Ester 5:3 - Biblia Tetun Dili

³ I liurai husu ba nia dehan, “Oinsaa, Ester? Presiza saida? Hakarak husu buat ruma mai hau, dehan deit! Hau sei foo! Maski o hakarak husu hau nia riku-soin nasaun nian fahe ba rua mos, hau foo deit.”

Ester 5:3 Iomraidhean Croise

Ester 5:4

Ester hataan dehan, “Amu liurai mak hau respeita. Hau prepara hahaan hodi halo festa ida ba liurai. Nunee, se amu liurai hakarak, ita bele mai iha festa nee. Se bele, lori mos Amaan mai hotu. Tanba la kleur buat hotu prontu ona!”

Ester 5:6

Bainhira sira hemu tua, liurai husu dala ida tan ba Ester dehan, “Oinsaa, Ester? Agora o bele hatete ona, saida mak o presiza? O atu husu saida mai hau, dehan deit! Hau sei foo. Maski o husu hau nia riku-soin nasaun nian fahe ba rua mos, hau foo.”

Ester 7:2

Iha festa ba dala rua nee, bainhira sira hemu tua, liurai husu fali ba Ester dehan, “Liurai feto presiza saida? Ita hakarak husu saida deit mai hau, dehan deit! Hau sei foo! Maski ita hakarak husu hau nia riku-soin nasaun fahe ba rua mos, hau foo.”

Ester 9:12

Entaun liurai hatete ba Ester dehan, “Hau rona ona dehan, ema Judeu sira oho tiha ona ema 500 iha sidade Suzan. Sira mos oho hotu Amaan nia oan mane sanulu. Hau la hatene sira halo saida loos iha provinsia sira seluk. Maibee hau hakarak husu, liurai feto hakarak husu saida? Liurai feto husu saida deit, hau sei halo tuir. Entaun hatete deit mai!”

Marcos 6:23

Maski o husu hau nia reinu sorin balu mos, hau foo. Hau jura hodi Nai Maromak nia naran!”

Lucas 18:41

“O hakarak Hau halo saida ba o?” Nia hataan, “Nai, hau hakarak haree.”

Apostolu sira nia Istoria 23:19

Komandante lori joven nee ba iha fatin ida, sira nain rua mesak. Nia husu, “O atu hatete saida mai hau?”