Ester 8:17 - Biblia Tetun Dili

¹⁷ Nee mak iha sidade ida-idak iha provinsia hotu-hotu, bainhira liurai nia surat dekretu too ona, i lee ba povu, entaun, ema Judeu hotu-hotu haksolok, kontenti no halo festa rame-rame. Iha ema balu mos husu para foti sira sai ema Judeu, tanba sira tauk keta halo be ema Judeu halo buat ruma ba sira.

Ester 8:17 Iomraidhean Croise

Jenesis 35:5

Bainhira Jacó sira sai hosi rai Sikem, Nai Maromak halo tauk ema sira nebee hela haleu sidade nee, too ema ida la brani halo aat ba sira.

Ester 9:19

Maibee ema Judeu sira nebee hela iha aldeia-aldeia iha sidade seluk, sira halo funu loron ida deit. Nee mak too ohin loron mos, tinan-tinan, iha loron 8 fulan Marsu, sira halibur hodi halo festa rame-rame. Iha loron boot nee, sira foo hahaan ba malu.

Ester 9:2

Iha sidade hotu-hotu, iha provinsia 127 nebee liurai Ahasuweros ukun, ema Judeu sira halibur hodi ataka fila fali sira nia inimigu nebee hakarak halo rahun sira. La iha ema ida mak brani atu hasoru sira, tanba ema hosi rai seluk tauk atu mate ho ema Judeu sira.

Ester 9:22

Tanba iha loron rua nee, ita ema Judeu harahun hotu ema sira nebee inimigu ho ita. Nee mak ita tenki hanoin fulan nee, tanba ita nia tristi muda ba kontenti, no ita nia susar muda ba festa rame-rame. Agora ita nia moris lalika tauk no tanis tan ona. Nee mak tinan-tinan ita tenki celebra festa nee rame-rame, no haruka hahaan ba malu, no mos foo sasaan ba ema kiak sira.”

Ester 9:27

Hahuu hosi tempu nee, ema Judeu sira selebra loron boot durante loron rua hodi hanoin asuntu nee. Sira halo nunee tinan-tinan. Ida nee hanesan ona sira nia kostumi tinan-tinan, tuir buat nebee Mordekai hakerek ona ba sira, too sira nia oan no bei-oan sira.

Ester 9:3

I ema boot sira hotu iha provinsia 127, hanesan: Funsionariu iha palasiu, governador, liurai nia reprezentante sira, buka dalan hodi tulun ema Judeu sira, tanba sira tauk ona ho Mordekai.