Filemon 1:2 - Biblia Tetun Dili

² Surat nee foo mos ba irman Afia, nebee ita konsidera hanesan ita nia irman. Foo mos ba Arkipu nebee hakaas aan hamutuk ho ita iha serbisu nee. I foo mos ba sarani sira nebee baibain halibur malu hodi halo orasaun iha ita nia uma

Filemon 1:2 Iomraidhean Croise

Roma 16:1

Liu hosi surat nee hau foo konhese ita nia irmán Febe. Nia nee serbii sarani sira iha sidade Senkreia.

Roma 16:5

Kumprimentus ba sarani sira nebee baibain halibur malu halo orasaun iha Priscila ho Akila nia uma. Kumprimentus ba hau nia belun diak Epenetus. Nia mak ema primeiru nebee fiar ba Kristu iha provinsia Ázia.

1 Korintu 16:19

Sarani sira iha provinsia Ázia hatoo kumprimentus ba imi. Akila ho Priscila foo hakuak boot ba imi hodi Nai Jesus nia naran. Sarani sira nebee baibain halibur hamutuk iha sira nia uma mos foo hakuak boot.

Filipi 2:25

Uluk imi hili Epafroditu para mai tau matan ba hau. Durante nee nia sai hanesan hau nia alin ida hodi halao Maromak nia serbisu hamutuk ho hau, i nia luta hamutuk ho hau hanesan soldadu diak ida. Maibee agora, hau hanoin hau tenki haruka nia fila fali ba imi.

Kolose 4:15

Hatoo hau nia kumprimentus ba sarani sira iha Laodiseia, ho mos ba senhora Ninfa ho sarani sira nebee baibain halibur malu iha nia uma.

Kolose 4:17

Hatete ba Arkipu dehan, “Knaar nebee Nai Jesus foo ba o nee, o tenki kaer metin too rohan.”