Filemon 1:7 - Biblia Tetun Dili

⁷ Irmaun hadomi Maromak nia povu santu hodi halo sira nia laran haksolok. Hahalok nee halo hau nia laran mos haksolok teb-tebes, i foo forsa mai hau.

Filemon 1:7 Iomraidhean Croise

1 Korintu 16:18

Sira hametin hau nia laran, hanesan mos sira hametin imi nia laran. Imi tenki respeita ema sira hanesan nee.

2 Korintu 7:13

Buat sira nee hotu hametin ami nia laran. Laos nee deit, maibee ami mos haksolok teb-tebes bainhira ami haree Tito fila mai ho kontenti tanba imi haree nia diak hodi halo kamaan nia laran.

2 Korintu 7:4

Hau fiar imi, i imi halo hau orgulhu teb-tebes. Imi hametin hau nia laran. Maski ami hetan susar oi-oin, maibee hau nia laran haksolok liu tanba imi.

1 Tesalonika 1:3

Ami sempre hatoo ba ita nia Aman Maromak katak, imi serbisu makaas tanba imi fiar ba Nai Jesus, i badinas ajuda ema seluk tanba hadomi sira. I bainhira ema halo terus imi, imi aguenta nafatin ho pasiensia tanba imi laran metin ba Nai Jesus.

1 Tesalonika 2:13

Iha tan buat ida nebee halo ami sempre agradese ba Nai Maromak. Bainhira ami foo sai Maromak nia liafuan ba imi, imi rona i simu liafuan nee, laos nudar ema nia liafuan, maibee nudar Nai Maromak nia liafuan. Liafuan nee mak halo serbisu iha imi sarani sira nia moris hodi halo imi tuir Maromak nia hakarak.

1 Tesalonika 2:19

Ami hakarak baa haree fali imi, tanba bainhira Nai Jesus fila fali mai hosi lalehan, imi mak sei halo ami haksolok ho laran metin iha Nia oin. Tanba imi sai hanesan prémiu nebee hatudu katak ami manaan tiha ona.

1 Tesalonika 3:9

Ami agradese barak ba Nai Maromak ho laran haksolok, tanba imi fiar nafatin ba Nia.

2 Timóteo 1:16

Maibee Onesiforu lae. Nunee hau harohan ba Nai Maromak para hatudu Nia laran diak ba Onesiforu ho nia familia tomak. Tanba nia mai vizita hau bebeik iha kadeia, hodi hametin hau nia laran. Nia la moe maski hau ema dadur.

Filemon 1:20

Entaun irmaun, halo ida nee para ajuda hau, tanba ita nain rua laran ida ona ho ita nia Nai Jesus Kristu. Nunee ita sei halo hau nia laran haksolok.

2 João 1:4

Hau haksolok teb-tebes, tanba hau rona katak senhora nia oan balu moris tuir lia loos, tuir duni ukun fuan nebee Aman Maromak foo mai ita.