Ester 9:22 - Biblia Tetun Dili

²² Tanba iha loron rua nee, ita ema Judeu harahun hotu ema sira nebee inimigu ho ita. Nee mak ita tenki hanoin fulan nee, tanba ita nia tristi muda ba kontenti, no ita nia susar muda ba festa rame-rame. Agora ita nia moris lalika tauk no tanis tan ona. Nee mak tinan-tinan ita tenki celebra festa nee rame-rame, no haruka hahaan ba malu, no mos foo sasaan ba ema kiak sira.”

Ester 9:22 Iomraidhean Croise

Ester 9:19

Maibee ema Judeu sira nebee hela iha aldeia-aldeia iha sidade seluk, sira halo funu loron ida deit. Nee mak too ohin loron mos, tinan-tinan, iha loron 8 fulan Marsu, sira halibur hodi halo festa rame-rame. Iha loron boot nee, sira foo hahaan ba malu.

Ester 9:21

Nia hakerek ba sira dehan: “Hosi agora ba oin, tinan-tinan imi tenki halo festa nebee monu iha loron 8 ho 9 fulan Marsu.

Ester 9:23

Ema Judeu sira simu Mordekai nia surat nee ho diak, i sira halo tuir, no selebra loron boot nee tinan-tinan.

Mateus 5:4

Ema sira nebee tanis ho laran susar, sira hetan bensaun, tanba Maromak sei hamaran sira nia matan been.

Lucas 11:41

Dukee imi hamoos deit bikan nia liur, diak liu foo buat nebee imi iha ba ema kiak sira. Se imi halo nunee mak imi sai moos iha Nai Maromak nia futar oin.

Galasia 2:10

So buat ida deit mak sira husu mai ami, atu ami tulun ema kiak sira iha Jerusalém. I hau mos hakarak duni halo ida nee.

Apokalipse 11:10

Ema iha mundu tomak kontenti tanba sasin nain rua nee mate tiha ona, tanba sira nain rua halo terus ema iha mundu tomak. Nunee sira rame-rame halo festa i foo prezenti ba malu.