Filemon 1:24 - Biblia Tetun Dili

²⁴ Marcos, Aristarco, Demas, ho Lucas serbisu hamutuk ho hau, i sira mos foo kumprimentus.

Filemon 1:24 Iomraidhean Croise

Apostolu sira nia Istoria 12:12

Tuir mai, Pedro baa iha João Marcos nia inan Maria nia uma. Iha nebaa, ema barak halibur hamutuk halo hela orasaun, husu ba Nai Maromak tulun Pedro.

Apostolu sira nia Istoria 12:25

Bainhira Barnabé ho Saulo lori tiha ona sarani Antiokia sira nia oferta ba Jerusalém, sira fila fali ba Antiokia, lori ho ema ida naran João, nebee ema bolu mos Marcos.

Apostolu sira nia Istoria 13:13

Hosi sidade Pafos, Paulo ho nia kolega sira sae roo hodi baa iha Perge, iha provinsia Panfília. Too iha nebaa, sira tuun hosi roo, i João Marcos lao husik hela sira, hodi fila ba Jerusalém.

Apostolu sira nia Istoria 19:29

Rona ema hakilar-hakilar nunee, ema halai mai hosi fatin-fatin, too sidade nee sai rungu-ranga boot. Ema hotu halai rame-rame baa too estádiun. Sira kaer tiha Paulo ho nia kolega nain rua hodi rasta ba iha nebaa. Sira nain rua naran Gaio ho Aristarku, nebee uluk akompanha Paulo hosi Masedónia.

Apostolu sira nia Istoria 27:2

Tempu nee, hau (Lucas) akompanha hotu Paulo. Iha tan irmaun ida, ema Masedónia hosi sidade Tesalónika, naran Aristarku, mos tuir. Ami baa sae roo ida nebee mai hosi sidade Adramítiu. Tuir planu, roo nee sei tama tutuir iha pontikais iha provinsia Ázia.

2 Korintu 8:23

Se iha ema ruma husu kona ba Tito, foo hatene katak Tito nee hau nia kolega nebee serbisu hamutuk ho hau hodi ajuda imi. Kona ba maluk nain rua nee, sarani sira iha nee mak haruka, i sira nain rua nia hahalok foti aas Kristu nia naran.

Filipi 2:25

Uluk imi hili Epafroditu para mai tau matan ba hau. Durante nee nia sai hanesan hau nia alin ida hodi halao Maromak nia serbisu hamutuk ho hau, i nia luta hamutuk ho hau hanesan soldadu diak ida. Maibee agora, hau hanoin hau tenki haruka nia fila fali ba imi.

Filipi 4:3

Hau nia kolega serbisu nebee hau konfia, hau husu o ajuda hela senhora nain rua nee para diak malu. Tanba uluk sira nain rua serbisu makaas ajuda hau hodi foo sai Maromak nia Novidade Diak, hamutuk ho Clemente ho kolega sira seluk. Sira hotu nia naran, Maromak hakerek tiha ona iha livru ema moris rohan-laek nian.

Kolose 4:10

Aristarco dadur hela iha komarka hamutuk ho hau. Nia haruka kumprimentus ba imi. Barnabé nia primu Marcos mos haruka kumprimentus. Uluk hau hameno ona ba imi dehan, kuandu Marcos baa vizita imi, simu nia ho diak.

Kolose 4:14

Kumprimentus hosi ita nia belun doben doutor Lucas, ho mos hosi Demas.

1 Pedro 5:13

Kristaun sira iha Babilónia foo kumprimentus ba imi. Nai Maromak hili sira hanesan mos Nia hili imi. Marcos mos foo kumprimentus. Hau haree nia hanesan hau nia oan rasik.

3 João 1:8

Entaun ita nia obrigasaun mak tenki suporta sira, atu nunee ita mos halo parte iha sira nia serbisu hodi foo sai lia loos.