Ester 6:1 - Biblia Tetun Dili

¹ Iha kalan nebaa, liurai toba la dukur. Entaun nia haruka dehan, “Lori mai livru nebee hakerek buat hotu-hotu nebee akontese ona, hahuu hosi sira foti hau sai liurai!” I ema baa foti livru nee, hodi lee ba liurai rona.

Ester 6:1 Iomraidhean Croise

Jenesis 22:14

Nunee nia foo naran ba fatin nee, ‘NAI Maromak sei foo’. Nee mak too agora ema dehan, “Iha NAI Maromak nia foho leten nee, Nia sei prepara saida mak ema presiza.”

Ester 10:2

Buat hotu nebee liurai halo, buat hotu nebee hatudu nia kbiit, buat hotu nebee akontese, kona ba ema Judeu sira nia asuntu nebee halo liurai Ahasuweros foti Mordekai sai ema boot nee, funsionariu sira iha palasiu hakerek hotu iha Livru Istoria Liurai Ema Media ho Ema Persia sira nian.

Ester 2:21

Iha loron ida, bainhira Mordekai halao serbisu iha palasiu nia odamatan oin, iha funsionariu rua nebee hein iha palasiu laran, hanoin aat ba liurai. Entaun sira halo planu atu oho mate liurai Ahasuweros. Sira nain rua nee mak Bigtan ho Teres.

Ester 2:22

Maibee Mordekai hatene tiha sira nain rua nia planu aat nee. I nia dehan ba liurai nia kaben, Ester. Entaun Ester baa hatete ba liurai dehan, Mordekai mak dehan ba nia.

Ester 2:23

Bainhira liurai nia ema sira investiga didiak asuntu nee, afinal loos duni. I sira kastigu mate ema nain rua nee tuu iha ai riin too mate. Istoria sira nee hotu, sira hakerek iha liurai nia livru istoria nian. Tempu nee, liurai mos haree rasik sira hakerek ida nee.

Ester 5:8

se amu liurai hadomi hau, i halo tuir hau nia hakarak, hau husu deit nunee: aban hau halo tan festa ida ba amu liurai. Aban, se liurai mai haan iha nee, foin hau foo hatene saida mak hau nia presiza. Amaan mos bele mai hotu.”

Roma 11:33

Nai Maromak nia matenek klean liu, Nia komprende hosi huun too rohan. La iha ema ida mak bele komprende Nia desizaun, la iha ema ida mak bele hanoin hetan Nia dalan.