Filipi 1:1 - Biblia Tetun Dili

¹ Surat nee hosi Paulo ho Timóteo, Kristu Jesus nia atan. Ami haruka surat nee ba Maromak nia povu santu iha sidade Filipi nebee laran ida ho Jesus Kristu, ba presbiteru sira, ho mos ba diakonu sira.

Filipi 1:1 Iomraidhean Croise

Marcos 13:34

La kleur tan, Hau husik hela imi ona, maibee Hau sei fila fali mai. Hanesan ema ida baa rai dook. I nia haruka nia ema uma laran tau matan ba nia uma nee. I nia fahe serbisu ba ema ida-idak. I nia foo orden ba ema seguransa atu hein uma nee didiak too nia fila.

João 12:26

Ema nebee hakarak serbii Hau, nia tenki tuir Hau nafatin. Hau baa iha nebee deit, Hau nia atan sira mos iha nebaa. Ema nebee serbii Hau maka Hau nia Aman iha lalehan respeita nia.”

Apostolu sira nia Istoria 1:20

Pedro koalia tan, “Hori uluk liurai David hakerek ona iha livru Salmus kona ba Judas, dehan, ‘Nia hela fatin nee sei sai fuik; la iha ema ida hela tan iha nebaa.’ Nia mos hakerek dehan, ‘Nia knaar nee, sei foo ba ema seluk.’

Apostolu sira nia Istoria 20:28

Nee duni imi tenki kuidadu didiak ho imi nia moris, ho haree didiak Maromak nia povu. Espiritu Santu haruka imi tau matan ba sira hanesan bibi atan ida hein nia bibi. La bele haluha katak, Nai Jesus mate ona hodi sosa kotu ema sira nee ho Nia raan.

Apostolu sira nia Istoria 9:13

Ananias hataan dehan, “Maibee Nai, ami rona ona ema konta baa-mai dehan, ema nee sempre halo terus Ita Boot nia ema sira iha Jerusalém.

Roma 1:1

Surat nee hosi hau, Paulo. Hau Kristu Jesus nia atan. Maromak mak hili hau sai Jesus nia apostolu no haketak hau hodi foo sai Nia Novidade Diak.

Roma 1:7

Hau haruka surat nee ba imi. Maromak hadomi imi, i hili ona imi sai Nia povu santu. Hau harohan para ita nia Aman Maromak ho mos ita nia Nai Jesus Kristu hatudu Sira nia grasa ba imi, no foo paz ho hakmatek ba imi.

1 Korintu 16:10

Bainhira Timóteo baa iha imi, simu nia ho diak atu nia la bele senti tauk iha imi nia klaran, tanba nia serbisu ba ita nia Nai Jesus, hanesan mos hau.

2 Korintu 1:1

Surat nee hosi hau, Paulo, hamutuk ho ita nia maluk sarani Timóteo. Maromak foti hau sai Kristu Jesus nia apostolu. Ami haruka surat nee ba imi, Maromak nia povu santu iha sidade Korintu ho mos sarani sira hotu iha provinsia Akaia.

Galasia 1:10

Hau koalia hanesan nee, atu ema bele gaba hau ka? Lae! Hau hakarak atu halo haksolok Maromak nia laran, laos atu halo haksolok ema nia laran. Se hau buka atu ema gaba hau karik, entaun hau laos Kristu nia atan.

Galasia 3:26

Agora imi hotu-hotu sai ona Nai Maromak nia oan, tanba imi fiar ba Kristu Jesus.

Galasia 3:28

Imi hotu-hotu nebee fiar ba Kristu Jesus sai ona ida ho Nia. Nunee, atu imi ema Judeu ka laos ema Judeu, atan ka ema livre, mane ka feto, imi hotu ida deit iha Kristu Jesus.

Efezu 1:1

Surat nee hosi hau, Paulo. Maromak rasik mak foti hau sai Nai Kristu Jesus nia apostolu. Hau hakerek surat nee ba imi, Maromak nia povu santu, iha sidade Efezu. Imi laran ida ho Kristu Jesus i fiar metin nafatin ba Nia.

