida nee. Maibee hau hakarak kompara imi ho sarani sira seluk nebee badinas ajuda, atu nunee hau bele hatene imi nia domin ba ema seluk too iha nebee.

Galasia 5:11

Maun-alin sira, se karik hau hanorin nafatin katak, ema tenki sunat, entaun ema Judeu sei la halo hau terus hanesan agora nee, i hau nia hanorin kona ba Jesus nia mate iha krus mos, la halo sira hirus.

Efezu 4:15

Maibee ita so koalia lia loos hodi hatudu domin ba malu. Se ita halo nunee, neneik-neneik ita sai hanesan Kristu iha ita nia moris tomak. Kristu nee mak ita nia Ulun.

Efezu 5:10

Hakaas aan buka hatene oinsaa mak imi bele halo haksolok Nai Maromak nia laran.

Efezu 5:27

Kristu halo nunee para Nia igreja sai hanesan feto-raan ida ke kapaas teb-tebes iha Nia oin, nebee la iha foer ka noda, maibee laran moos i la iha sala.

Efezu 6:24

Hau mos harohan atu Maromak hatudu Nia grasa ba ema hotu-hotu nebee hadomi ita nia Nai Jesus Kristu ho domin ida nebee rohan laek.

Filipi 1:16

Sira nebee ho hanoin diak, foo sai kona ba Kristu tanba sira iha domin. Sira hatene katak, Maromak tau hau iha fatin nee para defende Novidade Diak.

Filipi 1:6

Nai Maromak hahuu ona halo serbisu diak iha imi. I hau laran metin katak, Nia sei kontinua nafatin too Nia serbisu nee hotu iha loron nebee Kristu Jesus fila fali mai hosi lalehan.

Filipi 2:16

Hatoo ba sira, Maromak nia Liafuan nebee foo moris. Se imi halo nunee, entaun aban-bainrua bainhira Jesus Kristu fila fali mai, hau nia laran sei haksolok, tanba hau nia serbisu ho hau nia kolen la saugati.

1 Tesalonika 3:13

Ami husu para Nai Maromak hametin imi nia laran. Nunee bainhira Nai Jesus fila fali mai ho povu nebee santu, imi bele hamriik iha ita nia Aman Maromak nia oin ho laran moos, i la iha ema ida foo sala ba imi.

1 Tesalonika 5:21

Imi tenki tetu didiak liafuan nee hotu hodi hatene, mai hosi Nai Maromak ka lae. Se loos duni, tenki simu.

1 Tesalonika 5:23

Hau husu Nai Maromak nebee foo paz, atu halo imi moris ho laran moos iha imi nia vida tomak. Hau husu para Nia halo imi nia isin no klamar tomak la iha noda ida, too Nai Jesus fila fali mai.

1 João 4:1

Maluk doben sira, se ema ruma mai dehan, nia iha Nai Maromak nia Espiritu, keta tuir lai. Imi tenki koko uluk para hatene, espiritu nebee sira iha nee mai duni hosi Nai Maromak ka lae. Tanba iha mundu nee iha profeta falsu barak ona.

Apokalipse 2:2

Hau hatene buat hotu-hotu nebee imi halo: Hau hatene imi serbisu makaas hodi serbii Nai Maromak, i imi aguenta ho pasiensia iha terus nia laran. Hau mos hatene imi la simu ema aat iha imi nia leet. Se iha ema ruma mai lohi imi dehan, sira Hau nia apostolu, imi sempre koko sira i deskobre katak sira bosok.