Ester 8:5 - Biblia Tetun Dili

⁵ hodi dehan, “Amu liurai, se amu hadomi hau, i buat nebee hau atu husu nee haan malu ho amu liurai nia hakarak, entaun, hau husu nunee: favor hakerek surat dekretu ida hodi dada fali surat sira nebee Amaan, Amedata nia oan, hakerek tiha ona nee. Surat nebee haruka ema oho hotu povu Judeu iha amu liurai nia provinsia 127 nee.

Ester 8:5 Iomraidhean Croise

Ester 2:17

Bainhira Ester baa iha palasiu, liurai hadomi liu nia dukee feto sira seluk. Nia gosta teb-tebes Ester no hatudu nia domin ba nia. Nee mak liurai foti nia, hodi tau koroa liurai nian ba nia ulun, hodi troka Vasti nebee nia duni tiha ona nee.

Ester 2:4

I nunee, amu liurai bele haree feto bonita sira nee hotu. Ida nebee mak monu ba liurai nia laran, liurai bele foti nia sai liurai nia kaben, hodi troka Vasti.” Rona tiha liafuan sira nee hotu, liurai simu ho diak, i halo tuir.

Ester 3:1

Liu tiha buat sira nee hotu, liurai Ahasuweros hakarak hatudu nia respeitu ba Amaan, Amedata nia oan, Agage nia jerasaun. Nee mak nia foti Amaan sai ema boot liu nia funsionariu sira seluk.

Ester 5:8

se amu liurai hadomi hau, i halo tuir hau nia hakarak, hau husu deit nunee: aban hau halo tan festa ida ba amu liurai. Aban, se liurai mai haan iha nee, foin hau foo hatene saida mak hau nia presiza. Amaan mos bele mai hotu.”

Ester 7:3

I Ester hataan dehan, “Nunee deit, amu liurai. Se amu liurai hadomi teb-tebes hau, i hakarak hatudu ita nia domin mai hau, entaun, hau husu para hau ho hau nia povu bele moris. Ida nee mak hau presiza.