Ester 9:15 - Biblia Tetun Dili

¹⁵ Nunee iha aban, loron 8 fulan Marsu, ema Judeu sira iha sidade Suzan oho tan ema 300. Maibee sira la foti ema sira nee nia riku-soin ida mos.

Ester 9:15 Iomraidhean Croise

Ester 8:11

Iha surat sira nee hakerek nunee: “Amu liurai foo hatene ba ema hotu nunee: Iha tinan oin, loron 7 fulan Marsu, Ema Judeu hotu-hotu iha sidade ida-idak iha provinsia sira hotu, bele halibur, no bele defende aan. Se tropas mai ataka imi, entaun, ema Judeu bele hasoru no halo rahun sira. Se inimigu mai hosi povu nebee deit, ka provinsia nebee deit mai ataka sira, entaun, ema Judeu bele kontra sira no halo rahun sira fali. Maski mane ka feto. Maski ema kiik ka boot. Laos deit sira bele ataka fali sira, maibee ema Judeu sira mos bele hadau sira nia inimigu nia riku-soin ho sira nia rai hotu. Surat dekretu nee tenki taka iha provinsia ida-idak, para ema hotu bele lee mesak ho sira nia lian rasik. Ho nunee ema Judeu sira hotu bele prepara aan. Hau nia surat dekretu nunee deit!”

Ester 9:12

Entaun liurai hatete ba Ester dehan, “Hau rona ona dehan, ema Judeu sira oho tiha ona ema 500 iha sidade Suzan. Sira mos oho hotu Amaan nia oan mane sanulu. Hau la hatene sira halo saida loos iha provinsia sira seluk. Maibee hau hakarak husu, liurai feto hakarak husu saida? Liurai feto husu saida deit, hau sei halo tuir. Entaun hatete deit mai!”

Ester 9:13

I Ester hataan, “Se amu liurai bele simu, hau husu nunee: aban ema Judeu sira nebee hela iha sidade Suzan nee halao nafatin surat dekretu nebee halao ona horiseik. I husik ema tara Amaan nia oan mane sanulu nia mate isin para ema hotu bele haree. Ida nee deit mak hau husu.”

Ester 9:14

Liurai simu Ester nia pedidu ho diak, i nia foo orden iha sidade Suzan para ema tara tiha Amaan nia oan mane nain sanulu nee nia mate isin.

Ester 9:16

Iha tempu nee, loron 7 fulan Marsu, ema Judeu sira nebee hela iha liurai nia provinsia 127 halibur hodi defende aan hosi inimigu sira. Sira manaan sira nia inimigu no oho mate ema 75.000 nebee odi sira. Ho nunee, sira bele senti hakmatek, tanba la iha tan ema ruma atu ameasa sira. Maibee sira la foti ema sira nee nia riku-soin ida mos. Iha fali aban, loron 8 fulan Marsu, sira halo festa rame-rame, tanba kontenti.

Ester 9:2

Iha sidade hotu-hotu, iha provinsia 127 nebee liurai Ahasuweros ukun, ema Judeu sira halibur hodi ataka fila fali sira nia inimigu nebee hakarak halo rahun sira. La iha ema ida mak brani atu hasoru sira, tanba ema hosi rai seluk tauk atu mate ho ema Judeu sira.

1 Tesalonika 5:22

Maibee hadook aan hosi buat aat hotu.

Ebreu 13:5

La bele kaan teen ba osan, maibee tenki kontenti ho buat nebee mak imi iha. Tanba Nai Maromak rasik dehan nunee: “Hau sei la haluha imi, Hau sei la husik imi mesak.”