Ester 8:1 - Biblia Tetun Dili

¹ Iha tempu nee, liurai Ahasuweros entrega Amaan nia riku-soin hotu ba nia kaben Ester, tanba Amaan nee inimigu ho Ester nia povu Judeu. Iha loron nee, Mordekai mos mai hasoru liurai, i Ester konta ba liurai katak Mordekai nee nia maluk.

Ester 8:1 Iomraidhean Croise

Ester 2:15

Entaun, mais-ou-menus hahuu iha fulan Janeiru, bainhira liurai Ahasuweros kaer ukun tinan hitu ona, foin Ester hetan nia tempu para tama ba palasiu hodi toba hamutuk ho liurai. (Ester nee, Abiail nia oan. Abiail nee, Mordekai nia aman kiik. I Mordekai mak hakiak Ester hosi kiik.) Bainhira Ester hetan nia tempu hodi tama ba palasiu, nia la husu buat ida. Nia so husu Hegai atu hatudu dalan diak ba nia, tan Hegai mak tau matan ba feto sira nebee seidauk ba toba hamutuk ho liurai. I nia tuir deit dalan nee. Nee mak bainhira nia atu baa, ema hotu nebee haree Ester gosta teb-tebes nia.

Ester 2:7

Nee mak Kis nia jerasaun Mordekai, boot iha Babilonia, i sira nia familia mos aumenta barak iha nebaa, i Bainhira nia aman kiik ho nia kaben mate, Mordekai foti nia aman kiik nia oan feto ba hakiak, hanesan nia oan rasik. Labarik feto nia naran Adasa bolu ho lian Ebreu. Ho lian Farsi, bolu Ester. I Ester nee, isin diak no bonita teb-tebes.

Ester 7:6

I Ester hataan, “Ema aat nebaa, Amaan. Tanba nia inimigu ho ami, no hakarak oho hau ho hau nia povu hotu!” Rona Ester foo hatene nia aat ba liurai, iha nia oin nunee, Amaan mos tauk atu mate.

Ester 8:7

I liurai Ahasuweros foo hatene ba Ester ho Mordekai dehan, “Nee loos, maibee nia susar mak nee: se iha ona surat dekretu nebee sai ona uza liurai nia naran no tau marka hosi liurai nia kadeli karimbu, entaun, orden nee la bele muda no dada fila fali. Maibee ema hatene ona katak hau haruka ema tara mate tiha ona Amaan. I hau mos entrega tiha ona Amaan nia riku-soin hotu iha Ester nia liman, tanba Amaan inimigu ho povu Judeu i halo planu para halo rahun sira hotu. I hau mos entrega tiha ona liurai nia kadeli karimbu ba Mordekai. Nunee imi bele hakerek saida deit, tuir imi nia hakarak kona ba problema ho ema Judeu sira. Para imi hatene, bainhira imi hakerek surat ruma uza liurai nia kadeli karimbu, entaun, ema la bele dada fila fali. Tanba ida nee, ho hau nia orden mos hanesan.”

Lucas 12:20

Maibee Nai Maromak hatete ba nia, ‘Hei, o ema beik-teen! Kalan nee kedas Hau hakotu o nia iis. Depois, see mak sei hetan sasaan barak nebee o rai ba o nia aan nee?’