Filemon 1:6 - Biblia Tetun Dili

⁶ Senhor nia fiar nee halo ita moris neon ida laran ida ho sarani sira seluk. Hau harohan atu liu hosi imi nia domin nee, imi bele komprende klean liu tan bensaun hotu-hotu nebee Maromak foo mai ita tanba ita laran ida ho Kristu.

Filemon 1:6 Iomraidhean Croise

Mateus 25:16

Atan ida nebee simu osan mean atus lima nee, sai baa fila liman kedas, i nia manaan tan osan mean atus lima.

Mateus 5:16

Imi nia moris mos tenki nunee, imi tenki sai naroman ba ema seluk atu nunee sira bele haree buat diak nebee imi halo. Nunee sira sei hahii imi nia Aman iha lalehan.”

1 Korintu 14:25

Depois buat nebee nia subar iha nia fuan laran, nia sei foo sai hotu. Too ikus nia hakneak hodi adora Maromak no dehan, “Loos duni! Maromak iha imi nia klaran!”

1 Korintu 16:9

Tanba odamatan nakloke mai hau atu halao Maromak nia serbisu iha nee ho diak, maski ema barak kontra hau.

Filipi 4:8

Entaun, maun-alin sira, imi tenki kuidadu didiak imi nia hanoin. Hanoin bebeik kona ba buat nebee loos, ho buat nebee iha valór. Hanoin kona ba buat diak nebee halo haksolok Maromak nia laran ho buat furak nebee foo ksolok ba ema. Saida deit mak diak loos i saida deit mak ita bele gaba, nee mak imi tenki hanoin.

Kolose 1:9

Tanba nee, hahuu hosi loron primeiru nebee ami rona kona ba imi, ami halo orasaun bebeik ba imi. Ami husu ba Nai Maromak atu foo ba imi matenek espiritual no konhesimentu kompletu nebee loos tuir Maromak nia hakarak.

Tito 3:14

Ita nia maluk sarani sira tenki aprende hakaas aan halo diak ba ema, hodi ajuda ema nebee presiza duni. Ho nunee sarani sira nia moris sei hetan fuan.

Ebreu 6:10

Nai Maromak nee sempre halo buat nebee loos. Nia sei la haluha imi nia kolen ho imi nia domin ba Nia, tanba hori uluk too agora, imi tulun Maromak nia povu, nee hatudu katak imi mos hadomi Maromak.

Tiago 2:14

Maun-alin sira, se imi fiar ba Maromak, maibee imi la hatudu imi nia fiar ho hahalok diak, fiar hanesan nee la iha folin i la salva imi.

Tiago 2:17

Nunee mos ho fiar. Se ita nia fiar la hatudu hahalok diak, fiar hanesan nee mate ona.

1 Pedro 2:12

Imi tenki hakaas aan para moris loos iha ema nebee laos judeu sira nia leet. Nunee, se sira duun matak imi, sira bele haree deit imi nia hahalok diak, i bainhira Jesus fila fali mai hosi lalehan, ema sira nebee laos judeu sira sei foti aas Nai Maromak nia naran.

1 Pedro 3:1

Hanesan ita hotu tenki hakruuk ba ita nia ukun nain sira, nunee mos imi feen sira tenki hakruuk ba imi nia laen. Nunee se imi nia laen sira la fiar ba Maromak nia liafuan karik, sira bele haree imi nia moris nebee hatudu laran diak ho respeitu. Too ikus sira mos bele fiar, laos hosi imi nia liafuan, maibee hosi imi nia hahalok nee.

1 Pedro 3:16

Imi nia laran tenki moos. Karik ema balu koalia aat imi hodi kritika buat diak nebee mak imi halo tanba imi tuir Kristu. Maibee se imi halo diak nafatin, too ikus sira rasik moe ba sira nia liafuan nee.

2 Pedro 1:8

Se hahalok diak sira nee hotu buras ba bebeik iha imi nia moris, entaun imi sei konhese diak liu tan ita nia Nai Jesus Kristu, i imi nia moris iha folin i la saugati.