Ester 9:3 - Biblia Tetun Dili

³ I ema boot sira hotu iha provinsia 127, hanesan: Funsionariu iha palasiu, governador, liurai nia reprezentante sira, buka dalan hodi tulun ema Judeu sira, tanba sira tauk ona ho Mordekai.

Ester 9:3 Iomraidhean Croise

Ester 3:12

Nunee iha loron 17 fulan Abril, Amaan halibur liurai nia ema sira nebee hakerek surat. Sira hakerek surat dekretu ida tuir loloos saida mak Amaan haruka. Sira hakerek foo ba governador ida-idak iha provinsia ida-idak. Sira foo mos ba povu ida-idak no ba katuas lia nain sira iha suku-suku. Sira hakerek tuir povu iha provinsia ida-idak nia lian ho sira nia maneira hakerek rasik. Surat nebee atu haruka uza liurai Ahasuweros nia naran, i tau karimbu hosi liurai nia kadeli rasik nebee nia entrega ona ba Amaan.

Ester 8:17

Nee mak iha sidade ida-idak iha provinsia hotu-hotu, bainhira liurai nia surat dekretu too ona, i lee ba povu, entaun, ema Judeu hotu-hotu haksolok, kontenti no halo festa rame-rame. Iha ema balu mos husu para foti sira sai ema Judeu, tanba sira tauk keta halo be ema Judeu halo buat ruma ba sira.

Ester 8:5

hodi dehan, “Amu liurai, se amu hadomi hau, i buat nebee hau atu husu nee haan malu ho amu liurai nia hakarak, entaun, hau husu nunee: favor hakerek surat dekretu ida hodi dada fali surat sira nebee Amaan, Amedata nia oan, hakerek tiha ona nee. Surat nebee haruka ema oho hotu povu Judeu iha amu liurai nia provinsia 127 nee.

Ester 8:9

Iha loron nee mos, loron 25 fulan Junhu, Mordekai haruka liurai nia sekretariu sira hotu halibur, i foo orden ba sira hakerek surat dekretu tuir loloos saida mak Mordekai hatete ba sira. Surat sira nee, sira foo ba ema hotu-hotu, hanesan: ema Judeu, funsionariu, governador, ema boot sira iha provinsia 127 nebee namkari hosi India too Etiopia. Sira hakerek tuir povu iha provinsia ida-idak nia lian no sira nia hakerek rasik. Sira hakerek ba ema Judeu sira uza sira nia lian Ebreu no hakerek mos Ebreu.