Efezu 1:15

Maun-alin sira, hau rona dehan, imi fiar metin ba Nai Jesus i hadomi Maromak nia povu santu hotu. Bainhira hau rona nunee,

Efezu 6:24

Hau mos harohan atu Maromak hatudu Nia grasa ba ema hotu-hotu nebee hadomi ita nia Nai Jesus Kristu ho domin ida nebee rohan laek.

Filipi 2:19

Hau hein katak, la kleur tan Nai Jesus foo dalan atu hau haruka Timóteo baa iha imi. Bainhira nia fila fali mai, nia bele konta mai hau kona ba imi, hodi halo hau nia laran haksolok.

Filipi 2:5

Imi tenki haraik aan hanesan Kristu Jesus.

Filipi 3:12

Hau laos dehan katak, hau hetan ona buat sira nee ka hau moris loos ona. Maibee hau hakaas aan nafatin hodi moris tuir Kristu Jesus nia hakarak, tanba ho objetivu nee mak Nia hili hau hodi tuir Nia.

Filipi 3:3

Afinal ita nebee adora Maromak hodi Nia Espiritu nia tulun, mak sunat loloos. Ita foti aas Kristu Jesus nia naran, i ita la depende ba saida deit mak ita ema halo.

Filipi 3:8

Ida nebee hau konsidera folin boot liu mak nee: Hau bele konhese Kristu Jesus hau nia Nai. Buat sira seluk, hau husik tiha ona, i konsidera hanesan lixu deit, para hau bele besik liu Kristu,

1 Tesalonika 1:1

Surat nee hosi hau, Paulo, ho hau nia kolega Silas ho Timóteo. Ami hatoo kumprimentus ba sarani sira iha sidade Tesalónika. Imi laran ida ho Aman Maromak ho Nai Jesus Kristu. Grasa no paz hosi Aman Maromak hamutuk ho imi hotu.

1 Tesalonika 2:2

Imi mos hatene, bainhira ami seidauk baa iha nebaa, ema iha sidade Filipi halo terus ho hatete aat ami. Maibee Maromak foo brani mai ami para bele foo sai Nia Novidade Diak ba imi, maski ema barak kontra makaas.

2 Tesalonika 1:1

Surat nee hosi hau, Paulo, ho hau nia kolega Silas ho Timóteo. Ami hatoo kumprimentus ba kristaun sira iha sidade Tesalónika. Imi laran ida ho ita nia Aman Maromak ho Nai Jesus Kristu.

2 Tesalonika 1:10

Buat sira nee sei akontese bainhira Jesus fila fali mai. Nia povu sei foti aas Nia naran, i ema hotu-hotu nebee fiar ba Nia sei adora Nia. Imi mos sei halo parte, tanba imi simu ona Nai Maromak nia Novidade Diak, nebee uluk ami foo sai ona ba imi.

1 Timóteo 1:2

Timóteo, o hanesan hau nia oan rasik, tanba hau hatudu dalan para o fiar ba Kristu Jesus. Hau harohan atu ita nia Aman Maromak ho Kristu Jesus ita nia Nai, hatudu Sira nia grasa ba o, hadomi o, i foo paz ba o.

1 Timóteo 3:8

Nunee mos ho diakonu sira nebee ajuda Maromak nia povu. Nia tenki ema nebee ema respeita, la bele bosok-teen, la bele lanu teen, i la bele han-matak ema.

Tito 1:1

Tito mak hau hadomi. Surat nee hosi hau, Paulo, Nai Maromak nia atan ho Jesus Kristu nia apostolu. Nai Maromak haruka hau tau matan ba ema sira nebee Nia hili ona hodi sai Nia povu, para sira bele fiar metin liu tan ba Nia. Maromak mos haruka hau hanorin lia loos ba sira atu sira hatene moris tuir Nia hakarak.

