Ester 4:1 - Biblia Tetun Dili

¹ Bainhira Mordekai hatene ona buat hotu nebee Amaan sira atu halo ba ema Judeu sira, nia lees tiha nia hena iha nia isin. I nia hatais fali ropa nebee halo hosi karoon, i tau mos akudesan iha nia ulun hanesan sinal katak nia laran tristi teb-tebes. Depois nia sai hosi nia uma baa iha dalan-dalan sira iha sidade, hodi tanis hakilar, tanba nia laran susar la halimar.

Ester 4:1 Iomraidhean Croise

Jenesis 27:34

Rona nunee, Esaú laran moras, i tanis hakilar, “Apaa! Foo bensaun mos mai hau!”

Jenesis 37:34

Haree nunee, Jacó lees tiha nia ropa, i hatais fali hena aat ida, tanba nia tristi atu-mate. Nia mos tanis lelir bebeik ba nia oan nee.

Ester 4:2

Maibee bainhira nia too iha odamatan atu tama ba palasiu, nia la bele tama, tanba ema nebee hatais ropa hosi karoon la bele tama iha nebaa.

Ester 4:3

Bainhira liurai nia surat orden too ona iha provinsia ida-idak, i nia povu mos rona ona surat nee dehan saida, nunee ema Judeu sira laran susar teb-tebes. Sira tanis makaas hanesan ema ida foin mate. I sira mos jejun. Sira barak mak troka tiha sira nia ropa hodi hatais fali ropa nebee halo hosi karoon, i sira mos tau akudesan iha sira nia ulun rasik hanesan sinal katak, sira nia laran tristi teb-tebes.

Mateus 11:21

Jesus dehan, “Imi ema Korazim sei terus. I imi ema Betsaida mos sei terus. Hau halo ona milagre bar-barak iha imi nia leet, maibee imi lakohi husik imi nia sala. Ema nebee hela iha sidade Tiru ho Sidon nunka haree milagre sira nee. Se sira haree karik, maka sira sei tuur iha ahu kdesan i hatais hena lutu hodi hatudu katak sira husik ona sira nia sala.

Apostolu sira nia Istoria 14:14

Maibee bainhira Jesus nia apostolu sira hatene katak ema atu adora sira, sira nain rua protesta kedas. Sira lees tiha sira nia ropa hanesan sinal katak sira la konkorda. I sira halai tama ba iha ema lubuk nee nia leet, hodi hakilar dehan,

Apokalipse 11:3

I Maromak sei haruka Nia ema nain rua baa foo sasin kona ba Nia. Sira sei hatais hena lutu hodi foo sai Maromak nia profesia durante fulan hirak nee hotu. Nee hamutuk loron rihun ida atus rua neen-nulu.”