Filemon 1:17 - Biblia Tetun Dili

¹⁷ Nee duni, se ita konsidera hau nudar ita nia kolega serbisu, entaun hau husu ba ita simu Onésimu hanesan mos ita simu hau.

Filemon 1:17 Iomraidhean Croise

Mateus 10:40

“See mak simu imi, nia simu Hau. See mak simu Hau, nia simu Ida nebee haruka Hau mai.

Mateus 18:5

See mak simu labarik ida nebee fiar mai Hau, hanesan mos nia simu Hau.

Mateus 25:40

Hau sei hataan, ‘Hau hatete loloos ba imi! Bainhira imi halo saida deit ba Hau nia maluk ida, maski ba ema kiik ida mos, nee hanesan imi halo ona mai Hau.’

Apostolu sira nia Istoria 16:15

Depois ami sarani Lídia ho ema hotu nebee hela ho nia. I nia konvida ami dehan, “Senhor sira, se imi hanoin hau fiar tebes ba Nai Jesus, entaun imi baa hela lai iha hau nia uma.” Nia hamaus bebeik, too ikus mai ami mos simu.

2 Korintu 8:23

Se iha ema ruma husu kona ba Tito, foo hatene katak Tito nee hau nia kolega nebee serbisu hamutuk ho hau hodi ajuda imi. Kona ba maluk nain rua nee, sarani sira iha nee mak haruka, i sira nain rua nia hahalok foti aas Kristu nia naran.

Efezu 3:6

Segredu nee mak nee: se ema nebee laos Judeu fiar ba Maromak nia Novidade Diak, entaun sira sei simu bensaun nebee Maromak foo ba Nia oan sira, hanesan mos Nia foo ema Judeu. Sira ho ema Judeu hamutuk sai povu ida. Nee hanesan sira halo parte iha isin lolon ida deit. I sira simu mos buat nebee Maromak promete ona ba Nia povu tanba sira laran ida ho Kristu Jesus.

Filipi 1:7

Hau senti nunee, tanba imi iha hau nia fuan-laran. Maromak foo fiar ba imi atu serbisu hamutuk ho hau. Bainhira Hau defende Nia Novidade Diak hodi hatudu ba ema katak Liafuan nee loos, imi sempre halo parte iha serbisu nee. Bainhira hau iha komarka laran mos, imi halo parte nafatin.

Filemon 1:10

Nee mak hau husu atu senhor simu fali ita nia atan Onésimu ho diak. Iha komarka nee nia sai hanesan hau nia oan rasik, tanba hau mak lori nia fiar ba Jesus.

Filemon 1:12

Hau hadomi teb-tebes nia, maibee la iha buat ida, agora hau haruka nia fila fali ba ita.

Filemon 1:18

Se Onésimu uluk halo sala ruma hasoru ita, ka nia iha tusan ruma, hau mak selu.

Ebreu 3:1

Maun-alin sira, Maromak hili ona imi atu moris ho laran moos, i hili mos imi atu tama iha lalehan. Imi tenki hanoin klean kona ba Jesus. Ita rekonhese ona katak Nia mak Ida nebee Nai Maromak haruka, i Nia mak ita nia nai-lulik boot.

Ebreu 3:14

Ita sai ona laran ida ho Jesus Kristu, naran katak ita kaer metin nafatin ita nia fiar hosi huun too rohan.

Tiago 2:5

Maun-alin doben sira, rona mai. Nai Maromak hili ona ema kiak tuir mundu nia haree, atu sai riku iha fiar. Maromak nudar Liurai hili ona sira hodi sai Maromak nia reinu nebee Nia promete ona atu foo ba Nia povu nebee hadomi Nia.

1 Pedro 5:1

Agora hau hakerek ba presbiteru sira. Hau mos presbiteru hanesan imi. Hau rasik akompanha Kristu nia terus. Aban-bainrua bainhira ema hotu-hotu haree Kristu fila fali mai ho naroman nabilan, hau mos sei simu naroman nabilan nee. Hau husu ba imi presbiteru sira,

1 João 1:3

Saida mak ami haree i rona rasik, ida nee mak ami foo sai ba imi, para imi bele sai laran ida ho ami, i nunee ita hotu hamutuk laran ida ho Aman Maromak no ho Nia Oan Jesus Kristu.