Ester 7:3 - Biblia Tetun Dili

³ I Ester hataan dehan, “Nunee deit, amu liurai. Se amu liurai hadomi teb-tebes hau, i hakarak hatudu ita nia domin mai hau, entaun, hau husu para hau ho hau nia povu bele moris. Ida nee mak hau presiza.

Ester 7:3 Iomraidhean Croise

Ester 4:8

I Mordekai foo ba Hatak surat dekretu ida nebee sira taka tiha ona iha sidade Suzan, nebee hakerek dehan, liurai foo orden para oho tiha hotu ema Judeu iha provinsia 127 nee. I Mordekai husu ba Hatak dehan, “Lori surat nee ba hatudu ba liurai nia kaben, Ester. Konta buat hotu-hotu ba nia. Hatete ba nia dehan, hau mak haruka nia para baa hasoru liurai hodi defende nia povu rasik, i husu para liurai hatudu nia laran diak mai ami hotu.”

Ester 5:8

se amu liurai hadomi hau, i halo tuir hau nia hakarak, hau husu deit nunee: aban hau halo tan festa ida ba amu liurai. Aban, se liurai mai haan iha nee, foin hau foo hatene saida mak hau nia presiza. Amaan mos bele mai hotu.”

Ester 7:7

Liurai hirus teb-tebes. I nia hamriik sai tiha husik hela sira. Nia lao ba iha palasiu nia jardin hodi hanoin atu halo saida. Maibee Amaan haree katak liurai atu kastigu nia, tanba nee, nia hakarak hela nafatin iha nebaa hodi husu ba Ester para salva nia.

Ester 8:5

hodi dehan, “Amu liurai, se amu hadomi hau, i buat nebee hau atu husu nee haan malu ho amu liurai nia hakarak, entaun, hau husu nunee: favor hakerek surat dekretu ida hodi dada fali surat sira nebee Amaan, Amedata nia oan, hakerek tiha ona nee. Surat nebee haruka ema oho hotu povu Judeu iha amu liurai nia provinsia 127 nee.