Ester 6:11 - Biblia Tetun Dili

¹¹ Nunee hakarak ka lakohi, Amaan baa foti ropa ho kuda nee. Nia foo hatais ba Mordekai, i hiit sae nia ba kuda nee. I Amaan mos lori nia haleu iha dalan sira prinsipal iha sidade nee, hodi hakilar dehan, “Se liurai hakarak hatudu respeitu ba ema ida, nia hatudu ho maneira hanesan nee.”

Ester 6:11 Iomraidhean Croise

Ester 6:10

Rona tiha nunee, liurai haruka Amaan dehan, “Loos ona! Agora o baa hili ropa nee ho kuda ida, tuir loloos buat nebee ohin o koalia nee. Iha ema Judeu ida, naran Mordekai, nebee bai-bain serbisu iha odamatan atu tama ba palasiu. Baa lalais hodi halo tuir buat nebee ohin o koalia ona para foo ba nia. Buat ida mos la bele halo menus. Tanba hau atu foo hau nia respeitu ba nia.”

Ester 6:12

Liu tiha nee, Mordekai fila fali ba halao nia serbisu iha odamatan tama ba palasiu. Maibee Amaan moe atu mate. Nee mak nia fila lalais i taka tiha nia oin ho hena.

Ester 8:15

I bainhira Mordekai sai hosi liurai nia palasiu, nia hatais ropa azul ho mutin, hanesan bai-bain liurai sira hatais. Nia tau koroa osan mean iha nia ulun, ho faru naruk hosi hena kabas hosi Ejitu nebee enfeita ho koor uvas. Bainhira ema iha sidade Suzan rona novidade nee, i sira haree Mordekai nia ropa kabas finu, sira haksolok no hakilar rame-rame.

Ester 9:3

I ema boot sira hotu iha provinsia 127, hanesan: Funsionariu iha palasiu, governador, liurai nia reprezentante sira, buka dalan hodi tulun ema Judeu sira, tanba sira tauk ona ho Mordekai.

Lucas 1:52

Nia hatuun ukun nain sira hosi sira nia kadeira, maibee Nia foti aas ema nebee haraik aan.

Apokalipse 3:9

Iha ema balu dehan sira Maromak nia ema, maibee sira bosok, sira la hakruuk ba Maromak maibee hakruuk fali ba diabu. Hau sei halo sira monu ain ba imi, i sira sei rekonhese katak Hau hadomi imi.