Ester 4:3 - Biblia Tetun Dili

³ Bainhira liurai nia surat orden too ona iha provinsia ida-idak, i nia povu mos rona ona surat nee dehan saida, nunee ema Judeu sira laran susar teb-tebes. Sira tanis makaas hanesan ema ida foin mate. I sira mos jejun. Sira barak mak troka tiha sira nia ropa hodi hatais fali ropa nebee halo hosi karoon, i sira mos tau akudesan iha sira nia ulun rasik hanesan sinal katak, sira nia laran tristi teb-tebes.

Ester 4:3 Iomraidhean Croise

Ester 1:1

Istoria nee akontese bainhira liurai Ahasuweros kaer ukun iha Persia. Nia ukun provinsia 127, hosi India too Etiopia.

Ester 3:12

Nunee iha loron 17 fulan Abril, Amaan halibur liurai nia ema sira nebee hakerek surat. Sira hakerek surat dekretu ida tuir loloos saida mak Amaan haruka. Sira hakerek foo ba governador ida-idak iha provinsia ida-idak. Sira foo mos ba povu ida-idak no ba katuas lia nain sira iha suku-suku. Sira hakerek tuir povu iha provinsia ida-idak nia lian ho sira nia maneira hakerek rasik. Surat nebee atu haruka uza liurai Ahasuweros nia naran, i tau karimbu hosi liurai nia kadeli rasik nebee nia entrega ona ba Amaan.

Ester 4:16

“Baa halibur ema Judeu hotu iha sidade Suzan nee. Hau husu ba imi jejun no harohan mai hau loron tolu, kalan tolu. La bele haan, no la bele hemu buat ida. Hau ho hau nia ema feto sira nebee serbisu mai hau nee mos jejun no harohan hotu. Depois, hau sei baa koalia ho liurai, maski kontra lei. Se karik hau tenki mate ba ida nee, hau prontu mate.”

Ester 4:2

Maibee bainhira nia too iha odamatan atu tama ba palasiu, nia la bele tama, tanba ema nebee hatais ropa hosi karoon la bele tama iha nebaa.

Ester 4:4

Bainhira feto sira nebee ajuda Ester no mane sira nebee toma konta feto sira nee mai foo hatene ba Ester kona ba Mordekai, nunee halo Ester nia laran susar atu mate. Entaun nia haruka hena diak hodi ba foo ba Mordekai, hodi troka tiha ropa hosi karoon nee. Maibee nia lakohi simu.

Ester 9:31

Surat sira nee mos foo hatene oinsaa sira tenki halo loron boot Purim nee tinan-tinan, tuir Mordekai ho Ester sira nia surat. Ema Judeu sira nia oan, sira nia bei-oan, ho sira nia jerasaun sira hotu tenki hanoin no selebra loron boot nee tinan-tinan nafatin, hanesan sira selebra mos ema Judeu sira nia loron boot sira seluk. Iha loron sira nee dala ruma sira haan rame-rame, dala ruma sira jejun no dala ruma sira tenki arepende sira nia sala no harohan husu tulun.

Jonas 3:6

Bainhira liurai Ninive rona buat sira nee, nia tuun hosi nia kadeira ukun, i nia hasai tiha nia hena liurai, hodi hatais fali hena hosi karoon. I nia ba tuur iha akudesan hodi hatudu katak nia hanoin hikas nia sala.

Mateus 13:42

Hau nia anju sira sei soe ema aat sira nee ba iha ahi lakan laran, iha nebaa sira sei tanis hakilar i ruun nehan.

Mateus 22:13

Nunee liurai hatete ba nia atan sira, ‘Futu tiha ema nee nia liman-ain i soe sai ba iha fatin nakukun. Iha nebaa ema nee sei tanis hakilar i ruun nehan.’ ”

Mateus 25:30

Agora kaer tiha atan nebee la iha folin nee, soe sai nia ba iha fatin nebee nakukun liu. Iha nebaa nia sei tanis hakilar i ruun nehan.’ ”