Ester 9:21 - Biblia Tetun Dili

²¹ Nia hakerek ba sira dehan: “Hosi agora ba oin, tinan-tinan imi tenki halo festa nebee monu iha loron 8 ho 9 fulan Marsu.

Ester 9:21 Iomraidhean Croise

Ester 3:7

Iha fulan Abril, bainhira liurai Ahasuweros ukun ona durante tinan 12, Amaan haruka dehan, “Foo hatene mai hau, tempu nebee mak diak para ita oho hotu Mordekai nia povu Judeu sira.” I sira dada rifa iha Amaan nia oin, hodi buka hatene nunee. I rifa nee monu iha loron 7 fulan Marsu, tinan oin.

Ester 9:18

Ho nunee, iha loron 7 no loron 8 fulan Marsu iha sidade Suzan, ema Judeu sira halibur hamutuk loron rua hodi funu hasoru ema sira nebee inimigu ho sira. Maibee iha loron 9 fulan Marsu, sira para, i sira halibur hodi halo festa rame-rame.

Ester 9:20

Buat sira hotu nebee akontese nee, Mordekai hakerek didiak. I haruka surat ba ema Judeu sira hotu nebee hela iha provinsia 127 iha liurai Ahasuweros nia ukun, ba sira nebee iha dook ka besik.

Ester 9:22

Tanba iha loron rua nee, ita ema Judeu harahun hotu ema sira nebee inimigu ho ita. Nee mak ita tenki hanoin fulan nee, tanba ita nia tristi muda ba kontenti, no ita nia susar muda ba festa rame-rame. Agora ita nia moris lalika tauk no tanis tan ona. Nee mak tinan-tinan ita tenki celebra festa nee rame-rame, no haruka hahaan ba malu, no mos foo sasaan ba ema kiak sira.”

Ester 9:27

Hahuu hosi tempu nee, ema Judeu sira selebra loron boot durante loron rua hodi hanoin asuntu nee. Sira halo nunee tinan-tinan. Ida nee hanesan ona sira nia kostumi tinan-tinan, tuir buat nebee Mordekai hakerek ona ba sira, too sira nia oan no bei-oan sira.

Ester 9:29

Bainhira Mordekai hakerek nia surat segundu nee, liurai nia kaben Ester, Abiail nia oan, mos hakerek surat ida hodi nia naran rasik nudar liurai nia feen boot, nebee foo apoiu makaas ba Mordekai nia surat kona ba loron boot Purim nee.