Tito 1:7

Tanba nudar presbiteru nebee toma konta Maromak nia serbisu maka nia tenki moris loos para ema la hatudu liman ba nia. La bele foti aan. La bele hirus-door, lanu-teen, baku-door, i la onestu ho osan.

Filemon 1:1

Surat nee hosi hau, Paulo, hamutuk ho ita nia irmaun Timóteo. Hau dadur hela iha komarka laran tanba hau tuir Kristu Jesus. Ami hakerek surat nee ba ami nia belun diak Filemon nebee serbii Nai Maromak hanesan ami.

Ebreu 13:23

Hau hakarak foo hatene ba imi katak ita nia maluk Timóteo sai tiha ona hosi komarka. Se nia too mai iha tempu badak, entaun hau sei lori nia baa vizita imi.

Tiago 1:1

Hau Tiago, Nai Maromak ho Nai Jesus Kristu nia atan. Kumprimentus ba imi ema Judeu sira nebee tuir Nai Jesus nebee namkari iha fatin-fatin.

1 Pedro 2:25

Uluk imi hanesan bibi malae nebee mak lao sala dalan. Maibee agora imi fila fali ona ba imi nia Bibi Atan, i Nia mak tau matan ba imi.

2 Pedro 1:1

Surat nee hosi hau, Simão Pedro, nudar Jesus Kristu nia atan ho mos Nia apostolu. Hau hakerek surat nee ba imi nebee simu tiha ona fiar ida ke folin boot, hanesan mos ami. Imi simu fiar nee tanba Jesus Kristu sempre halo buat nebee mak loos. Nia mak ita nia Maromak ho ita nia Salvador.

Judas 1:1

Surat nee hosi hau, Judas, nudar Jesus Kristu nia atan ho Tiago nia alin. Hau hakerek surat nee ba imi nebee Maromak bolu tiha ona para sai Nia ema. Aman Maromak hadomi imi i Jesus Kristu sempre kuidadu imi.

Apokalipse 1:1

Iha livru nee hakerek kona ba buat nebee mak la kleur tan sei akontese. Nai Maromak foo hatene ona buat sira nee ba Jesus Kristu para foo sai ba ema sira nebee serbii Nai Maromak. Tuir mai, Jesus Kristu haruka Nia anju ida foo tutan mai hau, João, Maromak nia atan.

Apokalipse 1:20

Ohin o haree fitun hitu iha Hau nia liman kwana, ho ahi-oan riin osan mean hitu. Nia signifikadu mak nee: ahi-oan riin sira nee mak sarani sira iha sidade hitu. I fitun hitu nee mak anju hitu nebee tau matan ba sira.”

Apokalipse 19:10

Tuir mai hau hakneak i hakruuk too rai iha anju nee nia oin atu adora nia, maibee nia bandu dehan, “La bele! Adora mak Maromak deit! Tanba hau nee Maromak nia atan hanesan mos o ho o nia maluk sira seluk nebee foo sai nafatin Jesus nia hanorin. Tanba ita hotu hetan kbiit hosi Maromak nia Espiritu para ita foo sasin kona ba Jesus.”

Apokalipse 2:12

Depois Ema nee hatete mai hau, “Hakerek hanesan nee ba sarani sira iha sidade Pérgamu: ‘Hau mak kaer surik oin-kotuk kroat hotu. Hau nia lia menon mak nee:

Apokalipse 2:8

Depois Ema nee hatete mai hau, “Hakerek hanesan nee ba sarani sira iha sidade Esmirna: ‘Hau mak huun ho rohan. Uluk Hau mate tiha ona maibee agora Hau moris fali ona. Hau nia lia menon mak nee:

Apokalipse 22:9

Maibee anju nee bandu hau dehan, “La bele! Adora mak Maromak deit! Tanba hau nee Maromak nia atan hanesan mos o ho o nia maluk profeta sira seluk ho mos ema hotu-hotu nebee halo tuir liafuan iha livru nee.”