Ester 8:15 - Biblia Tetun Dili

¹⁵ I bainhira Mordekai sai hosi liurai nia palasiu, nia hatais ropa azul ho mutin, hanesan bai-bain liurai sira hatais. Nia tau koroa osan mean iha nia ulun, ho faru naruk hosi hena kabas hosi Ejitu nebee enfeita ho koor uvas. Bainhira ema iha sidade Suzan rona novidade nee, i sira haree Mordekai nia ropa kabas finu, sira haksolok no hakilar rame-rame.

Ester 8:15 Iomraidhean Croise

Ester 1:6

Iha area nee iha riin barak halo hosi fatuk marmore. Sira enfeita ho kurtina bar-barak hosi hena kabas mutin nebee iha funan azul. Sira kesi kurtina sira nee ho hena kabas finu, ho tali kor uvas tau iha riin uza argola osan mutin. Sira tau kadeira ba bainaka nebee halo ho osan mean no mutin iha rai nebee sira halo hosi buat oin haat maka: Fatuk mean nabilan, marmore mutin, perola kulit mutin nabilan, i fatuk nabilan nebee iha lakan-nabilan oi-oin.

Ester 10:2

Buat hotu nebee liurai halo, buat hotu nebee hatudu nia kbiit, buat hotu nebee akontese, kona ba ema Judeu sira nia asuntu nebee halo liurai Ahasuweros foti Mordekai sai ema boot nee, funsionariu sira iha palasiu hakerek hotu iha Livru Istoria Liurai Ema Media ho Ema Persia sira nian.

Ester 3:15

Bainhira liurai haruka nia ema sira nebee lori lia menon baa lalais, i sira lori kedas surat orden nee ba fatin hotu-hotu. Iha sidade Suzan, sira lee surat nee para ema hotu bele hatene. I liurai tuur haan-hemu hamutuk ho Amaan. Maibee povu iha sidade Suzan sira nia laran la hakmatek ho bainhira sira rona lia menon nee.

Ester 5:1

Bainhira sira jejun ona loron tolu, Ester hatais tiha nia ropa liurai feto nian, i baa hamariik natoon loos iha liurai nia odamatan oin. Odamatan nee, hodi tama ba iha liurai nia fatin hodi ukun. Liurai tuur hela iha nia kadeira ukun hateke ba odamatan nee. I odamatan nakloke luan hela.

Ester 5:11

Bainhira sira halibur ona, Amaan koalia ho lian makaas dehan, “Hau iha riku-soin barak no hau nia oan mos barak. I liurai hatudu nia respeitu mai hau ho maneira oi-oin. Nia mos foti hau boot liu funsionariu sira hotu no ema boot sira seluk nebee serbisu ba nia.

Ester 6:11

Nunee hakarak ka lakohi, Amaan baa foti ropa ho kuda nee. Nia foo hatais ba Mordekai, i hiit sae nia ba kuda nee. I Amaan mos lori nia haleu iha dalan sira prinsipal iha sidade nee, hodi hakilar dehan, “Se liurai hakarak hatudu respeitu ba ema ida, nia hatudu ho maneira hanesan nee.”

Ester 6:8

haruka ema serbisu sira lori amu liurai nia ropa ida nebee amu hatais ona. I lori mos amu liurai nia kuda ida nebee uza simbolu liurai nian iha kuda nia ulun.

Ester 8:14

I liurai haruka ema sira nebee lori lia tatoli nee ba lalais. Nee mak sira sae liurai nia kuda nebee halai lalais, hodi halai ba iha fatin hotu-hotu, hahuu hosi muru forti iha sidade Suzan.

Mateus 11:8

Entaun imi baa atu haree see? Imi baa atu haree ema nebee hatais hena folin karun ka? Lae! Ema nebee hatais hena folin karun hela iha liurai nia uma.

Mateus 6:29

maibee Hau dehan loloos ba imi: Liurai Salomão, maski riku teb-tebes, nia hatais kapaas halo nusaa mos, ai funan sira nee furak liu.

Lucas 16:19

Depois Jesus halo tan komparasaun ida nunee: “Iha ema riku ida sempre hatais ropa didiak deit. Loron-kalan nia halo festa hela deit.