Ester 5:1 - Biblia Tetun Dili

¹ Bainhira sira jejun ona loron tolu, Ester hatais tiha nia ropa liurai feto nian, i baa hamariik natoon loos iha liurai nia odamatan oin. Odamatan nee, hodi tama ba iha liurai nia fatin hodi ukun. Liurai tuur hela iha nia kadeira ukun hateke ba odamatan nee. I odamatan nakloke luan hela.

Ester 5:1 Iomraidhean Croise

Ester 1:11

ba lori liurai nia feen boot Vasti mai. Nia haruka liurai feto hatais ropa kapaas no tau koroa liurai nian. Tanba liurai nia kaben nee oin kapaas teb-tebes, nee maka liurai hakarak hatudu ba bainaka sira.

Ester 2:5

Iha tempu nebaa, iha sidade Suzan, iha ema Judeu ida, naran Mordekai. Nia hosi suku Benjamin. Nia aman naran Jair; nia avoo naran Simei; i nia avoo alak naran Kis.

Ester 4:11

“Iha lei ida nebee ema sira serbisu iha palasiu no povu hotu iha provinsia 127 nee hatene tiha ona, katak: se iha mane ka feto nebee baa besik liurai nia kuartu ukun, se liurai la bolu, maka lei dehan, ema nee tenki hetan kastigu mate. So iha dalan ida deit, bainhira liurai lolo nia rota osan mean ba ema nee. Se liurai halo nunee, foin ema nee bele tama. Maibee agora, loron 30 ona mak liurai la bolu hau.”

Ester 4:16

“Baa halibur ema Judeu hotu iha sidade Suzan nee. Hau husu ba imi jejun no harohan mai hau loron tolu, kalan tolu. La bele haan, no la bele hemu buat ida. Hau ho hau nia ema feto sira nebee serbisu mai hau nee mos jejun no harohan hotu. Depois, hau sei baa koalia ho liurai, maski kontra lei. Se karik hau tenki mate ba ida nee, hau prontu mate.”

Ester 4:17

I Mordekai fila, no halo tuir buat hotu nebee Ester haruka.

Ester 6:4

Iha momentu nee Amaan foin tama ba iha palasiu nia oin, hodi husu ba liurai para tara mate tiha Mordekai iha ai-riin nebee nia foin harii nee. Bainhira liurai haree ema ruma hamriik iha sala vizita, nia husu, “See mak iha nebaa nee?”

Ester 8:15

I bainhira Mordekai sai hosi liurai nia palasiu, nia hatais ropa azul ho mutin, hanesan bai-bain liurai sira hatais. Nia tau koroa osan mean iha nia ulun, ho faru naruk hosi hena kabas hosi Ejitu nebee enfeita ho koor uvas. Bainhira ema iha sidade Suzan rona novidade nee, i sira haree Mordekai nia ropa kabas finu, sira haksolok no hakilar rame-rame.

Mateus 10:16

“Rona didiak, Hau haruka imi baa hanesan bibi malae baa tama iha asu fuik nia leet. Imi tenki matenek hanesan samea. I imi nia laran tenki moos hanesan manu pombu.

Mateus 11:8

Entaun imi baa atu haree see? Imi baa atu haree ema nebee hatais hena folin karun ka? Lae! Ema nebee hatais hena folin karun hela iha liurai nia uma.

Mateus 27:64

Tanba nee haruka ita boot nia soldadu sira baa hein iha rate too loron tolu. Keta halo be Nia eskolanti sira mai naok tiha Nia mate isin, depois sira dehan ba povu, 'Nia moris fali ona hosi mate'. Se ida nee mak akontese, entaun bosok-teen sira ikus nee aat liu fali sira nia Mestri.”

Lucas 22:30

atu nunee bainhira Hau kaer ukun, imi bele tuur iha meza hodi haan-hemu hamutuk ho Hau. I imi mak sei ukun suku sanulu resin rua iha Israel.”

Apokalipse 3:21

See mak manaan, Hau sei foo direitu ba nia para tuur ukun hamutuk ho Hau, hanesan mos Hau manaan tiha ona, i agora Hau tuur ukun hamutuk ho Hau nia Aman.