Ester 5:14 - Biblia Tetun Dili

¹⁴ I Amaan nia kaben Seres, ho nia kolega sira hotu, koalia dehan, “Se nunee, ami hatoo ami nia hanoin ida nunee: haruka ema harii ai-riin ida ho nia naruk metru 22. Tuir mai, iha aban dadeer-saan husu ba liurai para haruka ema tara tiha Mordekai iha ai-riin nee too mate. I tuir mai, bainhira baa haan hamutuk ho liurai, o nia laran bele hakmatek, tanba o nia problema ho Mordekai hotu ona.” Entaun Amaan simu ho diak sira nia hanoin nee, i nia haruka ema harii ai-riin nee, para nia bele tara mate Mordekai iha nebaa.

Ester 5:14 Iomraidhean Croise

Ester 6:4

Iha momentu nee Amaan foin tama ba iha palasiu nia oin, hodi husu ba liurai para tara mate tiha Mordekai iha ai-riin nebee nia foin harii nee. Bainhira liurai haree ema ruma hamriik iha sala vizita, nia husu, “See mak iha nebaa nee?”

Roma 1:32

Maski sira hatene ona Maromak nia lei nebee dehan, ema nebee halo buat aat nunee, merese hetan kastigu mate, maibee sira halo nafatin buat aat sira nee. Laos nee deit, maibee sira gosta atu ema seluk mos halo tuir buat sira nee.

Roma 3:15

Sira nia ain lalais loos atu oho ema.

Apokalipse 11:10

Ema iha mundu tomak kontenti tanba sasin nain rua nee mate tiha ona, tanba sira nain rua halo terus ema iha mundu tomak. Nunee sira rame-rame halo festa i foo prezenti ba malu.