Ester 4:16 - Biblia Tetun Dili

¹⁶ “Baa halibur ema Judeu hotu iha sidade Suzan nee. Hau husu ba imi jejun no harohan mai hau loron tolu, kalan tolu. La bele haan, no la bele hemu buat ida. Hau ho hau nia ema feto sira nebee serbisu mai hau nee mos jejun no harohan hotu. Depois, hau sei baa koalia ho liurai, maski kontra lei. Se karik hau tenki mate ba ida nee, hau prontu mate.”

Ester 4:16 Iomraidhean Croise

Jenesis 18:19

Hau hili ona nia, hodi hanorin nia oan sira ho ema seluk atu tuir nafatin NAI Maromak nia dalan, para sira bele moris loos. Se sira tuir nunee, maka Hau sei kumpri Hau nia promesa ho Abraão.”

Jenesis 43:14

Hau harohan ba Nai Maromak forsa teb-tebes, para halo liurai Ejitu nia visi nee bele hadomi imi. Para nia bele foo fila Benjamim ho Simeão mai hamutuk ho imi. Maibee, se hau nia oan sira tenki lakon, biar hau lori nafatin terus nee.”

Ester 4:15

Depois Ester haruka lia menon ba Mordekai dehan,

Ester 4:17

I Mordekai fila, no halo tuir buat hotu nebee Ester haruka.

Ester 4:3

Bainhira liurai nia surat orden too ona iha provinsia ida-idak, i nia povu mos rona ona surat nee dehan saida, nunee ema Judeu sira laran susar teb-tebes. Sira tanis makaas hanesan ema ida foin mate. I sira mos jejun. Sira barak mak troka tiha sira nia ropa hodi hatais fali ropa nebee halo hosi karoon, i sira mos tau akudesan iha sira nia ulun rasik hanesan sinal katak, sira nia laran tristi teb-tebes.

Ester 5:1

Bainhira sira jejun ona loron tolu, Ester hatais tiha nia ropa liurai feto nian, i baa hamariik natoon loos iha liurai nia odamatan oin. Odamatan nee, hodi tama ba iha liurai nia fatin hodi ukun. Liurai tuur hela iha nia kadeira ukun hateke ba odamatan nee. I odamatan nakloke luan hela.

Ester 9:31

Surat sira nee mos foo hatene oinsaa sira tenki halo loron boot Purim nee tinan-tinan, tuir Mordekai ho Ester sira nia surat. Ema Judeu sira nia oan, sira nia bei-oan, ho sira nia jerasaun sira hotu tenki hanoin no selebra loron boot nee tinan-tinan nafatin, hanesan sira selebra mos ema Judeu sira nia loron boot sira seluk. Iha loron sira nee dala ruma sira haan rame-rame, dala ruma sira jejun no dala ruma sira tenki arepende sira nia sala no harohan husu tulun.

Mateus 12:40

Jonas hela iha ikan boot nia kabun laran loron tolu kalan tolu. Nunee mos Hau, Ema Oan, sei hela iha rai okos loron tolu kalan tolu.

Lucas 9:24

Tanba see mak hakarak salva nia aan, nia sei lakon nia vida. I see mak lakon nia vida tanba nia tuir Hau, nia sei hetan moris rohan-laek.

João 19:22

Governador hataan, “Hau mak haruka sira haherek nunee. Husik deit baa!”

Apostolu sira nia Istoria 10:7

Bainhira anju nee baa tiha ona, Cornélio bolu nia ema nain rua ho nia soldadu ida nebee hamtauk ba Maromak.

Apostolu sira nia Istoria 20:24

Nai Jesus mak tau serbisu nee iha hau nia kabaas, atu hau baa foo sai Nai Maromak nia Novidade Diak kona ba Nia grasa ho Nia domin mai ita. Se karik hau la tuir Nia hakarak, i la halo remata Nia serbisu nee, hau senti hau nia moris nee la iha folin ida.

Apostolu sira nia Istoria 21:13

Maibee nia hataan, “Nusaa mak imi tanis? Imi halo hau nia laran dodok deit. Maski ema futu hau ka oho hau tanba hau tuir Nai Jesus, hau prontu atu simu.”

Apostolu sira nia Istoria 27:33

Bainhira rai naroman ona, Paulo husu atu ema sira nee hotu-hotu haan. Nia hatete, “Semana rua ona, ita la haan buat ida.

Apostolu sira nia Istoria 9:9

Durante loron tolu nia matan delek, i nia mos la haan-hemu buat ida.

Roma 16:4

Uluk sira atu besik mate bainhira sira salva hau. Laos hau mesak deit mak foo obrigadu ba sira, maibee sarani sira hotu nebee laos Judeu mos foo obrigadu ba sira.

Filipi 2:30

Tanba nia halao Kristu nia serbisu too nia besik atu mate. Nia foo aan ba mate, para bele ajuda hau hodi imi nia fatin.